| e-texts navigator |
| Wylie |
178b1 བདག་པོ་ཉིད་ཀྱི་ཕྱིར། །དྲག་པོའི་ལས་ལ་གནས་པར་གྱིས། །དེ་ནས་ཕྱག་རྒྱའི་ཡེ་ཤེས་བསླབས་ཏེ་གཏོར་མ་སྦྱིན་པར་བྱའོ། །དེ་ནས་བརྩམས་ཏེ་འཇིགས་པ་མེད་པར་དངོས་གྲུབ་ཐམས་ཅད་དང་། ཕུན་སུམ
178b2 ཚོགས་པ་ཐམས་ཅད་ཀྱི་བདེ་བ་དང་། ཡིད་བདེ་བ་ཐམས་ཅད་རྗེས་སུ་མྱོང་ནས། དྲག་པོའི་འཇིག་རྟེན་དུ་མཆོད་པར་འགྱུར་རོ། །དཀྱིལ་འཁོར་ཆེན་པོ་ཞི་བའི་མདུང་ཐུང་གིས་མཚན་མ་ཞེས་བྱའོ། །དེ་ནས་མ་མོ་ཐམས་ཅད
178b3 ཀྱིས་བཅོམ་ལྡན་འདས་ལ་ཕྱག་འཚལ་ཏེ། དང་པོ་མགྲིན་གཅིག་ཏུ་ཐམས་ཅད་དགུག་པ་དང་། གཞུག་པ་དང་གསད་པ་དང་བསྒྲུབ་པའི་དམ་ཚིག་ཅེས་བྱ་བ་རང་གི་དེ་ཁོ་ན་ཉིད་ཀྱི་སྙིང་པོ་འདི་ཕུལ་ལོ། །བྷྱོ། དེ་ནས་འདིའྀ་དཀྱིལ
178b4 འཁོར་བཤད་པར་བྱ་སྟེ། ཟུར་བཞི་པ་བྱང་གི་སྒོ་ཅན་གྱི་དཀྱིལ་འཁོར་ཐིག་བཏབ་ལ། དབུས་སུ་ནག་པོ་ཆེན་པོ་གར་བྱེད་པ་བཞིན་པ་བཞག་པར་བྱའོ། །དེའི་ཕྱོགས་དང་མཚམས་སུ་མ་མོ་བརྒྱད་བྲི་བར་བྱ་སྟེ།
178b5 འདི་ལྟ་སྟེ་དྲག་མོ་དང་། ཚངས་པ་མོ་དང་ཁྱབ་འཇུག་མོ་དང་གཞོན་ནུ་མོ་དང་། ནག་མོ་དང་ནག་མོ་ཆེན་མོ་དང་། ཤ་ཟ་མོ་དང་སྲིན་མོའོ། །དཀྱིལ་འཁོར་གྱི་ཕྱིའྀ་མཚམས་རྣམས་སུ་དྲག་པོའི་མཁའ་འགྲོ་མ་བཞི་བྲི་བར་བྱ
178b6 སྟེ། ཞི་བ་མོ་དང་བེ་རུཎ་ཊ་དང་གཏུམ་མོ་དང་འཇིགས་བྱེད་མ་རྣམས་སོ། །དེ་རྣམས་ཀྱི་མཚན་མ་ནི་མདུང་རྩེ་གསུམ་པ་དང་། ཕྲེང་བ་དང་འཁོར་ལོ་དང་། དྲིལ་བུ་དང་ཐོད་པ་ཁྲག་དང་བཅས་པ་དང་། མཁར་སིལ་དང་།
178b7 མཆེ་བ་དང་ཁ་ཊྭ~ཾ་གའོ། །སྒོ་སྲུངས་རྣམས་ཀྱི་ནི་ཐོད་པ་དང་། རུས་པའི་ལུ་གུ་རྒྱུད་དང་བྱ་རྒོད་དང་བྱི་ལའོ། །དེ་ནས་ཕྱག་རྒྱའི་སློབ་དཔོན་ཆོས་སྤྱོད་པ་གཙང་བ་གོས་གཙང་མ་བགོས་པ། ཐམས་ཅད་ཟ་བ་འམ་ཐམས
178b8 ཅད་སྤྱད་པ་ལ་ཡང་སྨད་པ་མེད་དེ། ཞི་བའི་ཕོ་ཉའི་ཕྱག་རྒྱས་ཞུགས་ལ་སྙིང་པོ་བཟླས་པར་བྱའོ། །དེ་ནས་དཀྱིལ་འཁོར་གྱི་དབུས་ནས་བྷྱོ་ཆེན་པོ་ཐོས་པར་འགྱུར་རོ། །དེ་ནས་སློབ་དཔོན་མ་གཏོགས་པ་གཞན་ཐམས
iiif viewer powered by OpenSeadragon
