| e-texts navigator |
| Wylie |
75a1 འབྲང་མའི་ཡེ་ཤེས་རྣམ་པར་རྒྱལ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །བ་ཡི་ཡེ་ཤེས་རོལ་པས་བསྐྲུན། །ལྷ་མོ་ནོར་གྱི་བློ་གྲོས་མ། །གཟི་ཆེན་གསེར་གྱི་མདོག་ཅན་ལ། །ཕྱག་དྲུག་ལང་ཚོ་དར་ལ་བབ། །རྒྱན་རྣམས
75a2 ཀུན་གྱིས་བརྒྱན་པ་སྟེ། །འཇོ་སྒེག་ཐབས་བཅས་འབར་བ་སྟེ། །དེ་ཡི་ཕྱག་གཡས་མཆོག་སྦྱིན་མཛད། །གཉིས་པས་འབྲུ་ཡི་སྙེ་མ་དང་། །གསུམ་པ་ཡིས་ནི་མདའ་ཡང་གསོར། །ཕྱག་གཡོན་ཡིད་བཞིན་ནོར་བུ་དང་། །
75a3 རིན་ཆེན་ཆར་འབེབས་གཞུ་ཡང་འཛིན། །གྲོགས་མོའི་སྐྱེ་བོས་ཡོངས་བསྐོར་ཅིང་། །མངག་གཞུག་གནོད་སྦྱིན་མོ་ཡི་གཟུགས། །རིན་ཆེན་ཆར་པ་འབབས་པ་དང་། །ནོར་ཀུན་གྱི་ནི་ཆར་པ་ཡང་། །འབེབས་པར་བྱེད་པ
75a4 བསམ་པར་བྱ། །ནོར་གྱི་བློ་གྲོས་ཆེན་མོ་འདི། །དེ་ལྟར་སྔགས་པས་བསྒོམས་ན་དེས། །དཔག་ཚད་བདུན་ནི་རྒྱས་པར་ཡང་། །ནོར་གྱི་ཆར་གྱིས་ཁྱབ་པར་མཛད། །བྱང་ཆུབ་སྦྱིན་མཆོག་དམ་པ་མ། །དེ་ལྟར་རྣལ་འབྱོར
75a5 བདག་ཉིད་བསྒོམ། །ནོར་གྱི་རྒྱུན་གྱི་ཆར་རབ་ཏུ་འབེབས་པའི་ཡེ་ཤེས་ཀྱི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །བི་ཡི་ཡེ་ཤེས་ལས་བསྒྲུབས་པ། །སྲིན་མོ་འབར་བའི་གློག་ཕྲེང་ཅན། །མིང་ནི་དངུལ་དཀར་ལས་སྐྱེས་མོ། །
75a6 སྟོབས་མོ་ཆེ་ལ་ཕ་རོལ་གནོན། །གསུས་འཕྱང་མོ་ལ་མཆེ་གཙིགས་མ། །སྐྲ་སེར་ཁམ་པ་གྱེན་དུ་བརྫེས། །ཐོར་ཚུགས་ཅོད་པན་གྱིས་བརྒྱན་པ། །སྤྱི་བོ་ལ་ནི་མི་འཁྲུགས་བཞུགས། །བཅུ་གཉིས་དབུ་དང་བཅཝ་བརྒྱད
75a7 ཕྱག་། སྤྱན་ནི་གསུམ་གསུམ་ཐོད་ཕྲེང་ལྡན། །དྲག་མོ་ལག་ན་རཀྟ་ཡིས། །བཀང་བའི་ཐོད་པ་ཐོགས་པ་སྟེ། །སྨད་གཡོགས་སེང་གེའི་ལྤགས་པས་གཡོགས། །སྦྲུལ་གྱིས་མཆོད་ཕྱིར་ཐོགས་པ་ཅན། །རལ་གྲི
75a8 ལྕགས་ཀྱུ་འཁོར་ལོ་དང་། །གཏུན་ཤིང་རྩེ་གསུམ་དྲིལ་བུ་དང་། །བ་དན་ལྷག་དབྱུག་མདུང་མཆོག་སྦྱིན། །གཞུ་མདའ་མདུང་ཐུང་བེ་ཅོན་དང་། །ཞགས་པ་དགྲ་སྟ་ཐོ་བ་ཐོགས། །རྒྱན་རྣམས་ཀྱིས་ནི་ལུས་ལ་བརྒྱན། །
iiif viewer powered by OpenSeadragon
