| e-texts navigator |
| Wylie |
162a1 ཁྲོ་བོ་རྣམས་ཀྱིས་འཇོམས་པ་དང་། །སངས་རྒྱས་ཡིན་ཡང་བཟློག་པར་དཀའ། །ོཾ་ཧྲཱིཿཥྚྲཱིཿཝི་ཀྲི་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ་ལྷ་སྦྱིན་སྐྲོད་པར་གྱིས་ཤིག་ཧཱུ~ཾ་ཕཊ་ཅེས་པ་ནི་བཅོམ་ལྡན་འདས་ཀྱིས་བསྐྲད་པ་ཆེན
162a2 པོའི་དམ་ཚིག་ཏུ་གསུངས་སོ། །རྣལ་འབྱོར་ཁྲོ་ཞིང་ལྷོར་ཕྱོགས་ལ། །ཁྲག་བཅས་དུར་ཁྲོད་ཐལ་བ་དང་། །དུག་དང་ཚྭ་དང་སྐེ་ཚེ་དང་། །ཚ་བའི་མར་ཁུ་སྨྱོ་ལོ་མས། །དེ་བཞིན་དུར་ཁྲོད་གོས་ལ་ནི། །འཁོར་ལོ
162a3 གཉིས་པ་དེ་བཞིན་བྲི། །གསད་བྱ་གཤིན་རྗེའི་ལུས་ལ་གནས། །སྡང་སེམས་མ་ཧེ་རྟ་དག་ལ། །བསྐྲད་པ་རྔ་མོའི་ལུས་ལ་གནས། །ཞི་བ་ཟླ་བའི་དཀྱིལ་འཁོར་དཀར། །རྒྱས་པ་ཟླ་བ་སེར་པོ་ལ། །བུད་མེད་སྙིང་གར
162a4 དབང་དུ་བྱ། །ངག་བཅིང་ར་ཡི་ལུས་ལ་གནས། །རེངས་པ་རི་རབ་དབུས་སུ་སྟེ། །དགུག་པ་སེང་གེ་སྟག་ལ་གནས། །དེ་བཞིན་གཞན་ཡང་མཚོན་པར་བྱ། །གི་ཧ~ཾ་དང་ནི་རྒྱ་སྐྱེགས་དང་། །དེ་བཞིན་ཁ་ཆེའི་བྱེ་བྲག་གིས། །
162a5 དབང་བྱ་གྲོ་ག་ཤིང་ཤུན་བྲི། །འགྲུབ་འགྱུར་འདི་ལ་ཐེ་ཚོམ་མེད། །ཁམ་ཕོར་ཁ་སྦྱར་ནང་དུ་གཞུག་།དགེ་བའི་སེམས་ཀྱིས་ཡང་དག་གཟུང་། །བྱ་རོག་སྒྲོ་ཡིས་བྲི་བར་བྱ། །པད་མ་ཁ་སྦྱོར་དུར་ཁྲོད་ལ། །ཉི་མའི
162a6 གུང་ལ་སྦ་བར་བྱ། །གཤིན་རྗེ་གཤེད་ཀྱི་རྣལ་འབྱོར་བདག་།ོཾ་ཧྲཱིཿཥྚྲཱིཿསོགས་སྔགས་བཟླས་ལ། །ལྷོ་ཕྱོགས་གནས་ཏེ་ཚར་བཅད་དོ། །ཞི་བའི་ཁ་དོག་ཡ་ཡིག་དབྱི། །ནི་གཉིས་ཀྱང་ནི་དེ་བཞིན་ནོ། །ཕྱི་ནས་དབུས
162a7 སུ་ཡ་ཡིག་ལས། །ལྷག་མའི་ཡི་གེ་ཅི་བདེ་བར། །སྔོན་དུ་བསྙེན་པ་ཁྲི་བཟླས་ལ། །ལས་འདི་རབ་ཏུ་བསྒྲུབ་པར་བྱ། །ཡེ་ཤེས་རྡོ་རྗེས་བྱ་བ་སྟེ། །གཤིན་རྗེ་གཤེད་ཀྱི་སྦྱོར་བ་ཡིས། །དྲག་པོ་ཆེན་པོའི་དཀྱིལ་འཁོར་འདི། །
162a8 གང་དུ་བྲིས་ཤིང་གནས་པ་དང་། །ཡི་གེ་བྲིས་པར་གྱུར་པ་ཡིས། །ཁྱིམ་དེ་རྟག་ཏུ་འཐབ་མོར་འགྱུར། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་གཤིན་རྗེ་གཤེད་དམར་པོའི་རྒྱུད་ལས་འཁྲུལ་འཁོར་གྱི་སྐབས་རིམ་པར་ཕྱེ
iiif viewer powered by OpenSeadragon
