| e-texts navigator |
| Wylie |
157b1 པད་མའི་སྡོང་བུའི་ཁ་དོག་དཀར། །རྐང་གདུབ་པད་མ་ཆེན་པོ་ཡིས། །ཐམས་ཅད་ཕུ་ཏཱའི་ཡི་གེ་སྒྲོགས། །ཕྱག་གཉིས་པ་དང་མཆེ་བ་གཙིགས། །འཁོར་བ་དང་ནི་མྱ་ངན་འདས། །གཤིན་རྗེ་འཇོམས་པ་ཞེས་བྱ་ལ། །
157b2 རྣམ་རྟོག་ཐམས་ཅད་འཇོམས་པ་ཡི། །སྔགས་ཀྱིས་བྱིན་གྱིས་བརླབ་པར་བྱ། །མཁའ་ཁྱབ་རྫོགས་པའི་སངས་རྒྱས་ཀུན། །རང་གི་སྙིང་གའི་ས་བོན་གྱི། །ལྕགས་ཀྱུས་ཀུན་བཀུག་ཁར་ཞུགས་ནས། །བདེ་བ
157b3 སྙིང་གར་ཞུགས་ཤིང་ཞུ། །དེ་ལས་སྤྲོ་བྱས་ས་བོན་རྣམས། །དེ་ཞུ་རྡོ་རྗེའི་ལམ་ནས་ནི། །རང་འོད་པད་མའི་ནང་མཐར་གནས། །དེ་བལྟས་ས་བོན་རང་གཟུགས་ལ། །དེ་ཡི་ས་བོན་ལས་སྐྱེས་པའི། །འཁོར་ལོ་ས་བོན་ཀུན
157b4 བྱིན་བརླབ། །མེ་སྟག་འཕྲོ་བའི་ཚོགས་གསལ་བ། །ཆོ་ག་བཞིན་དུ་མཁས་པས་བསྒོམ། །བལྟ་ཞིང་སྙིང་གར་བཞུ་བྱས་ལ། །རྡོ་རྗེའི་ལམ་ནས་དབྱུང་བར་བྱ། །རང་རིག་པད་མའི་ཟེ་འབྲུ་ལ། །ལྷ་ཡི་ཚོགས་རྣམས་བལྟ
157b5 བྱས་ལ། །སྣ་ཚོགས་མེ་ཏོག་ལ་སོགས་དབུལ། །ལག་ན་ལོ་མ་འཛིན་རྣམས་ཀྱིས། །ལེགས་པར་མཆོད་པར་བྱ་བ་སྟེ། །མཆོད་པའི་གླུ་ནི་ཡིད་འོང་དང་། །སྣ་ཚོགས་གར་གྱི་རང་བཞིན་དང་། །དེ་བཞིན་བདེ་བ་ཆེན
157b6 པོས་མཆོད། །ེ་མ་གཤིན་རྗེའི་གཤེད་དམར་པོ། །བླ་མ་སྲིན་པོའི་རང་བཞིན་ཏེ། །བདག་ནི་ཁྱོད་མཐོང་འཇིགས་པས་ན། །བླ་མ་སྲིན་པོའི་རང་བཞིན་སྤངས། །མཐོ་རིས་ས་སྟེངས་ས་འོག་རྣམས། །ཁྱོད་ཀྱི
157b7 གར་གྱིས་གཡོ་བར་བྱེད། །ཁྲག་གི་མིག་སྨན་ཁྲོ་བོའི་སེམས། །གར་མཛད་ཁྱོད་ནི་རོ་ལངས་གཟུགས། །དམར་ཞིང་ཐུང་བའི་ཚད་ལྡན་པ། །རྣམ་པ་མང་པོའི་སྤྲུལ་གཟུགས་བྱེད། །རྡོ་རྗེ་དབྱངས་ཅན་མ་ཡིས
157b8 ཞུས། །ཁྱོད་ཀྱི་གར་མཛད་བདེ་བ་ཆེ། །ཁྱོད་ཀྱི་ཧྲཱིཿཥྚྲཱིཿའི་སྔགས་ཀྱི་གར། །ས་གསུམ་པོ་ཡི་འཁྲུལ་པ་སེལ། །བརྩེ་བས་ཁྲོ་བའི་རྗེ་བཙུན་ཁྱོད། །འགྲོ་ལ་ལྟ་ཞིང་གར་མཛད་དོ། །ོཾ་སརྦ་ཏ་ཐཱ་ག་ཏ་པཱུ་ཛ་བཛྲ
iiif viewer powered by OpenSeadragon
