| e-texts navigator |
| Wylie |
160b1 མནར་མེད་ལ་སོགས་མི་སྐྱེའོ། །ེ་མ་བདག་ཉིད་ཆེན་པོ་སྟེ། །བསད་པས་སངས་རྒྱས་བྱང་ཆུབ་ཐོབ། །སླར་ཡང་བརྩེ་བས་སེམས་ཅན་རྣམས། །གསད་པར་བྱ་བས་གསད་པར་བྱ། །ེ་མ་སྙིང་རྗེའི་སྟོབས་ཀྱིས་ཏེ། །
160b2 སྙིང་རྗེ་དམན་པས་འགྲུབ་མི་འགྱུར། །ོཾ་ཧྲཱིཿཥྚྲཱིཿཝི་ཀྲྀ་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ་ཧཱུ~ཾ་ལྷ་སྦྱིན་སོད་ཧཱུ~ཾ། ཨོཾ་ཧྲཱིཿཥྚྲཱིཿཝི་ཀྲི་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ། ཧཱུ~ཾ་ཕཊ་ལྷ་སྦྱིན་མཱ་ར་ཡ་ཧཱུ~ཾ་ཕཊ། ཅེས་པ་ནི་བཅོམ་ལྡན་འདས་ཀྱིས་རྟོག་པ་ཆེན་པོ་གསད་པའི་རྡོ་རྗེའི
160b3 འཁྲུལ་འཁོར་དང་སྔགས་དང་རྒྱུད་ཀྱིས་གསད་པ་ལ་སོགས་པའི་དམ་ཚིག་ཏུ་གསུངས་སོ། །དེ་ནས་འཁོར་ལོ་གཉིས་བྲིས་ཏེ། །ཕཊ་ཀྱི་ཡི་གེའི་ནང་དུ་ནི། །བསྒྲུབ་བྱའི་མིང་དང་བཅས་པ་གཟུང་། །ཐོད་པ་ཡང་དག་སྦྱར་བྱས་ཏེ། །སྲད་བུ
160b4 ནག་པོས་དཀྲི་བར་བྱ། །ཞེ་སྡང་སེམས་ཀྱིས་ཉིན་གུང་ལ། །དུར་ཁྲོད་དུ་ནི་གཞུག་པར་བྱ། །གཤིན་རྗེ་མཐར་བྱེད་མཚུངས་བལྟས་ནས། །བསྒྲུབ་བྱ་རང་གི་མདུན་དུ་བྱ། །རྟ་དང་མ་ཧེའི་སྟེང་ན་གནས། །གཉིས་པོ་དེ་ཡི་ལག་ན་མཚོན། །
160b5 ཁྲོ་བོའི་ཚོགས་ཀྱིས་ཀུན་ནས་བསྐོར། །གཉིས་པོའི་ཕྱོགས་ལ་བསམ་པར་བྱ། །གཉིས་པོ་དག་ནི་འཐབ་བྱེད་ཅིང་། །ཁྲོ་བས་སེམས་ནི་བཅིངས་པ་སྟེ། །འཐབ་མོ་བྱེད་པར་བསྒོམ་བྱས་ལ། །སྒོམ་ཞིང་བཟླས་པ་བརྩམ་པར་བྱ། །
160b6 ཨོཾ་ཧྲཱིཿཥྚྲཱིཿཝི་ཀྲི་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ། ལྷ་སྦྱིན་དང་མཆོད་སྦྱིན་དག་རྣམ་པར་ཞེ་སྡང་བར་གྱིས་ཤིག་ཕཊ་ཅེས་པ་ནི་བཅོམ་ལྡན་འདས་ཀྱིས་ཞེ་སྡང་ཆེན་པོའི་དམ་ཚིག་ཏུ་གསུངས་སོ། །ཆོ་ག་དེ་ཡིས་སྔོན་མ་བཞིན། །འཁོར་ལོ་གཉིས་པོ
160b7 ཀུན་དུ་བྲི། །ཧཱུ~ཾ་ཕཊ་ཡི་གེ་དག་གིས་བརྟེན། །ཐོད་པ་གཉིས་ནི་ཡང་དག་སྦྱར། །སྲད་བུ་ནག་པོས་ཡང་དག་དཀྲི། །ཕ་གཤིན་ནགས་སུ་བཞག་བྱས་ལ། །གཤིན་རྗེ་གཤེད་ཀྱི་རྣལ་འབྱོར་གྱིས། །བསྒྲུབ་བྱ་སྔོན་དུ་གཟུང་བར
160b8 བསྒོམ། །ཡ~ཾ་ལས་བྱུང་བ་གཞུ་ཡི་དབྱིབས། །རླུང་གི་དཀྱིལ་འཁོར་ནག་པོ་ལ། །རྔ་མོ་ཆེན་མོ་ཁ་དོག་སྔོ། །དེ་ཡི་སྟེང་དུ་བསྒོམ་པར་བྱ། །དེ་ལ་མ་རུངས་ཆེན་པོ་སྟེ། །རྡེག་ཅིང་ལྷོ་ཕྱོགས་འདེང་བ་དང་། །
iiif viewer powered by OpenSeadragon
