| e-texts navigator |
| Wylie |
161b1 ལ~ཾ་ལྷ་སྦྱིན་རང་གནས་སུ་རེངས་ལ~ཾ་སྭཱ་ཧཱ། ཞེས་པ་ནི་བཅོམ་ལྡན་འདས་ཀྱིས་རེངས་པ་ཆེན་པོའི་དམ་ཚིག་གོ། ངག་ནི་རེངས་པར་འདོད་པ་ཡིས། །འཁོར་ལོ་གཉིས་པོ་དེ་བཞིན་བྲི། །ནང་དུ་བསྒྲུབ་བྱའི་མིང་བྱས་ནའང་། །
161b2 དེ་ལ་སྔགས་ནི་སྤྲོ་ཞིང་བཟླས། ཨོཾ་ཧྲཱིཿཥྚྲཱིཿཝི་ཀྲི་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ་ལ~ཾ་ལྷ་སྦྱིན་གྱི་འདོད་པའི་དོན་གྱི་ཕྱིར་འགོག་ཅིང་ངན་པར་སྨྲོས་ཤིག་།མཆོད་སྦྱིན་གྱི་ངག་སྟ~ཾ་བྷ་ན~ཾ་ཀུ་རུ་ལ~ཾ་ཞེས་པ་ནི་འདིར་བཅོམ་ལྡན་འདས་ཀྱིས་ངག
161b3 རེངས་པའི་དམ་ཚིག་ཏུ་གསུངས་སོ། །ཤིན་དུ་མཐར་ཐུག་ལེགས་པར་སྦ། །ཇི་ལྟར་འདི་ཡི་བྱ་བ་བཤད། །ཉི་མ་གཅིག་གིས་འགྲུབ་པར་འགྱུར། །གཤིན་རྗེ་གཤེད་དམར་སྦྱོར་བས་སོ། །དུར་ཁྲོད་རས་ལ་སྔོན་བཞིན་དུ། །
161b4 འཁོར་ལོ་གཉིས་བྲི་བརྟུལ་ཞུགས་ཅན། །སྐེ་ཚེ་བ་དང་ཚྭ་དང་ནི། །དུག་དང་ནིམ་པ་ཀ་འམ་ནི། །ཚ་བ་གསུམ་དང་ཚྭ་རྐྱང་ངོ་། །དེ་བཞིན་དུར་ཁྲོད་སོལ་བ་དང་། །དྷ་དུ་ར་ཡི་ལོ་མའི་ཆུ། །ཙནྚའི་ས་བོན་དེ་བཞིན་དུ། །མཛུབ་མོ་ཡི
161b5 ནི་ཁྲག་བླངས་ཏེ། །ཙི་ཏྲ་ཀ་ཡི་ཁུ་བས་སམ། །ཚ་སྒོ་ཙན་གྱི་ས་བླངས་ཏེ། །རྡོལ་པའི་རྫ་ཡི་དྲེག་པ་དང་། །བྱ་རོག་སྒྲོ་ཡི་སྨྱུ་གུ་ཡིས། །བཅུ་བཞི་ལ་བྲི་བརྟུལ་ཞུགས་ཅན། །གུང་ཐུན་ཁྲོ་བའི་སེམས་ཀྱིས་ནི། །
161b6 གདུག་པ་ཅན་རྣམས་བསད་པའི་ཕྱིར། །སྣ་ཚོགས་སེམས་ཅན་རྣམ་འཇོམས་པ། །ཧཱུ~ཾ་གི་ཡི་གེས་མཐའ་རྟེན་ལ། །རྣལ་འབྱོར་ཁ་ནི་ལྷོ་རུ་ཕྱོགས། །བདག་ཉིད་གཤིན་རྗེ་འཇོམས་བྱེད་དེ། །ཁྲོ་བོའི་གཟུགས
161b7 ཅན་གཏུམ་པོ་ཆེ། །མགོ་བོའི་དུམ་བུས་རྣམ་པར་བརྒྱན། །མ་ཧེ་ལ་བཞུགས་ལྗགས་བསྐྱོད་ཅིང་། །གསུས་ཆེན་འཇིགས་པར་བྱེད་པ་པོ། །མཆེ་གཙིགས་སྐྲ་ནི་གྱེན་དུ་བརྫེས། །སྨིན་མ་དམར་སེར་དེ་བཞིན་དུ། །
161b8 གཡས་ན་རྡོ་རྗེའི་དབྱུག་ཆེན་ལ། །དེ་བཞིན་གཡོན་ན་ཐོད་པའོ། །མི་སྡུག་མཆེ་བ་རབ་ཏུ་གཙིགས། །བསྐལ་པའི་མེ་ནི་འབར་བ་བཞིན། །དེ་བཞིན་བདག་ཉིད་རྣམ་པར་བསྒོམ། །མྱུར་དུ་བསྒྲུབ་བྱ་དེ་མདུན་གཟུང་། །
iiif viewer powered by OpenSeadragon
