| e-texts navigator |
| Wylie |
85b1 གུང་མོའི་ཚིགས་དང་པོ་བཀུག་སྟེ། རིན་པོ་ཆེའི་ཚུལ་དུ་བྱས་པ་ནི་རྡོ་རྗེ་རིན་ཆེན་མའི་ཕྱག་རྒྱའོ། །དེ་ཉིད་ལས་གུང་མོ་པད་མོའི་འདབ་མ་ལྟར་གདུབ་བུའི་ཚུལ་དུ་བྱས་པ་ནི་རྡོ་རྗེ་ཆོས་མའི་ཕྱག་རྒྱའོ། །དེ་ཉིད་ལས
85b2 གུང་མོ་ནང་དུ་བསྐུམ་པ་ནི་རྡོ་རྗེ་ལས་མའི་ཕྱག་རྒྱའོ། །ལག་པ་གཉིས་ཐལ་མོ་ཁོང་སྟོང་དུ་སྦྱར་བ་ལ་འཛུབ་མོ་གཉིས་གདུབ་བུ་ལྟར་བྱས་ཏེ་མཐེ་བོའི་རྩེ་མོར་མིག་གི་ཚུལ་དུ་བྱས་པ་ནི་སངས་རྒྱས་སྤྱན་གྱི
85b3 ཕྱག་རྒྱའོ། །རྡོ་རྗེ་བཅིངས་པ་ལས་གུང་མོ་བསྒྲེང་བའི་ཚིགས་གསུམ་པར་འཛུབ་མོ་གཉིས་རྡོ་རྗེའི་ཚུལ་དུ་བཟུང་བ་ནི་མཱ་མ་ཀཱིའི་ཕྱག་རྒྱའོ། །ལག་པ་གཉིས་ཐལ་མོ་ཁོང་སྟོང་དུ་སྦྱར་ཏེ་པད་མ་ཁ་བྱེ་བའི་ཚུལ་དུ་བྱས་པ་ནི
85b4 གོས་དཀར་ཅན་གྱི་ཕྱག་རྒྱའོ། །ལག་པ་གཉིས་ཐལ་མོ་ཁོང་སྟོང་དུ་སྦྱར་བ་ལས་འཛུབ་མོ་གཉིས་བཀུག་པས་གུང་མོའི་སེན་མོ་མནན་ཏེ་མཐེ་བོ་གཉིས་དབུས་སུ་བཞག་ནས་ཅུང་ཟད་བཀུག་པ་ནི་སྒྲོལ་མའི་ཨུད
85b5 པ་ལའི་ཕྱག་རྒྱའོ། །ལག་པ་གཉིས་ཐལ་མོ་སྦྱར་ཏེ། འཛུབ་མོ་དང་གུང་མོའི་ཚིགས་དབུས་མར་གདུབ་བུའི་ཚུལ་བྱས་ནས་མཐེ་བོ་གཉིས་གློར་བཞག་པ་འདི་ནི་སྐུལ་བྱེད་མའི་གཟུངས་ཀྱི་ཕྱག་རྒྱའོ། །དེ་ནས་རྡོ་རྗེ
85b6 བཅིང་པ་བྱས་པ་ལས་འཛུབ་མོ་གཉིས་མཐེ་བོའི་རྩེ་མོར་བཀུག་པ་འདི་ནི་རིན་ཆེན་སྒྲོལ་མའི་ཕྱག་རྒྱའོ། །ལག་པ་གཉིས་བརྐྱང་སྟེ་མཐེ་བོས་སོ་སོའི་མཐེའུ་ཆུང་གི་སེན་མོ་མནན་ནས་ལྷག་མ་རྡོ་རྗེའི
85b7 མཚན་ཉིད་དུ་བྱས་པ་འདི་ནི་ཁྲོ་གཉེར་ཅན་མའི་ཕྱག་རྒྱའོ། །ལག་པ་གཉིས་སོ་སོར་ཁུ་ཚུར་བཅངས་པ་ལས་འཛུབ་མོ་དང་མཐེའུ་ཆུང་གཉིས་ལུ་གུ་རྒྱུད་ལྟར་བཅིངས་པ་འདི་ནི་རྡོ་རྗེ་ལུ་གུ་རྒྱུད་ཀྱི
85b8 ཕྱག་རྒྱའོ། །ལག་པ་གཉིས་ཁུ་ཚུར་བཅངས་པ་ལས་གུང་མོ་དང་སྲིན་ལག་གཉིས་བསྒྲེངས་ཏེ་རྩེ་མོའི་ཚུལ་དུ་བྱས་ལ་གུང་མོའི་རྒྱབ་ཏུ་སྲིན་ལག་བསྣོལ་ལ། འཛུབ་མོ་གཉིས་གདུབ་བུའི་ཚུལ་དུ་བྱས
iiif viewer powered by OpenSeadragon
