| e-texts navigator |
| Wylie |
97a1 གསིལ་བྱ་ཞིང་། །རྡོ་རྗེ་བཅིང་བར་བསྐྱོད་པར་བྱ། །དབང་ཆེན་དཀྱིལ་འཁོར་ལ་གནས་ཨོཾ། །དབུས་སུ་པད་མ་འདབ་བརྒྱད་དང་། །འབྲེལ་བའི་པད་མ་བཞག་ནས་སུ། །ཱཿཞེས་བྱ་བར་བརྒྱད་ཀྱིས་བརྒྱན། །དབུས
97a2 སུ་བསྒྲུབས་བྱ་བཞག་ནས་སུ། །ཧཱུ~ཾ་བཞི་ཡིས་ནི་མཛེས་པར་བྱ། །ཁམ་ཕོར་ཁ་སྦྱར་ནང་བཅུག་སྟེ། །སྟེང་དུ་རྡོ་རྗེ་འཆང་བས་མནན། །བསྒོམས་ཞིང་གསང་སྔགས་བསྐུལ་ཚིག་གིས། །བཟླས་བརྗོད་དག་ནི་བྱ་བ་དང་། །
97a3 བ་ཞེས་བྱ་བའི་ཐེག་པ་ཡིས། །ཀུན་ནས་ཀྱང་ནི་བཀྲི་བར་བྱ། །འདི་ནི་སྐུ་གསུམ་ལས་བྱུང་བའི། །ལྷ་དང་མི་ཀུན་མནན་པར་འགྱུར། །སྔགས་ལ་མཁས་པའི་བདག་ཉིད་ནི། །ཁ་དོག་དམར་པོ་རྡོ་རྗེ་ཅན། །འདོད་ཆགས་ཆེ་དང
97a4 ལྡན་པའི་གཟུགས། །འདོད་པའི་ལྷ་དང་ལྷན་ཅིག་བསམས། །སྐུ་གསུམ་ལྡན་པ་མདའ་ཐོགས་ཤིང་། །གཡོན་པ་ཡིས་ནི་གཞུ་ཡང་གཟུང་། །ུ0f00་ཧཱུ~ཾ་བུད་མེད་སྤྱི་བོར་བསམས་ནས་ནི། །འདོད་པས་སྙིང་ཟགས
97a5 དྲེགས་བདོ་བ། །མདོག་དམར་ཐལ་མོ་སྦྱར་ནས་ནི། །འདུད་བཞིན་དུ་ནི་མདུན་བཞག་སྟེ། །རྡོ་རྗེ་མདའ་ཡིས་བསྣུན་ན་ནི། །པད་མ་དག་ལས་ཟིལ་པ་འཛག་།རྡོ་རྗེ་མདའ་ཡི་སྦྱོར་བ་ཡིས། །འདོད་ཆགས་ཅན་མ་འཛག་པར་འགྱུར། །
97a6 རྣལ་འབྱོར་ཅན་གྱིས་དབང་བྱའི་ཕྱིར། །འདོད་ཆགས་རྡོ་རྗེ་ཅན་ཡང་བསྒོམ། །མི་ཐོད་ལས་བྱས་ཅང་ཏེའུ་ལ། །སྤྲེའུ་པགས་པས་གཡོགས་ནས་ནི། །ངོས་གཉིས་ལ་ནི་པད་མ་བྲི། །བུད་མེད་ཁྲག་གིས་འཛག་པར་བྱ། །དེ་ཡི་དཀྱིལ་དུ་ཁེར
97a7 བྲིས་ཏེ། །མི་ཡི་སྐྲ་ཡིས་བཏགས་ནས་ནི། །མཐིང་རིལ་གྱི་ནི་རྐང་རུས་ཀྱིས། །ཁྲེ་ཧཱུ~ཾ་མིང་ནས་བརྗོད་ཅིང་བརྡུང་། །ལམ་གྱི་བཞི་མདོར་དཀྱིལ་འཁོར་ནི། །རྐང་པ་གཡོན་པའི་མཐེ་བོས་བྲིས། །གྲཝར་ནི་བུ་མོ་ཟས་སྦྱིན་མ། །
97a8 འགུགས་པར་བརྩོན་པའི་ལྕགས་ཀྱུ་བྱ། །གཙོ་བོ་ཁྲག་འཐུང་ཆ་ལུགས་ཀྱི། །གཟུགས་ཅན་གྱིས་ནི་རྟིང་བས་བརྡུང་། །འདི་ནི་ཁམས་གསུམ་རྣམ་གནས་པའི། །བུ་མོ་ཟས་སྦྱིན་འགུག་པར་འགྱུར། །གང་ཡང་རུང
iiif viewer powered by OpenSeadragon
