| e-texts navigator |
| Wylie |
160a1 དྲི་མ་དང་ནི་རྨ་དག་དང་། །གདུག་པའི་ནད་ཀྱིས་བཟུང་ཞིང་འཇོམས། །གོས་དང་བྲལ་ཞིང་འདར་བར་བྱེད། །ངལ་ཞིང་ལུས་ནི་རྨ་དང་ལྡན། །ཕོལ་གྱི་ཕྲེང་བས་ལུས་ལ་གཟུང་། །མཚོན་གྱིས་རྨ
160a2 ནི་འདོད་པར་བྱེད། །གྲང་བ་དང་ནི་རླུང་གིས་གཙེས། །མེ་ཡི་དབུས་སུ་ཡང་དག་བརྟེན། །མ་ཧེ་སྟག་དང་ཁྱི་རྣམས་དང་། །མཆུ་རིངས་རྣམས་ཀྱིས་ཟ་བར་བྱེད། །སངས་རྒྱས་སྡེ་རྣམས་འཇོམས་བྱེད་པའི། །
160a3 མ་རུངས་ཆེན་པོ་རྣམས་ཀྱི་ནི། །ལྟོ་བའི་ནང་ནས་རྒྱུ་མ་དང་། །ལུས་ལ་ཚེར་མས་གང་བ་དང་། །རྐང་པ་གདོས་དང་སྒྲོག་གིས་བསྡམས། །དེ་བཞིན་དུམ་བུ་དུམ་བུར་བྱས། །ལྤགས་པ་ངེས་པར
160a4 ཤུ་བ་བསམ། །སྐེ་ཚེ་ཚྭ་ཡིས་བྱུག་པར་བྱ། །གྲང་བ་ཡིས་ནི་ལུས་འདོན་བསྒོམ། །དེ་ཡི་ལུས་ཀྱི་བསྲུང་སོགས་རྣམས། །བཅད་ཅིང་བདག་ཉིད་མདུན་དུ་གཟུང་། །དེ་ཡི་གོ་ཆ་གཅད་པར་བྱ། །
160a5 ལུས་ནི་དེ་བཞིན་སྟོང་པར་བསྒོམ། །བདག་གི་ལས་ལས་སྐྱེས་པ་ཡི། །ཁྲོ་བོ་གཤིན་རྗེ་གཤེད་གཟུགས་ཀྱིས། །འཇོམས་པ་དག་ཏུ་བསྒོམ་བྱ་ཞིང་། །རྐང་དང་ཚིལ་རྣམས་འཐུང་བ་སྟེ། །དེ་ཡི་མདུན་དུ་གཤིན
160a6 རྗེ་བསྒོམ། །ལག་ན་དབྱུག་པ་སྟོབས་ཆེན་ལྡན། །མ་རུངས་དེ་ཡིས་གདུག་པ་དེ། །རྣམ་པར་འཇོམས་པ་བསྒོམ་པར་བྱ། །དེ་ཡི་རྒྱུ་མ་རྩ་རྣམས་ནི། །བྱ་རྒོད་ཀྱིས་གཟུང་མཁའ་ལ་འགྲོ། །ཀླུ་ཡིས་ས་འོག་འགུག་པར་བྱེད། །
160a7 ལྷ་མ་ཡིན་ལ་སོགས་པས་བཙིར། །དེ་ལྟར་བསྒྲུབ་བྱ་བསམ་པར་བྱ། །སྙིང་རྗེའི་སེམས་ཀྱིས་རབ་བཅིངས་ནས། །འཁོར་བ་ལས་ནི་ཕ་རོལ་བྱས། །སངས་རྒྱས་རྣམས་ཀྱི་ཞིང་དུ་འགྲོ། །དེ་ནས་བཅོམ་ལྡན་འདས་དེ་བཞིན
160a8 གཤེགས་པ་རྣམས་ཐུགས་དགྱེས་ནས་གསུངས་པ། འདི་ལྟ་སྟེ། ཀྱེ་མ་གསད་བྱ་ལེགས་པར་བྱས། །གསད་པར་བྱ་བ་མ་བསད་དེ། །ཇི་སྲིད་སྡིག་རྣམས་གྲོལ་བར་བྱས། །ཤི་བ་དེ་ཡང་མ་ཤི་སྟེ། །སྡིག་པ་སྟོང་ཕྲག་བྱས་པ་ཡིས། །
iiif viewer powered by OpenSeadragon
