| e-texts navigator |
| Wylie |
156a1 བསྒོམ་བྱ་བླ་མ་སངས་རྒྱས་རྣམས། །ཇི་སྙེད་མ་ལུས་ནམ་མཁའི་མཐིལ། །དམིགས་ཏེ་ཕྱག་འཚལ་དེ་རྣམས་ཀྱི། །སྐུ་ཡི་བཀོད་པ་རྣམ་པར་བསྒྲུབ། །ཙར་ཙི་ཀཱ་སོགས་རྣམས་ཀྱིས་མཆོད། །དེ་ལ་སྡིག་པ
156a2 རབ་ཏུ་བཤགས། །ལུས་དང་ངག་དང་ཡིད་རྣམས་ཀྱིས། །ཡང་དག་སྡིག་གྱུར་བྱས་དེ་བཞིན། །བདག་གིས་དེ་བཤགས་གང་ཞིག་ཡང་། །དུས་གསུམ་མགོན་མཛོད་རྗེས་ཡི་རང་། །རྫོགས་པའི་སངས་རྒྱས་མཚུངས
156a3 རྣམས་ཀྱིས། །བསོད་ནམས་ཚོགས་ལ་རྗེས་ཡི་རང་། །རྫོགས་པའི་སངས་རྒྱས་དམ་ཆོས་དང་། །ཚོགས་མཆོག་རྣམས་ལ་བདག་སྐྱབས་མཆི། །ཡོན་ཏན་རྒྱ་མཚོ་ཁྱེད་རྣམས་ལ། །བདག་གི་ལུས་འདི་དབུལ་བར
156a4 བགྱི། །གནས་དང་ཆོས་ཀུན་སྟོན་པ་དང་། །ཤིན་དུ་མཐར་ཡང་མཛེས་པ་དང་། །ཡང་དག་རྫོགས་པའི་སངས་རྒྱས་ཀྱི། །དེ་ཉིད་སྦྱིན་སོགས་གཟུགས་ཅན་གྱི། །སྐུ་གསུམ་ཡེ་ཤེས་ཐོབ་བྱའི་ཕྱིར། །བསྟེན་ཅིང་འདི
156a5 ལ་རབ་ཏུ་དད། །སེམས་ཅན་རྣམས་ཀྱི་དོན་བྱེད་ཕྱིར། །བྱང་ཆུབ་སེམས་དག་བདག་གིས་བསྐྱེད། །གང་ཞིག་བསོད་ནམས་ཉེར་བསགས་རྣམས། །རྫོགས་པའི་བྱང་ཆུབ་བདག་གིས་བསྔོ། །འགྲོ་འདི་ཀུན་ལ་ཕན
156a6 མཛད་ཕྱིར། །དཔལ་ལྡན་གཤིན་རྗེ་མཐར་བྱེད་གྱུར། །ལྷག་པར་སྨོན་ལམ་འདི་བྱས་པས། །དེ་རྣམས་ལ་ནི་གཤེགས་སུ་གསོལ། །བརྩེ་བས་བྱང་ཆུབ་བཞིན་དུ་བལྟ། །ཁམས་གསུམ་རྣམས་ནི་སྟོང་པར་བསམ། །
156a7 རང་བཞིན་གྱིས་ནི་སྦྱོར་བྲལ་བས། །རྒྱུ་དང་དེ་བཞིན་མཚན་ཉིད་ལ། །རྣམ་པར་རྟོག་པ་བྲལ་བ་དང་། །ལྷ་དང་སྨོན་ལམ་རྣམས་པར་སྤངས། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོུ྅ཧ~ཾ། ཡ~ཾ་ར~ཾ་བ~ཾ་ལ~ཾ་བཞི་ལ་དཀྱིལ་འཁོར
156a8 བསྡུས་ནས་བྷྲུ~ཾ་ཡིག་ལས་སྐྱེས་པའི་གཞལ་ཡས་ཁང་བསྒོམ་པར་བྱའོ། །ཟུར་བཞི་པ་དང་སྒོ་བཞི་པ། །རྟ་བབས་བཞི་ཡིས་བརྒྱན་པ་ལ། །དྲ་བ་དྲ་ཕྱེད་ཀྱིས་སྤྲས་པ། །ལྷ་དང་ལྷ་མོས་ཤིན་དུ་མཛེས། །བ་དན་དྲིལ་བུ
iiif viewer powered by OpenSeadragon
