| e-texts navigator |
| Wylie |
163b1 རལ་གྲི་སྒྲུབ་པ་གསུང་བར་མཛད། །སྐྱོབ་པ་སངས་རྒྱས་ཐམས་ཅད་ཀྱི། །ལྷ་མོ་ཁྱོད་ནི་དབང་དུ་གྱུར། །གཤིན་རྗེ་གཤེད་ཀྱི་དཀྱིལ་འཁོར་གྱི། །སློབ་དཔོན་རྣམས་གསུངས་རྒྱུད་བསྒྲུབ་ཕྱིར། །ཁབ་ལེན་ལྕགས་ཀྱི
163b2 རལ་གྲི་ཉིད། །དེ་རྣམས་ཡང་ན་བཅུད་ཅན་གྱི། །རལ་གྲི་ཁྲུ་གང་ཚད་བཅས་ཚད། །བརྟུལ་ཞུགས་ཅན་གྱིས་རྣམ་པར་བསམ། །བཅུ་བཞི་འམ་ནི་བརྒྱད་དག་ལ། །དུར་ཁྲོད་དབུས་སུ་སྦ་བར་བྱ། །བདུད་རྩི་ལྔ་དང་མཚུངས
163b3 པར་ལྡན། །ཐུན་མཚམས་གསུམ་དུ་བཟླས་པ་ཁྲི། །ཟླ་བ་སོ་སོའི་བཅུ་བཞི་ལ། །གཏོར་མས་སྔོན་དུ་མཆོད་པར་བྱ། །ཟླ་བ་རེ་ལ་བཟླས་པ་འབུམ། །འབུམ་ཕྲག་ལྔ་ཡིས་འགྲུབ་པར་འགྱུར། །གྲུབ་ན་རལ
163b4 གྲི་རབ་ཏུ་འབར། །འོད་ཟེར་ལྔ་ཡི་གློག་ཆེན་འཁྱུག་།གྲུབ་པ་དེ་ནི་གཟུང་གྱུར་པས། །མི་རྣམས་ཁམས་གསུམ་ལས་རྒྱལ་འགྱུར། །རྣལ་འབྱོར་གང་གིས་རལ་གྲི་གྲུབ། །གཤིན་རྗེ་གཤེད་པོ་འཇིགས་བྱེད
163b5 སྦྱོར། །བདེ་བར་འགྲུབ་ཅིང་ས་ཆེན་གྱིས། །དེ་ཡིས་འཐབ་པ་བཟོད་མི་ནུས། །རྐང་གཉིས་པ་དང་རྐང་བཞི་ཀུན། །མཐོང་བས་གནས་སྐབས་བཅུ་རུ་འགྱུར། །ལྷ་དང་ལྷ་མིན་གྱིས་མི་བཟོད། །མི་ཡི་འཇིག
163b6 རྟེན་སྨོས་ཅི་དགོས། །རྒྱ་མཚོའི་ས་ནི་བླངས་བྱས་ལ། །ཀླུ་ཡི་གཟུགས་ནི་སྦྱར་བར་བྱ། །ོཾ་ཕུ་ཡི་གེ་ཧཱུ~ཾ་ལ་དགོད། །ཧྲཱིཿཥྚྲཱིཿ། །ལ་སོགས་སྔགས་རྣམས་བཟླ། །ཆར་མི་འབབ་པའི་དུས་རྣམས་ལ། །ཁྲི་ནི་བཟླས་པས
163b7 འབབ་པར་འགྱུར། །སྦྲུལ་ནག་ཤ་དང་ནིམ་པ་ཡི། །ལོ་མ་དག་ནི་བསྲེས་པ་ཡིས། །དེ་ཡི་རི་ལུ་ལེགས་པར་བྱ། །བརྟུལ་ཞུགས་ཅན་གྱིས་རྒྱ་མཚོར་འཕང་། །ཁྲི་ཕྲག་བཟླས་པར་གྱུར་པ་ཡིས། །དབའ་ཀློང་རེངས་བྱེད་མཆོག་ཡིན་ནོ། །
163b8 ཙཎ་ཌའི་ས་བོན་བརྒྱ་གཟུང་ཞིང་། །མོན་སྲན་གྲེའུ་འབྲས་བསྲེས་ཏེ། །འབུམ་ཕྲག་བརྒྱད་བཟླས་སྦྱིན་སྲེག་གིས། །དེ་ཡིས་ལྷ་རྣམས་མཐོང་བར་འགྱུར། །དུར་ཁྲོད་རོ་བསྲེགས་མགལ་བའི་ཤིང་། །བརྟུལ་ཞུགས་ཅན་གྱིས
iiif viewer powered by OpenSeadragon
