| e-texts navigator |
| Wylie |
65b1 རྒྱས་སོ། །བྲན་རྣམས་ནི་ཞགས་པའི་ཕྱག་རྒྱས་སོ། །ཕོ་ཉ་རྣམས་ནི་ལྕགས་ཀྱུའི་ཕྱག་རྒྱས་སོ། །དེ་དག་ལ་སོགས་པ་ནི་སྤྱན་དྲང་བའི་སྦྱོར་བའོ། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་འདི་ནི་གསང་སྔགས
65b2 རིམ་པར་ཕྱེ་བའི་ལེའུ་སྟེ་གསུམ་པའོ། ། །། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོའི་རྡོ་རྗེའི་དེ་བཞིན་གཤེགས་པ་ཡེ་ཤེས་ཆེན་པོའི་སྟོབས་ཀྱིས་རྣམ་པར་འཕྲུལ་པའི་རྡོ་རྗེ་ཞེས་བྱ་བའི་ཏིང་ངེ་འཛིན
65b3 ལ་སྙོམས་པར་ཞུགས་ནས་ཕྱག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །ཕྱག་ན་རྡོ་རྗེ་རས་སམ་བརྩིག་པ་ལ་སོགས་པ་ལ་གཟུགས་བརྙན་བསྒྲུབ་པ་ལ་དམིགས་པ་གང་གིས་གསང་སྔགས་འཆང་རྣམས་ཀྱིས་ཡེ་ཤེས
65b4 རྫོགས་པར་འགྱུར་ཞིང་ཡེ་ཤེས་རྫོགས་པས་སངས་རྒྱས་ཉིད་བདེ་བླག་ཏུ་ཐོབ་པར་འགྱུར་ན། དངོས་གྲུབ་གཞན་ལྟ་སྨོས་ཅི་དགོས་པའི་གསང་སྔགས་ཀྱི་ཚོགས་ཐམས་ཅད་ཀྱི་ཏིང་ངེ་འཛིན་གསང་ཆེན་བླ་ན་མེད་པ
65b5 བཤད་པར་བྱ་ཡིས་ཉོན་ཅིག་། ཨོཾ་གྱི་ཡེ་ཤེས་ཀྱིས་བསྒྲུབས་པ། །རྒྱལ་ཆེན་རྣམ་པར་སྣང་མཛད་ནི། །ཤེས་རབ་ཡེ་ཤེས་རབ་རྒྱས་པ། །སངས་རྒྱས་ཀུན་གྱིས་མཆོག་གིས་མཆོད། །ཞི་བ་ཐོར་ཚུགས
65b6 ཅོད་པན་འཆང་། །ཞལ་གསུམ་གྱིས་ནི་རྣམ་པར་བརྒྱན། །གསེར་གྱི་མདོག་ཅན་ཕྱག་དྲུག་པ། །དང་པོ་བསམ་གཏན་ཕྱག་རྒྱ་ཅན། །བགྲང་ཕྲེང་ལྡན་ཞིང་མདའ་ཡིས་བརྒྱན། །གཡོན་གྱིས་ལྷ་མོའི
65b7 ནུ་མ་འཛིན། །འཁོར་ལོ་དང་ནི་གཞུ་ཐོགས་ཤིང་། །ལྷ་རྣམས་བྲེད་ཅིང་ཁམས་རྣམས་འཛག་།འབར་བའི་འོད་དཀྱིལ་བརྒྱན་པ་ལ། །སངས་རྒྱས་ཀུན་གྱི་སྤྲིན་འཕྲོ་བ། །རབ་ཏུ་འབྱུང་ཞིང་ལེགས་འཁྱུད་པ། །
65b8 དེ་ཉིད་སྤྱོད་ཡུལ་ཅན་བསྒོམས་ཏེ། །གསང་སྔགས་ནང་གི་བཟླས་བརྗོད་བྱ། །ཏིང་ངེ་འཛིན་ཐམས་ཅད་ཀྱི་སྟོབས་རྫོགས་པར་བྱེད་པའི་ཡེ་ཤེས་ཞེས་བྱ་བའི་ཏིང་ངེ་འཛིན་ཏོ། །ོཾ་ཞེས་བྱ་བའི་ཚིག་གི་ལམ། །
iiif viewer powered by OpenSeadragon
