| e-texts navigator |
| Wylie |
159b1 གྲོ་གའམ་ནི་རས་དག་ལ། །རྒྱ་སྐྱེགས་དག་གི་ཁུ་བའམ། །ཡང་ན་ཙན་དན་དམར་པོ་ལ། །མིང་མེད་དག་གི་ཁྲག་བསྲེས་ནས། །འཁོར་ལོ་གཉིས་ནི་ཡང་དག་བྲི། །ཧོཿཡིག་གིས་བརྟེན་བྱས་པ་ཡི། །འཁྲུལ་འཁོར
159b2 ནག་སོགས་དང་བྲལ་བ། །ཁམ་ཕོར་གཉིས་ནི་ཡང་དག་སྦྱར། །མར་དང་སྦྲང་རྩི་བཅུག་བྱས་ལ། །སྲད་བུ་དམར་པོས་དཀྲི་བར་བྱ། །ཁ་ནི་ནུབ་ཏུ་མངོན་ཕྱོགས་གནས། །མེ་ཏོག་དམར་པོས་མཆོད་པར་བྱ། །
159b3 ཁ་དོག་དམར་པོ་འབར་བ་ཆེ། །བདག་ཉིད་གཤིན་རྗེ་འཇོམས་བྱེད་ལ། །བསྒྲུབ་བྱ་ཟླ་བ་དམར་པོའི་སྟེང་། །དེ་བཞིན་དུ་ནི་བསམ་པར་བྱ། །རང་གི་ལུས་ལས་འཐོན་གྱུར་ཏེ། །འོད་ཟེར་དམར་པོའི་ལྕགས་ཀྱུ་ཡིས། །
159b4 བསྒྲུབ་བྱ་འགུགས་པར་བསྒོམ་པར་བྱ། །སྔགས་ནི་ཁྲི་ཙམ་སྤྲོ་ཞིང་བཟླས། །དེས་ནི་བསྒྲུབ་བྱ་མྱོས་གྱུར་ཏེ། །རྐང་པ་དག་ནི་དེ་བཞིན་འགྱེལ། །གོས་བྲལ་སྐྲ་ནི་གྲོལ་བ་རུ། །བསམ་ཞིང་བཟླས་པ་བརྩམ་པར་བྱ། །
159b5 གལ་ཏེ་དབང་དུ་མ་གྱུར་ན། །བརྟུལ་ཞུགས་ཅན་གྱིས་འཁོར་ལོ་བསྲོ། །མར་སོགས་བྲལ་བར་བྱས་ནས་ནི། །དུ་མེད་སེང་ལྡེང་མེ་ལའོ། །ོཾ་ཧྲཱིཿཥྚྲཱིཿཝི་ཀྲྀ་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ་ཧོཿ། ལྷ་སྦྱིན་གྱི་མཆོད་སྦྱིན་དབང་དུ
159b6 གྱིས་ཤིག་སྭཱ་ཧཱ། ཨོཾ་ཧྲཱིཿཥྚྲཱིཿཝི་ཀྲི་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ། བཽ་ཥཊ་ལྷ་སྦྱིན་གྱི་མཆོད་སྦྱིན་དབང་དུ་གྱིས་ཤིག་།བཽ་ཥཊ་ཞེས་པ་ནི་འདིར་བཅོམ་ལྡན་འདས་ཀྱིས་དབང་གི་དམ་ཚིག་ཏུ་གསུངས་སོ། །ཡང་ན་དུར་ཁྲོད་གོས་དག་གམ། །
159b7 རང་བྱུང་གིས་བྱུགས་རས་དག་ལ། །རྒྱ་སྐྱེགས་ཁྲག་དང་བསྲེས་པ་ཡིས། །འཁོར་ལོ་གཉིས་ནི་ཡང་དག་བྲི། །ཛཿཡིག་དང་ནི་ཧྲཱིཿཡིག་གིས། །བསྒྲུབ་བྱའི་མིང་ནི་བརྟེན་བྱས་ལ། །བུད་མེད་པད་མའི་སྣོད་དག་ནི། །
159b8 ཁ་སྦྱར་ནང་བཅུག་མཆོད་པར་བྱ། །སྲད་བུ་དམར་པོས་དཀྲི་བྱས་ལ། །མེ་ཏོག་དམར་པོས་མཆོད་པར་བྱ། །ཉི་མ་འཆར་ཁ་དང་མཚུངས་དམར། །བདག་ཉིད་གཤིན་རྗེ་འཇོམས་བྱེད་དོ། །ཁ་དོག་དམར་པོའི་ལྕགས་ཀྱུ་ཡིས། །
iiif viewer powered by OpenSeadragon
