| e-texts navigator |
| Wylie |
159a1 མ་བྱུང་འབྱུང་བར་མི་འགྱུར་རོ། །བུད་མེད་དབང་དུ་བྱ་བ་དང་། །བསྲུང་བའི་དོན་དང་དེ་བཞིན་དུ། །ཞི་བ་ལ་ནི་གཱི་ཝང་གཟུང་། །དེ་བཞིན་གྲོ་གའམ་སྨྱུག་ཤུན་ལ། །འཁོར་ལོ་གཉིས་ནི་མངོན་པར་བྲི། །
159a2 མིང་ནི་ནཱ་མཿབརྟེན་པར་བྱ། །ནག་པོའི་རྩ་སོགས་དང་བྲལ་བའི། །ཁམ་ཕོར་གཉིས་ནི་ཡང་དག་སྦྱར། །དབུས་སུ་ཞུན་མར་སྦྲང་རྩི་བླུགས། །སྲད་བུ་དཀར་པོས་དཀྲི་བར་བྱ། །མེ་ཏོག་དཀར་པོས་ཐུན་མཚམས
159a3 གསུམ། །མཆོད་བྱ་ཁ་ནི་ཤར་དུ་ཕྱོགས། །གཤིན་རྗེ་མཐར་བྱེད་ཆུ་ཤེལ་བཞིན། །བདག་ཉིད་བསྒོམ་ནས་བསྒྲུབ་བྱ་ནི། །མདུན་དུ་ཟླ་བའི་དཀྱིལ་འཁོར་སྟེང་། །བལྟས་ལ་མངོན་པར་དབང་བསྐུར་རོ། །
159a4 བུམ་པ་དཀར་པོ་ཟླ་བ་བཞིན། །བདུད་རྩི་ལྔ་ཡིས་ཡོངས་སུ་གང་། །སངས་རྒྱས་རྣམས་ཀྱིས་ཁྲུས་མཛད་པ། །ཡང་དག་བལྟ་ཞིང་བཟླས་པ་བརྩམས། །ོཾ་ཧྲཱིཿཥྚྲཱིཿཝི་ཀྲི་ཏཱ་ན་ན་ཧཱུ~ཾ`་ཧཱུ~ཾ`་ཕཊ་ཕཊ། ན་མཿལྷ་སྦྱིན
159a5 ལ་ཤཱནྟིཾ་ཀུ་རུ་ན་མཿ། ཞི་བའི་དམ་ཚིག་འདི་ལྟ་སྟེ། །སྐྱེས་བུ་རྣམས་ཀྱི་ཞི་བ་ལ། །གུར་གུམ་གྱིས་བྲི་རྒྱས་པ་ཡང་། །འཁོར་ལོ་གཉིས་བྲི་ཁ་ཆེ་ཡིས། །སྭཱ་ཧཱའི་དབུས་སུ་མིང་བཅུག་སྟེ། །བསྒྲུབ་བྱའི་མིང་བླང་དེ
159a6 རྣམས་ལ། །ཕུ་ཡིས་མངོན་པར་གཏོར་བར་བྱ། །ཁམ་ཕོར་ཁ་སྦྱོར་ནང་བཅུག་ནས། །སྲད་བུ་སེར་པོས་དཀྲི་བར་བྱ། །ཁ་ནི་བྱང་བལྟས་ཐུན་མཚམས་གསུམ། །མེ་ཏོག་སེར་པོས་མཆོད་པར་བྱ། །ཁ་དོག་སེར
159a7 པོ་གཤིན་རྗེ་གཤེད། །བདག་ཉིད་ངེས་པར་བལྟ་བར་བྱ། །བསྒྲུབ་བྱ་ཟླ་བ་སེར་ལ་གནས། །བུམ་པ་སེར་པོ་ཆུ་ཡིས་བཀྲུ། །མངོན་པར་དབང་བསྐུར་བསྒོམ་པར་བྱ། །རྒྱས་པར་བྱ་ཕྱིར་ཡང་དག་བཟླ། །
159a8 ཨོཾ་ཧྲཱིཿཥྚྲཱིཿཝི་ཀྲི་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ་སྭཱ་ཧཱ། ལྷ་སྦྱིན་གྱི་པུ་ཀུ་རུ་སྭཱ་ཧཱ། བཽ་ཥ་ཊ་ཨོཾ་ཧྲཱིཿཿཝི་ཀྲི་ཏཱ་ན་ན་ཧཱུ~ཾ་ཧཱུ~ཾ་ཕཊ་ཕཊ། ལྷ་སྦྱིན་གྱི་པུཥྚི~ཾ་ཀུ་རུ་བཽ་ཥཊ། ཅེས་པ་ནི་བཅོམ་ལྡན་འདས་ཀྱིས་རྒྱས་པའི་དམ་ཚིག་ཏུ་གསུངས་སོ། །
iiif viewer powered by OpenSeadragon
