| e-texts navigator |
| Wylie |
186b1 ཀྱིས་དཀྱིལ་འཁོར་བྲི་བར་བྱའོ། །གལ་ཏེ་དེ་ཡང་མི་ཤེས་ན་ཕྱག་མཚན་བཞག་པར་བྱའོ། །ཕྱག་རྒྱའི་ཆོ་ག་རྒྱས་པའོ། །དེ་ནས་བཅོམ་ལྡན་འདས་དོན་ཡོད་པ་ཐོགས་པ་མེད་པ་མྱུར་དུ་འགྲུབ་པའི་ཆོ་ག
186b2 རྒྱ་ཆེ་བའི་དམ་ཚིག་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ་རྣམ་པར་གནོན་པར་མཛད་ནས་རྡོ་རྗེ་འཆང་ཆེན་པོས་འདི་གསུངས་སོ། །བདེ་བ་ཆེན་པོ་རབ་བསྒྲུབ་དང་། །འདོད་པ་ཆེན་པོ་རྣམ་དག་ཕྱིར། །
186b3 རྡོ་རྗེ་སེམས་དཔའ་གྲུབ་པ་ནི། །རྟག་པར་མྱུར་དུ་བཤད་པར་བྱ། །ཅི་སྲིད་འཁོར་བའི་གནས་སུ་ནི། །དེ་སྲིད་སེམས་ཅན་གདོན་པར་བྱ། །མྱ་ངན་འདས་པ་བྱང་ཆུབ་སྒྲིབ། །དེ་ཉིད་ཀྱིས་ནི་དམ་ཚིག
186b4 རྣམས། །ཅི་སྲིད་སྲིད་པ་ལ་གནས་པ། །དེ་སྲིད་སེམས་ཅན་དོན་ཉིད་བྱེད། །ཐམས་ཅད་དག་པའི་མཆོག་ཆོས་ཅན། །ཅི་ལྟར་སེམས་ཅན་ཀུན་གྱི་དོན། །དངོས་གྲུབ་ཐམས་ཅད་རབ་བསྒྲུབ་པ། །དེ་ལྟར་སྦྱིན་སྩོགས
186b5 ཕ་རོལ་ཕྱིན། །བྱང་ཆུབ་སྤྱོད་པ་མཆོག་གིས་མིན། །དེ་བཞིན་གཤེགས་ནི་གདུལ་མིན་ལ། །སེམས་ཅན་རྣམས་ཀྱི་དོན་མཛད་པ། །འདི་ནི་དངོས་གྲུབ་རབ་བསྒྲུབ་ན། །དུས་ཀུན་ཏུ་ནི་ཐམས་ཅད་མཛད། །དེས
186b6 ན་བསྒྲུབ་འདི་བཤད་བྱ་སྟེ། །དངོས་གྲུབ་ཤིན་ཏུ་རྟག་པ་ཡིན། །གང་གིས་སྲིད་པ་འདི་ཉིད་དུ། །ཤིན་ཏུ་རྟག་པའི་དངོས་གྲུབ་ཐོབ། །དཀྱིལ་འཁོར་དག་ཏུ་མ་ཞུགས་ཀྱང་། །དམ་ཚིག་རྣམ་པར་སྤངས
186b7 པ་འམ། །བསོད་ནམས་མེད་ཀྱང་ཐམས་ཅད་དུ། །སྲིད་པ་འདི་ལ་མྱུར་དུ་འགྲུབ། །གལ་ཏེ་དངོས་གྲུབ་སྒྲུབ་འདོད་ན། །རྟག་ཏུ་ཡུལ་དང་ལྡན་གྱུར་ན། །གསང་བའི་མཆོད་པས་མཆོད་ནས་ནི། །རང་རང་ཕྱག
186b8 རྒྱས་འགྲུབ་པར་འགྱུར། །དྲུག་ལྡན་ལ་སོགས་སྙན་པའི་གླུ། །ཆགས་པ་ཀུན་ཀྱང་ཅི་འདོད་པར། །བཟླས་པའི་དོན་ནི་ཅི་ནུས་པས། །རྡོ་རྗེ་སེམས་དཔའ་བསྒྲུབ་པར་བྱ། །འདི་ཡིས་འདོད་པའི་ཀུན་དབང་ཕྱུག་།
iiif viewer powered by OpenSeadragon
