| e-texts navigator |
| Wylie |
182b1 དང་། སྒེག་པ་དང་གར་དང་གླུ་ཡིས་རབ་ཏུ་བརྒྱན་པ་དང་། བསྟོད་པས་སད་པར་བྱེད་པ། བདེ་བ་ཆེན་པོ་རྡོ་རྗེ་སེམས་དཔའི་གནས་གཞལ་ཡས་ཁང་པ་ལ་བཞུགས་སོ། །དེ་ནས་བཅོམ་ལྡན་འདས་རྡོ་རྗེ་སེམས་དཔའ་དེ་བཞིན
182b2 གཤེགས་པ་ཐམས་ཅད་ཀྱི་སྐུ་དང་། གསུང་དང་ཐུགས་རྡོ་རྗེས་བྱིན་གྱིས་བརླབས་པའི་དམ་ཚིག་སེམས་དཔའ་ཐམས་ཅད་དང་། དབང་བསྐུར་བ་ཐམས་ཅད་དང་། ཐམས་ཅད་མཁྱེན་པའི་ཏིང་ངེ་འཛིན་ལས་ཐམས་ཅད་མཆོག་ཏུ་གྱུར
182b3 པ་ཁམས་གསུམ་ཐམས་ཅད་འདུལ་བར་མཛད་པ། ཐམས་ཅད་དབང་དུ་བྱེད་པ་པོ། འཛིན་པ་པོ། འདོད་པ་ཐམས་ཅད་པ་རྒྱ་ཆེ་བའི་ཆོ་ག་ཐམས་ཅད་བརྟག་པའི་དེ་བཞིན་གཤེགས་པ་ལ་གསོལ་བ་བཏབ་པ་ཅི་སྲིད་སྲིད་པའི་བར་གནས་པ།
182b4 དེ་སྲིད་སེམས་ཅན་དོན་མཆོག་མཛོད། །སེམས་ཅན་ཁམས་ནི་མཐའ་ཡས་དང་། །རྒྱལ་སྲས་སྲིད་པ་འདོད་པའི་ཕྱིར། །སྲིད་པའི་སྐྱོན་རྣམས་འཇོམས་ཕྱིར་དང་། །བདེ་བ་ཆེན་པོ་འཕེལ་བྱའི་ཕྱིར། །གསང་བའི་རྟོག་པ་མཆོག་གསུངས་པའི། །རྗེས
182b5 སུ་གནང་བ་བདག་ལ་སྩོལ། །དེ་ནས་བཅོམ་ལྡན་འདས་དེ་བཞིན་གཤེགས་པས་ཆོས་ཐམས་ཅད་སྒྲིབ་པ་མེད་པ་ཉིད་ལ་ལྷག་པར་དགོངས་ནས་གདུལ་བྱ་ཐམས་ཅད་ཐུགས་རྗེ་ཆེན་པོའི་སྣ་ཚོགས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས
182b6 པར་ཞུགས་ཏེ། མ་ལུས་ཤིང་ལུས་པ་མེད་པའི་སེམས་ཅན་གྱི་བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དང་། ཐམས་ཅད་ཡོངས་སུ་བསྐྱང་བ་དང་། ཕན་པ་དང་བདེ་བ་དང་དངོས་གྲུབ་ཐམས་ཅད་ཕུན་སུམ་ཚོགས་པ་དང་། ཡེ་ཤེས་དང
182b7 ལས་དང་མཆོག་གི་དངོས་གྲུབ་ཀྱི་རྒྱུར་འགྱུར་བའི་བར་དུ་དེ་བཞིན་གཤེགས་པ་ཐམས་ཅད་ཉིད་དང་རྡོ་རྗེ་འཆང་ཆེན་པོ་ཐོབ་པ། མཆོག་གི་དངོས་གྲུབ་ཀྱི་དོན་བདེ་བ་ཆེན་པོའི་རྡོ་རྗེ་དང་པོ་དེ། དེ་བཞིན་གཤེགས་པ་ཐམས་ཅད་ཀྱི་འཁོར་ལོས་སྒྱུར་བ
182b8 ཉིད་དེ་བཞིན་གཤེགས་པ་ཐམས་ཅད་ཀྱི་སྐུའི་ཕྲེང་བའི་ཅོད་པན་གྱིས་དབང་བསྐུར་བས་དབང་བསྐུར་བ་ཡིན་ནོ། །དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོ་མ་ལུས་ཤིང་ལུས་པ་མེད་པའི་བདེ་བ་ཆེན་པོ་མཆོག་གི་དངོས་གྲུབ་ལ་སོགས་པ
iiif viewer powered by OpenSeadragon
