| e-texts navigator |
| Wylie |
88b1 གཉིས་ཀྱིས་རྒྱལ་མཚན་བྱ། །ཚོན་བགྱེ་ཚེ་ན་ལྕུག་ཕྲན་ལྟར། །བསྐྱོད་ཅིང་ཚོན་གྱི་ཕྲེང་བ་བགྱེ། །ལག་གཡོན་སྣོད་ཀྱི་ཚུལ་བྱས་ལ། །གཡས་པ་ཡིས་ནི་ལྷ་བཤོས་དབུལ། །ཁང་པ་བརྩེགས་པ་བཞག་ནས་སུ། །
88b2 གོས་ཀྱི་ཚུལ་གྱིས་གོས་རྣམས་དང་། །གདུབ་བུ་སྐེ་རགས་རྐང་རྒྱན་དང་། །རྣ་ཆ་དོ་ཤལ་གནས་ལྔར་གཞག་།དེ་ནས་གདུགས་ཀྱི་ཚུལ་གྱིས་སུ། །ལྷ་རྫས་གདུགས་ནི་ལེགས་པར་གཟུང་། །བསམས་གཏན
88b3 ཚུལ་གྱིས་ལག་པ་དག་། ནམ་མཁའ་ལ་ནི་མཛེས་བསྐོར་ན། །སངས་རྒྱས་ཞིང་རབ་འགེངས་བྱེད་པའི། །བླ་རེ་རྣམ་པ་སྣ་ཚོགས་འགྱུར། །གྲཝར་ནི་པད་མའི་ཕྲེང་བ་དང་། །དྲིལ་བུ་གཡེར་ཀའི་དྲ་བས་བརྒྱན། །
88b4 གསང་སྔགས་འདི་ནི་ཆོ་ག་བཞིན། །རྡོ་རྗེ་དྲིལ་བུ་བསིལ་བ་ཡིས། །སྒོ་འཕར་དག་ཀྱང་དབྱེ་བར་བྱ། །ོཾ་བཛྲ་གཎ་ཌེ་རད་ཎ། པྲ་ར་ཎ། སམ་པཱ་ར་ཎི་སརྦ་བུད་དྷ་ཀྵེ་ཏྲ། པྲ་ཙ་ལི་ཏེ། པྲཛྙ་པཱ་ར་མི་ཏཱ། ནཱ་ད་སྭ་བྷ་བེ་བཛྲ
88b5 དྷམྨ་ཧྲཱི་ད་ཡ། ཨ་པ་ཤོ་དྷ་ནི་ཧཱུ~ཾ་ཧཱུ~ཾ་ཧཱུ~ཾ། ལག་གཡས་རྡོ་རྗེ་གསོར་བྱ་ཞིང་། །སྣ་ཚོགས་ཁུགས་སུ་འགྱུར་བ་ཡི། །རྡོ་རྗེ་གླུ་ཡིས་བསྟོད་པར་བྱ། །རྡོ་རྗེ་ཐེག་པས་མཉེས་བྱེད་པ། །འདི་ནི་དོན་དམ་མཆོད་པ་ཡིན། །གང་གིས་རྣམ་རྟོག
88b6 རྣམ་སྤངས་ཏེ། །བྱང་ཆུབ་སེམས་ནི་རྣམ་བསྒོམས་པས། །ལུས་ངག་སེམས་ནི་རྣམ་དག་པ། །དེ་ཡི་མཆོད་པ་བླ་ན་མེད། །སེམས་ཅན་གང་གིས་དབུ་མ་ཡི། །ཐེག་པ་གོང་མ་མ་བསྒོམས་ཤིང་། །ཐེག་པ་དམན་པ་ལྷག་མོས་པ། །
88b7 དེ་ཡི་མཆོད་པ་ཀུན་རྫོགས་པ། །སངས་རྒྱས་དབང་ཆེན་གྲགས་ཀུན་གྱིས། །མཆོད་པ་དེ་དག་གསན་པ་དང་། །ངོ་མཚར་བྱུང་བའི་སྤྱན་ཕྱེ་ནས། །ལེགས་སོ་ཞེས་ནི་རབ་ཏུ་གསུངས། །ེ་མའོ་སངས་རྒྱས་ཐམས
88b8 ཅད་ཀྱིས། །བྱང་ཆུབ་སངས་རྒྱས་ཐབས་སུ་སྟེ། །རྡོ་རྗེ་བསྒོམ་པ་བྱས་པ་ཡིན། །ཉོན་མོངས་མེད་པར་བྱང་ཆུབ་འཐོབ། །རྡོ་རྗེ་ཐེག་ཆེན་ལེགས་པ་སྟེ། །སངས་རྒྱས་རྣམས་ཀྱིས་བསྟན་པ་ལེགས། །ཟབ་ཅིང
iiif viewer powered by OpenSeadragon
