| e-texts navigator |
| Wylie |
164a1 གཟུགས་བརྙན་བྲི། །སྨྱོ་བྱེད་ཁུ་བས་བྱུགས་བྱས་ཏེ། །ཁྲི་ཕྲག་བཟླས་ན་མཛེ་ཡིས་འཁྱེར། །ཡུངས་ཀར་ས་བོན་བསྡུས་པ་ལ། །འབུམ་ཕྲག་བཞི་ནི་བཟླས་བྱས་ཏེ། །སྦྲུལ་གྱིས་གཟུང་ནས་འགྱེལ་བ་ལ། །གཏོར་ན་འཚོ་བར
164a2 ཐེ་ཚོམ་མེད། །རི་བོ་ཆུས་བཀས་ས་བླངས་ནས། །སྔགས་ནི་འབུམ་དུ་བཟླས་པ་ཡིས། །མགོ་ལ་བྱུག་པ་ཙམ་གྱིས་ནི། །མགོ་ཡི་ཟུག་རྣམས་འཇོམས་པར་འགྱུར། །བདུན་ཉིད་མངོན་པར་བསྔགས་བྱས་ཏེ། །ལག་པས་མགོ་བོ
164a3 མཉེ་བྱས་ན། །མགོ་ཡི་ཟུག་རྔུ་མི་འབྱུང་ཞིང་། །ཉམས་པར་འདི་ལ་ཐེ་ཚོམ་མེད། །བྲམ་ཟེ་ཡི་ནི་ཤ་དག་དང་། །དུར་ཁྲོད་ས་དང་ཐལ་བ་ལ། །གཤིན་རྗེ་གཤེད་ཀྱི་སྐུ་གཟུགས་བྱ། །ཞལ་གཅིག་ཕྱག་ནི་གཉིས་པ་སྟེ། །གཡས
164a4 ན་རྡོ་རྗེ་ཆེན་པོ་སྟེ། །གཡོན་ན་མགོ་བོ་དེ་བཞིན་དུ། །ཁ་དོག་དཀར་པོ་འཇིགས་ཆེན་པོ། །དེ་ཡིས་གདུག་པ་འཇོམས་པར་བྱེད། །བདུད་རྩི་རྣམ་པ་ལྔ་ཡིས་ནི། །ཉི་མ་སོ་སོར་གཏོར་མ་སྦྱིན། །བདག་གི་དགྲ་བོ་སོད་ཅིག་ཅེས། །
164a5 རྣལ་འབྱོར་པ་ཡིས་རྟག་གསོལ་གདབ། །འདི་སྨྲས་མཚན་མོ་ཉལ་བ་ལས། །དགྲ་བོ་ཐོ་རངས་འཆི་བར་འགྱུར། །ཡང་ན་ནད་ཀྱིས་འདེབས་འགྱུར་ཏེ། །ཆུ་འགགས་ལ་སོགས་ཀྱིས་ཁྱབ་འགྱུར། །དགྲ་ལས་རྣམ་པར་སྣང་མཛད
164a6 བླང་། །མི་ཡི་རྐང་སྦུབས་ཡོངས་བཀང་སྟེ། །སྔགས་ནི་འབུམ་དུ་བཟླས་ནས་ནི། །ཤིང་གི་དྲུང་དུ་མངོན་པར་འགྱེལ། །ཡི་དགས་ནགས་སུ་རྟག་ཏུ་འཁྱམ། །རྣལ་འབྱོར་དབང་ཕྱུག་ཚིམ་པས་བདེ། །སྣ་ཚོགས་དོན་རྣམས་རབ
164a7 ཏུ་འགྲུབ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་གཤིན་རྗེ་གཤེད་དམར་པོའི་རྒྱུད་ལས་འཇིགས་པར་བྱེད་པ་ཞེས་བྱ་བ་སྟེ་རིམ་པར་ཕྱེ་བ་བཞི་པའོ།། །།
164a8 དེ་ནས་རྒྱལ་པོ་རབ་བསྒྲུབ་པ། །བདག་གིས་ཡང་དག་བཤད་པར་བྱ། །མ་ཉམས་དེ་བཞིན་རྨ་མེད་པ། །ལྗོན་ཤིང་དག་ལ་སྦྱངས་པ་བླངས། །ཕབ་ནས་ལེགས་པར་ཁྲུས་བྱས་ཏེ། །ཕྲེང་བའི་བཟླས་པས་བསྒྲུབ་པར་བྱ། །
iiif viewer powered by OpenSeadragon
