| e-texts navigator |
| Wylie |
98b1 གང་དག་ཡིན་པར་མཆོད་པར་བྱ། །སྦྱིན་སྲེག་དེ་ཉིད་ཀྱིས་བསྐུལ་ཅིང་། །དང་པོ་དགང་བླུགས་སྲེག་ཅིང་དབུལ། །ཕྱིས་ནི་རིམ་བཞིན་རྣམ་པར་སྤེལ། །ཞི་དང་རྒྱས་དང་དབང་རྣམས་ལ། །དགེ་བ་རྫས་རྣམས་སྦྱིན་སྲེག་བྱ། །བཤང་གཅི་ཁྲག་རྐང
98b2 རུས་པ་དང་། །ཤ་ཆེན་དག་ཀྱང་སྦྱིན་སྲེག་བྱ། །ཅི་སྟེ་ཡེ་ཤེས་སེམས་དཔའི་ཞལ། །མི་གཙང་བ་ཡིས་བཀང་ན་གོ། །ཇི་ལྟར་སྡིག་པ་མི་སྐྱེ་འགྱུར། །གལ་ཏེ་སྡིག་འགྱུར་འབྲས་བུ་གང་། །སེམས་ཅན་མི་ཤེས་པས་རྨོངས་ཏེ། །ཐམས་ཅད་ཤེས་རབ་རྣམས
98b3 སྤངས་ཤིང་། །ཕྱི་རོལ་དངོས་ལ་མངོན་ཞེན་པ། །རྣམ་རྟོག་དྲ་བས་བླུན་བྱས་གང་། །དེ་དག་གིས་ནི་དགེ་སྡིག་གི། །ཕུང་པོ་གཉིས་སུ་རྣམ་པར་བརྟགས། །ཆོས་འདི་རང་བཞིན་གྱིས་དག་སྟེ། །སྐྱེ་བ་མེད་ཅིང་གནས་པ་མེད། །སེམས་ཅན་ཤེས་པ་སྤེལ
98b4 བའི་ཕྱིར། །སངས་རྒྱས་རྣམས་ཀྱི་ཐབས་ཀྱིས་བསྟན། །དམ་པའི་དོན་དུ་དགེ་སྤངས་ན། །བསོད་ནམས་མེད་པ་ཅི་ཞིག་སྨོས། །དཔེར་ན་ཆུས་གང་ཆུ་ཀླུང་གི། །ཕ་རོལ་འགྲོ་བའི་སེམས་ཅན་དག་།རྩཝ་དང་ཤིང་ལ་སོགས་བསྡུས་ཏེ། །ཆུ་ལས་རྒལ་བའི་གཟིངས
98b5 བྱས་ན། །དེ་ལ་འཇུས་ཏེ་ལེགས་བརྒལ་ན། །བོར་ཏེ་བདེ་བར་འགྲོ་བ་ལྟར། །དེ་བཞིན་འཁོར་བའི་ཕ་རོལ་གྱི། །ཆོས་ཀྱི་ལམ་ནི་བསྐྱེད་བྱས་ཀྱང་། །ཆོས་དང་ཆོས་མིན་རྣམ་སྤངས་ནས། །བྱང་ཆུབ་བདེ་བ་ཐོབ་པ་བཞིན། །དེ་ཕྱིར་རྣམ་རྟོག་དྲང
98b6 སྤོངས་ལ། །ཟབ་མོ་ཡི་ནི་ཆོས་སྤེལ་ཏེ། །དེ་བཞིན་གཤེགས་པས་གསུངས་ལམ་ལ། །སྔགས་རིག་རྣམ་རྟོག་མ་བྱེད་ཅིག་།རྣམ་རྟོག་རྨོངས་པ་ཆེན་པོ་སྟེ། །འཁོར་བའི་རྒྱ་མཚོར་ལྟུང་བྱེད་པས། །ནམ་མཁའ་ལྟ་བུར་དྲི་མེད་པའི། །རྣམ་པར་མི
98b7 རྟོག་ཏིང་འཛིན་མནོན། །དབང་པོ་གཉིས་ནི་མཉམ་སྦྱར་ཏེ། །ལུས་དང་ངག་དང་སེམས་བསྡམས་ནས། །ངའོ་སྙམ་པའི་གཟི་བསྐྱེད་གཟུགས། །རྣམ་པ་ཀུན་གྱིས་རྣམ་པར་བརྒྱན། །རྣལ་འབྱོར་ལྡན་པ་ཚེ་འདི་ལ། །ཡེ་ཤེས་རྫོགས་པ
98b8 ཉིད་དུ་འགྱུར། །ལས་ལས་བྱུང་བར་རྣམ་བསྟན་པའི། །སྐྱེས་པ་བུད་མེད་གཟུགས་མང་ལ། །བརྙས་པ་ཉིད་དུ་མི་བྱ་འདིས། །རྡོ་རྗེ་ལུས་ཅན་དམ་ཚིག་ཡིན། །ངན་རྟོག་བཟང་རྟོག་དྲ་བ་ཡི། །སེམས་ཀྱི་སེམས་ཅན་རྣམས་ལ་ནི། །
iiif viewer powered by OpenSeadragon
