| e-texts navigator |
| Wylie |
162b1 བ་གཉིས་པའོ། ། །། རི་དང་སྐྱེ་བོས་དབེན་པའི་ཕྱོགས། །གསང་ཞིང་ཡིད་བརྟགས་ས་གཞི་ལ། །རི་མོ་གསལ་བྲིས་རྣལ་འབྱོར་བདག་།སྔགས་ཀྱིས་འགུག་པ་བརྩམ་པར་བྱ། །དཀར་ཞིང་ཞལ་གཅིག་ཕྱག་གཉིས་པ། །གྲི་གུག་ཐོད་པ་འཛིན
162b2 པ་ཡི། །ཙར་ཙི་ཀཱ་ནི་བསྒོམ་པར་བྱ། །རྣལ་འབྱོར་ཁྲག་འགུགས་རབ་སྦྱོར་བ། །དེ་ནས་བཅོམ་ལྡན་འདས་གཤིན་རྗེ་གཤེད་ཆེན་པོ་དཀྲུག་པ་རྡོ་རྗེ་ཁྲག་འགུགས་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རྡོ་རྗེ་ཙར་ཙི་ཀཱའི
162b3 སྔགས་གསུངས་པ་འདི་ལྟ་སྟེ། ཨོཾ་བཛྲ་ཙར་ཙི་སི་དྷཱ་ན་ཏྲ་ནཱ་ལ་ཧཱ་རི་ཎི་རཏྣ་ཏྲ་ཡ་པ་རི་ཎོ་རུ་དྷི་ར་མཱ་ཀར་ཥ་ཡ་ཛཿ། ཞལ་ནི་རབ་ཏུ་བསྐྱོད་མཛད་ནས། །སྔགས་འདི་རྗེས་སུ་དྲན་བྱས་ལ། །ཁམས་གསུམ་པ་ཡི་ཁྲག་ཆེན་པོ། །འགུགས
162b4 འགྱུར་འདི་ལ་ཐེ་ཚོམ་མེད། །དེ་ནས་གཤིན་རྗེ་གཤེད་ཆེན་པོ་རྡོ་རྗེ་མྱོས་པ་འགུགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །རྡོ་རྗེ་ཕག་མོས་ཆང་དགུག་པའི་དམ་ཚིག་གསུངས་པ་འདི་ལྟ་སྟེ། ཨོཾ་གྷོ་ནེ
162b5 སྡུ་གྷོ་ནེ་བཛྲ་མཱ་མ་ཀཱི་བྷ་ར་བྷ་ར། ས~ཾ་བྷ་ར་ས~ཾ་བྷ་ར། ཏྲཻ་དྷཱ་ཏུ་ཀ་མ་དྱཱ་ཀར་ཥ་ཡ་ཛཿ། རྫ་མཁན་ལག་པ་ཕྱིས་པའི་སས། བུམ་པ་ཁ་ནི་མཛེས་བྱས་ཏེ། རྐུན་པོའི་སྐྲ་ཡི་སྟེང་དུ་གཞག་།སྔགས་ནི་རྗེས་སུ་དྲན་པར་བྱ། །སྔགས་འདིའི
162b6 བདག་ཉིད་ཆེ་བ་ནི། །མཆོད་རྟེན་པ་ཏ་ན་རུ་བསྟན། །མཁས་པས་འབད་པས་དམིགས་བྱས་ན། །ཆང་ནི་འགུགས་པར་རབ་ཏུ་གྲགས། །དེ་ནས་བཅོམ་ལྡན་འདས་གཤིན་རྗེ་གཤེད་ཀྱི་རྡོ་རྗེ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ
162b7 བའི་ཏིང་ངེ་འཛིན་ལ་སྙོམས་པར་ཞུགས་སོ། །ོཾ་པི་ཙུ་པི་ཙུ་པྲཛྙཱ་བར་དྷ་ནི། ཛྭ་ལ་ཛྭ་ལ་མེ་དྷཱ་བར་དྷ་ནི། དྷི་རི་དྷི་རི། བུད་དྷི་བར་དྷ་ནི་སྭཱ་ཧཱ། ཚེས་གཅིག་ནས་ནི་བཟུང་ནས་ནི། །ཇི་སྲིད་བཅཝ་ལྔའི་མཐར་ཐུག་ཀུན། །ལེགས་པར
162b8 སྦྱར་བ་བརྩམ་པར་བྱ། །ཇི་སྲིད་ཟླ་བའི་རྗེས་འབྲངས་ནས། །གསུང་གི་དབང་ཕྱུག་མ་ནི་འགྲུབ། །འདི་ཡིས་ཚིགས་བཅད་བརྒྱ་ཕྱེད་དོ། །ཁམས་གསུམ་པ་ནི་མ་ལུས་ཤིང་། །མ་ལུས་ལུས་པ་མེད་པ་འགྲུབ། །
iiif viewer powered by OpenSeadragon
