| e-texts navigator |
| Wylie |
155b1 བསྲུང་བ་དང་། །སྦྱིན་སྲེག་དཀྱིལ་འཁོར་ལས་རྣམས་དང་། །བྱང་ཆུབ་སེམས་ཀྱི་རྣམས་དཔྱད་དང་། །ཐབས་རྣམས་ཀུན་གྱི་སྤྱོད་པ་དང་། །ཕ་རོལ་གྲོང་དུ་འཇུག་རྣམས་ལ། །འོད་ཟེར་རྣམ་ལྔ་འཁྲིགས་པ་ཡི། །རྡོ་རྗེ་བསྲུང་བའི་དོན་དུ
155b2 བསྒོམ། །རྡོ་རྗེ་ས་གཞིའི་ཆ་རྣམས་ལ། །ར་བ་གུར་རྣམས་དེ་བཞིན་ནོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བསྐྱེད་པར་མཛད་པ། བདུད་ཐམས་ཅད་རྣམ་པར་འཇོམས་པ་རྡོ་རྗེ་ཞེས་བྱ་བའི་ཏིང་ངེ་འཛིན
155b3 ལ་སྙོམས་པར་ཞུགས་ནས་གཏི་མུག་གཤིན་རྗེའི་གཤེད་ལ་སོགས་པ་ཐམས་ཅད་ཀྱི་ས་བོན་འདི་ཉིད་ཀྱི་སྐུ་དང་གསུང་དང་ཐུགས་རྣམས་ལས་ངེས་པར་ཕྱུངོ་། །ཡ་ནི་དབུས་སུ་སྟེ། ཀྵེ་མ་མེ་ད་ཡ་ཙྪ་ནི་རཱ། ཛཱ་ས་དོ་རུ་ཎ་ཡོ་ནི་ར། དང་པོར་ཡ
155b4 ལས་གཤིན་རྗེའི་གཤེད། །ཀྵེ་ཡིག་ལས་ནི་རྨོངས་པར་བརྗོད། །མ་ཡིག་ལས་ནི་ཕྲ་མར་བཤད། །མེ་ཡིག་ལས་ནི་འདོད་ཆགས་ཉིད། །ད་ཡིག་ལས་ནི་ཕྲག་དོག་སྟེ། །གཤིན་རྗེའི་གཤེད་རྣམས་ལྔ་རུ་གྲགས། །
155b5 ཛ་ཡིག་ཙར་ཙི་ཀཱར་བཤད་དོ། །ས་ཡིག་ལས་ནི་ཕག་མོའོ། །དོ་ཡིག་དབྱངས་ཅན་མར་བཤད་དོ། །རུ་ཡིག་གཽ་རཱི་མར་འདོད་དོ། །ཎ་ཡོ་ནི་ར་མཚམས་བཞི་ལ། །མི་ཡི་ཐོད་པ་རྣམ་པ་བཞི། །དེ་ནས་བཅོམ་ལྡན་འདས
155b6 དེ་བཞིན་གཤེགས་པ་ཐམས་ཅད་ཀྱི་བདག་པོ་གཤིན་རྗེའི་གཤེད་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་ཞེ་སྡང་ཆེན་པོའི་རིགས་བསྒོམ་པའི་རྣལ་འབྱོར་གསུངས་པ། སྦྱིན་དང་ཚུལ་ཁྲིམས་བཟོད་པར
155b7 ལྡན། །རོ་གཅིག་མཁས་པས་སེམས་ཅན་དོན། །བྱམས་སོགས་ཡོན་ཏན་ཀུན་དུ་རྫོགས། །ཐོས་པའི་རྒྱུན་གྱིས་རྣམ་པར་བརྒྱན། །དང་པོར་ཁ་སོགས་ཡོངས་སུ་གསང་། །སྔ་བར་སྙིང་རྗེའི་བདག་ཉིད་ཅན། །རབ་ཏུ་རྩོམ་པ་དབེན
155b8 པའི་ཕྱོགས། །དུ་ཁྲོད་སོགས་སུ་བདེ་བའི་གདན། །དབེན་ཞུགས་ཉིད་ཀྱི་ཐུགས་ཀར་ནི། །པད་ཉི་བལྟ་ཞིང་འོད་རབ་འབར། །དེ་ཡི་འོད་ཀྱིས་བཀུག་བྱས་ནས། །སེམས་ཅན་དོན་རྣམས་ཕུན་སུམ་ཚོགས། །
iiif viewer powered by OpenSeadragon
