| e-texts navigator |
| Wylie |
158a1 སྭ་བྷཱ་བ་ཨཱཏྨ་ཀོུ྅ཧ~ཾ། སྒྲ་ཡི་ཚོགས་པ་ཐམས་ཅད་ལ། །སྒྲ་བརྙན་དང་ནི་མཚུངས་པར་བལྟ། །འཁོར་ལོ་ཡི་ནི་འདྲེན་པ་ལ། །དེ་ཡི་དེ་ལ་དེ་བཞིན་བསྟོད། །གཏི་མུག་རྡོ་རྗེའི་རང་བཞིན་ཁྱོད། །
158a2 གཤིན་རྗེའི་གཤེད་པོ་ཤིན་དུ་འཇིགས། །སྟོན་པ་སངས་རྒྱས་ཀུན་རང་བཞིན། །རྡོ་རྗེའི་སྐུ་ལ་ཕྱག་འཚལ་བསྟོད། །ཕྲ་མ་རྡོ་རྗེའི་རང་བཞིན་ཁྱོད། །གཤིན་རྗེའི་གཤེད་པོ་ཤིན་དུ་འཇིགས། །རྡོ་རྗེའི་ཐུགས་དང་རབ
158a3 མཚུངས་པའི། །རིན་ཆེན་རྡོ་རྗེ་ཕྱག་འཚལ་བསྟོད། །འདོད་ཆགས་རྡོ་རྗེའི་རང་བཞིན་ཁྱོད། །འདོད་ཆགས་ཆོས་ཀྱི་འབྱུང་གནས་གཙོ། །གསུང་མཆོག་ཀུན་གྱི་རབ་མཆོག་སྟེ། །གསུང་གི་རྡོ་རྗེ་ཕྱག་འཚལ་བསྟོད། །
158a4 ཕྲག་དོག་རྡོ་རྗེའི་རང་བཞིན་ཁྱོད། །གཤིན་རྗེའི་གཤེད་པོ་ལས་ཀུན་པ། །རྡོ་རྗེའི་སྐུ་དང་རབ་མཚུངས་པ། །ཕྱག་ན་རལ་གྲི་ཕྱག་འཚལ་བསྟོད། །སངས་རྒྱས་ཀུན་གྱི་རང་བཞིན་ཁྱོད། །སངས་རྒྱས་ཐམས་ཅད
158a5 གཅིག་བསྡུས་པ། །སངས་རྒྱས་ཀུན་གྱི་རབ་མཆོག་གཙོ། །དཀྱིལ་འཁོར་དབང་ཕྱུག་ཕྱག་འཚལ་བསྟོད། །ཱཿཡིག་ལས་སྐྱེས་རྣམ་དག་པ། །མགོ་བོ་གསུམ་གྱི་སྟེང་དུ་གནས། །པད་མའི་སྣོད་ནི་གང་བ་ཡི། །
158a6 དེ་འོག་མེ་ཡི་དཀྱིལ་འཁོར་ཏེ། །ར་ཡིག་ལས་བྱུང་གྲུ་གསུམ་མོ། །དེ་འོག་རླུང་གི་དཀྱིལ་འཁོར་ཏེ། །ནག་ཅིང་གཡོ་བ་གཞུ་ཡི་དབྱིབས། །ཡ~ཾ་ལས་བྱུང་བ་བ་དན་མཚན། །དེ་ལ་རྣམ་པར་སྣང་མཛད་སོགས། །
158a7 ད་ཡིག་ལ་སོགས་ལས་བྱུང་བ། །གླང་པོ་ལ་སོགས་ལྔ་རྣམས་སོ། །ཧཱུ~ཾ་སྐྱེས་རྡོ་རྗེའི་གདབ་བྱ་འདིས། །གདབ་བྱ་མཁས་པས་བསྒོམ་པར་བྱ། །རླུང་གིས་བསྐྱོད་ཅིང་མེ་ཡིས་ཞུ། །དེ་ལ་རྣམ་པར་བསྒོམ་པར་བྱ། །
158a8 རྡོ་རྗེས་མཚུངས་པར་རོ་གཅིག་གྱུར། །ཤིན་དུ་དྲི་མེད་དག་པར་བལྟ། །ཧཱུ~ཾ་ཡིག་འོད་ཀྱིས་སངས་རྒྱས་རྣམས། །ཡེ་ཤེས་གཟུགས་ཀྱིས་དགུག་པར་བྱ། །རབ་ཞུགས་སྔགས་ཀྱི་གཟུགས་ཀྱིས་ནི། །མཆོག་གི
iiif viewer powered by OpenSeadragon
