| e-texts navigator |
| Wylie |
155a1 དུ་མནའ་བོར་རོ། །གཏམ་རྒྱུད་ཀྱི་རྟོག་པ་རྫོགས་སྷོ།། །།ཐང་ཆེན་རྒྱལ་རིང་གིས་ཞུས་ཆེན་བགྱིས་པས་དག་། @#། །རྒྱ་གར་སྐད་དུ། ཤྲཱི་རཀྟ་ཡ་མཱ་རི་ཏནྟྲ་རཱ་ཛ་ནཱ་མ། བོད་སྐད་དུ། དཔལ་གཤིན་རྗེའི་གཤེད་དམར་པོ
155a2 ཞེས་བྱ་བ་རྒྱུད་ཀྱི་རྒྱལ་པོ། བཅོམ་ལྡན་འདས་གཤིན་རྗེའི་གཤེད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་རྡོ་རྗེ་བཙུན་མོའི
155a3 བྷ་ག་རྣམས་ལ་བཞུགས་སོ། །དེར་བཅོམ་ལྡན་འདས་ཀྱི་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་སྙིང་པོ་རྗེ་བཙུན་གསང་བ་ལས་ཆེས་ཤིན་ཏུ་གསང་བ། ཨེ་མའོ་བྱང་ཆུབ་སེམས་དཔའ་ཆེན་པོ་སྙིང་རྗེ་ཆེན་པོ
155a4 ཕྱག་ན་ལེགས་སོ་ལེགས་སོ། །ཞེ་སྡང་རྡོ་རྗེའི་རྡོ་རྗེ་བྱང་ཆུབ་སེམས་དཔའ་ཆེན་པོའི་སྙིང་པོ་གཤིན་རྗེའི་གཤེད་དམར་པོའི་རང་བཞིན་ཉོན་ཅིག་།ཕྱག་ན་རྡོ་རྗེས་གསོལ་པ། འདིར་གསུངས་པའི་གཤིན་རྗེ་འཇོམས་པར་བྱེད་པ་ཇི་ཙམ
155a5 ཞིག་མཆིས། གཏི་མུག་རྡོ་རྗེ་གཤིན་རྗེའི་གཤེད་དང་། ཕྲ་མ་རྡོ་རྗེ་གཤིན་རྗེའི་གཤེད་དང་། འདོད་ཆགས་རྡོ་རྗེ་གཤིན་རྗེའི་གཤེད་དང་། ཕྲག་དོག་རྡོ་རྗེ་གཤིན་རྗེའི་གཤེད་ཅེས་བྱའོ། །རྡོ་རྗེ་ཙཪྪི་ཀཱ་དང་། རྡོ་རྗེ་ཕག་མོ་དང་རྡོ་རྗེ
155a6 དབྱངས་ཅན་མ་དང་རྡོ་རྗེ་གཽ་རཱི་མ་རྣམས་ཀྱང་ངོ་། །མཚམས་རྣམས་ལ་བུམ་པ་རྣམས་སོ། །དེ་ལྟ་བུ་ལ་སོགས་པའི་གཤིན་རྗེ་འཇོམས་པའི་ཚོགས་རྣམས་ཀྱིས་སོ། །དེ་ནས་བཅོམ་ལྡན་འདས་དེ་བཞིན་གཤེགས་པ
155a7 ཐམས་ཅད་ཀྱི་བདག་པོ་བདུད་ཐམས་ཅད་འཇོམས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་རྣམས་ལས་ཕྱུང་བར་མཛད་པ་ནི། སྔགས་ཀྱིས་འགུགས་དང་དབང་བྱེད་ཆེ། །དེ་བཞིན་མཐུ
155a8 ཡི་ཆོ་ག་མང་། །རལ་གྲི་བསྒྲུབ་དང་རྒྱལ་པོ་དང་། །ཕ་རོལ་དམག་ཚོགས་རྣམ་འཇོམས་དང་། །མི་སྣང་མིག་སྨན་བཅུད་ལེན་དང་། །དེ་བཞིན་གྲིབ་གནོན་རིག་པ་དང་། །རོ་ལངས་གནོད་སྦྱིན་སྒྲུབ་པ་དང་། །སྦྲུལ་གདུག་ལ་སོགས
iiif viewer powered by OpenSeadragon
