| e-texts navigator |
| Wylie |
150a1 ཉེར་གནས། །སངས་རྒྱས་འབྲས་བུ་མྱུར་དུ་འཐོབ། །ཞི་ལ་ཞི་བའི་ཡིད་ཀྱིས་ཏེ། །རྒྱལ་པོ་ལྟ་བུར་རྒྱས་པ་ལ། །སྡང་བྲལ་ཆགས་པས་དབང་ལའོ། །དྲག་པོའི་ལས་ལ་ཁྲོ
150a2 ཞིང་རྩུབ། །རབ་ཏུ་གཏུམ་པའི་ཡིད་ཀྱིས་ནི། །གསོད་པའི་སེམས་དང་ལྡན་པར་བྱ། །གང་ཞིག་ལྟོས་པ་མེད་པའི་མི། །གྲུབ་པ་མྱུར་དུ་ཚོལ་བྱེད་ན། །སེམས་ཀྱི་རང་བཞིན་རྣམ་དག་པས། །རྡོ་རྗེ
150a3 འཛིན་པ་དེ་འགྲུབ་འགྱུར། །དངོས་པོ་གང་དང་གང་སྤྱོད་ཡུལ། །དེ་དང་དེ་ཡི་རང་བཞིན་འགྲོ། །མཉམ་གཞག་ཉམས་པར་མི་བྱ་ལ། །དུས་རྣམས་རྟག་ཏུ་རྣལ་འབྱོར་པས། །ཤིན་དུ་མཉམ
150a4 པར་གཞག་པར་བྱ། །དེས་ནི་ཐར་པ་ཉིད་ཀྱི་རྒྱུ། །རྒྱུད་ཀྱི་རྒྱལ་པོ་འདི་ལས་ནི། །འདོད་པའི་དངོས་གྲུབ་མྱུར་བྱེད་དེ། །དཀའ་བ་མེད་པའི་ཐབས་འདི་ནི། །དཀའ་སྤྱོད་བརྟུལ་ཞུགས་རྣམས
150a5 སྤངས་ཏེ། །ཤིན་དུ་བདེ་བར་སྒྲུབ་པའི་ཐབས། །སྡུག་བསྔལ་འཇིགས་མེད་བདུད་རྩིའི་རོ། །བློ་ལྡན་ལེགས་པར་བླང་བྱ་སྟེ། །ཤིན་དུ་འབད་པས་བསྒྲུབ་པར་བྱ། །མི་ཤེས་བློ་གྲོས་རྨོངས
150a6 པ་འགའ། །རྟོག་པའི་དྲ་བས་བསྒྲིབས་པའི་ཚེ། །བསོད་ནམས་དང་ནི་སྡིག་པ་ཡི། །ཕུང་པོ་རྣམ་པ་གཉིས་སུ་བརྟགས། །འོན་ཀྱང་འདོད་པ་ཐམས་ཅད་ནི། །རྒྱུད་མཆོག་འདི་ལས་འབྱུང་འགྱུར
150a7 ཕྱིར། །དམན་ཞིང་བརྩོན་པ་ཆུང་བ་འགའ། །འདི་ལ་ཞུགས་ན་མྱུར་དུ་འགྲུབ། །དེ་བས་ངོ་མཚར་རྒྱུད་འདི་ནི། །རྙེད་དཀའ་ཁྱད་པར་མཆོག་གྱུར་པ། །ཡི་གེའི་དབྱིབས་ཀྱང་མི་བསྟན་ན། །བཤད
150a8 ཅིང་འགྲོལ་བ་སྨོས་ཅི་དགོས། །དབང་རྣམས་ངེས་པར་མ་བླངས་ཤིང་། །བླ་མ་མཉེས་པར་མ་བྱས་ཚེ། །བསྟན་ཀྱང་ཐོབ་པར་མི་འགྱུར་ཏེ། །ཚ་བ་ལ་སོགས་འཁོར་བར་འཁོར། །དེ་སྐད
iiif viewer powered by OpenSeadragon
