| e-texts navigator |
| Wylie |
89a1 རྒྱ་ཆེ་ལེགས་པ་སྟེ། །རྡོ་རྗེ་རིན་ཆེན་ཀུན་འདུས་ལེགས། །དེ་ནས་ཡེ་ཤེས་ཀྱི་སྐུ་གསུམ་ལས་བྱུང་བའི་བྱང་ཆུབ་སེམས་དཔའ་དེ་དག་གིས་སངས་རྒྱས་ཐམས་ཅད་ཀྱི་རྡོ་རྗེ་ཐེག་པ་སྔགས་པ་ཐོས་ནས།
89a2 དགའ་བས་སྤུ་ཟིང་ཞེས་བྱེད་པར་གྱུར་ནས། གཙོ་བོ་རྡོ་རྗེ་སྣང་མཛད་ལ། །དགའ་བའི་ཡིད་ཀྱིས་སྟོད་པར་བྱེད། །ཐོག་མ་མེད་ཅིང་སྐྱེ་བ་མེད། །འགྱུར་བ་མེད་ཅིང་གནས་པ་མེད། །མཁའ་བཞིན་རྣམ་རྟོག་ལས
89a3 གྲོལ་བ། །རྟོག་པ་རྣམས་ཀྱིས་རྣམ་པར་བརྟག་།ཐབས་སུ་བརྟགས་པ་གང་ཡིན་དེས། །ཡེ་ཤེས་ཀྱི་ནི་སྲས་པོ་ཀུན། །རྡོ་རྗེ་ཐེག་པ་བསྒོམས་པ་ཡིས། །སངས་རྒྱས་ས་ཡང་ཐོབ་པར་འགྱུར། །ཞེས
89a4 སྨྲས་སོ། །བདེ་བ་ལས་འཁྲུངས་རྡོ་རྗེ་འཆང་བ་ཡིས། །དངོས་པོ་དངོས་མེད་འབྱུང་གནས་ཆེན་པོར་མཁྱེན། །དང་པོ་གང་དུ་རྣམ་པར་སྣང་མཛད་ནི། །དག་ཅིང་དྲི་མེད་བློས་ནི་ཨོཾ་དུ་སྤྲུལ། །གཟུགས་མང
89a5 ཚུལ་གྱིས་ཕྲེང་བས་བསྐོར་བ་ཡི། །སྒྱུ་འཕྲུལ་དྲ་བ་ཁྱོད་ལ་ཕྱག་འཚལ་ལོ། །གསུང་སྙན་ཡི་གེ་ཀུན་ལ་ཁྱབ་པ་ཡི། །སྤྲོས་མེད་གསུང་དུ་འཇིག་རྟེན་དབང་ཕྱུག་བཞུགས། །མིག་གསུམ་ལྷ་མོ་དང་བཅས་འདུལ་མཛད
89a6 པ། །སྒྱུ་འཕྲུལ་ཚུལ་མང་ལྡན་པ་འགའ་མ་མཆིས། །གང་དུ་བདེ་ཆེན་རང་བཞིན་རྗེས་ཆགས་པ། །ན་ཆུང་དག་དང་ལྷན་ཅིག་བཞད་མཛད་ཅིང་། །གཡས་པའི་ཕྱག་གིས་རྡོ་རྗེ་གསོར་ནས་སུ། །གཡོན་པའི་ཕྱག་གིས་དྲིལ་བུ
89a7 སྒྲ་སྙན་འཁྲོལ། །ལྷ་མོ་མཐའ་དག་བཙུན་མོར་གྱུར་པ་ཡི། །དམ་ཚིག་རྣམས་ཀྱིས་བྱ་བ་བྱས་པར་འགྱུར། །གཅིག་གི་ལག་པས་ཀུན་ནས་འཁྱུད་པ་སྟེ། །གཉིས་པ་རྗེས་སུ་ཆགས་ཕྱིར་བདེ་བའི་མཐུ། །གསུམ་པ
89a8 མི་བཟོད་མེ་ཏོག་ཕྲེང་བ་འཐོར། །བཞི་པ་བདེ་བ་ཡིས་ནི་མདའ་ཡང་འཕེན། །གང་ཞིག་གླུ་འདི་ལེན་པར་བྱེད་པ་དག་།བདེ་བའི་རྡོ་རྗེ་ཅན་དང་མཉམ་པར་འགྱུར། །འདི་ནི་སངས་རྒྱས་ཐམས་ཅད་མཉེས་པར་བྱེད
iiif viewer powered by OpenSeadragon
