| e-texts navigator |
| Wylie |
58a1 ལས་བུམ་པ་ཁྲོས་པའི་ལེའུ་སྟེ་བཅུ་གཅིག་པའོ། ། །། དེ་ནས་མངོན་པར་བཤད་བྱ་བ། །རྫས་བསག་ལྷ་བསྒོམ་འཁོར་ལོ་བསྐོར། །རོ་རས་བྱི་དུག་བྱ་རོག་སྒྲོས། །ཁྲུ་གང་ཙམ་གྱི་མཚན་ཉིད་ལ། །འཆི་བར་བྱེད་པའི་སྣག་ཚ་ལ། །འུག་པའི
58a2 སྒྲོ་རྩ་གཡས་པ་ཡིས། །དྲག་སྔགས་མཉམ་པའི་རེའུ་མིག་བྲི། །དེ་ནས་མཚན་མར་གང་དམིགས་གཟུགས། །ཁ་དོག་རིགས་བཞི་ཉིད་དུ་བྱ། །དེ་སྙིང་དྲག་སྔགས་རེ་རེ་དགོད། །མཎ་ཌལ་གཙང་མ་དྲིས་བྱུགས་ཏེ། །དཀར་དང་དམར་དང་སེར
58a3 དང་ལྗང་། །རྨ་བྱའི་སྒྲོ་ཡིས་བརྒྱན་བྱས་ཏེ། །ལྷ་བསྒོམ་ཁྱད་པར་འཁོར་ལོ་འཛིན། །འཁོར་ལོ་བསྐོར་བའི་རིམ་པ་ནི། །དྲགས་སྔགས་མཉམ་པའི་འཁོར་ལོ་བསྐོར། །སྔགས་ནི། ནཱ་ག་ཙཀྲ་མཱ་ར་ཎ་ཧཱུ~ཾ་ཕཊ། གང་བསམས་འདི་ལ་ཐེ་ཚོམ་མེད། །
58a4 རྡོ་རྗེ་ཁྲོས་པའི་རྒྱུད་ལས་འཁོར་ལོ་ཁྲོས་པའི་ལེའུ་སྟེ་བཅུ་གཉིས་པའོ།། །། དེ་ནས་མངོན་པར་བཤད་བྱ་བ། །རྫས་བསག་ལྷ་བསྒོམ་ཕུར་པ་གདབ། །ལྕགས་སམ་སེང་ལྡེང་དུག་ཤིང་ལ། །སྔགས་གྲངས་མཉམ་པའི་ཕུར་པ་བཤམ། །འཁོར
58a5 ལོའི་མཐའ་མ་བསྐོར་ཏེ་དགོད། །ལྷ་བསྒོམ་ཁྱད་པར་ཕུར་བུ་འཛིན། །དྲག་སྔགས་བཟླས་པའི་རིམ་པ་ནི། །ནཱ་ག་བཛྲ་ཀཱི་ལ་ཡ་མཱ་ར་ཎ་ཧཱུ~ཾ་ཕཊ། །སྔགས་གྲངས་མཉམ་པའི་ཕུར་པ་བཤམ། །བརྩམ་པའི་ལས་ལ་ཐེ་ཚོམ་མེད། །རྡོ་རྗེ་བདེ་ཁྲོས
58a6 པའི་རྒྱུད་ལས་ཕུར་པ་ཁྲོས་པའི་ལེའུ་སྟེ་བཅུ་གསུམ་པའོ། ། །། དེ་ནས་མངོན་པར་བཤད་བྱ་བ། །རྫས་བསག་ལྷ་བསྒོམ་སྦྱིན་སྲེག་བྱ། །གདུག་པའི་ཤིང་བུ་ཁྲུ་གང་ཚད། །སྔགས་ཀྱི་གྲངས་ཀྱང་མཉམ་པར་བྱ། །སྔོན་དམར་སྐུད་པས་རིམ་གསུམ་དཀྲི། །
58a7 བར་དེར་འཁོར་ལོའི་སྲོག་རྩ་གཅད། །ལག་ཏུ་གྲི་ཐོག་དྲག་སྔགས་བརྗོད། །ནཱ་ག་ཏིཀྵྞ་ཆེ་གེ་མོ་མཱ་ར་ཡ་ཧཱུ~ཾ་ཕཊ། །རིམ་པར་བགྲངས་ཏེ་གཡང་གཞིའི་ཁུད། །བྱང་ཤར་མཚམས་སུ་རྣམ་པར་གཞག་།དེ་ནས་མཎ་ཌལ་དབུས་ཉིད་དུ། །ཧོམ
58a8 ཁུང་བྲིས་ཏེ་དུག་ཁྲག་བྱུག་། ནང་དུ་ཧོམ་དུ་གཟུགས་པར་བྱ། །འཁོར་ལོ་གྲིས་གཏུབ་ཐོགས་ནས་ནི། །གྲངས་དང་མཉམ་པར་བསྲེག་པར་བྱ། །མེ་དེ་ཡུགས་སའི་ཁྱིམ་ནས་བསླང་། །ལྷ་བསྒོམ་ཁྱད་པར་མེ་དཔུང་འཛིན། །གསང་སྔགས
iiif viewer powered by OpenSeadragon
