| e-texts navigator |
| Wylie |
149b1 པ་འདི་མི་བཟོད། །རྟག་པ་ཉིད་ཀྱང་རིག་མིན་ཏེ། །དངོས་པོ་ཡོད་པར་གལ་ཏེ་འགྱུར། །དཔེར་ན་བྱིས་པ་རྣམས་ལ་མས། །ས་འདིར་སྡོད་དང་མ་ཉིད་ཀྱིས། །འབྲས་བུ་ཤིང་ཏོག་མང་བླངས་ལ། །ཁྱོད་ལ་བདེ
149b2 བས་སྦྱིན་ཞེས་བརྗོད། །དེ་བཞིན་རྣམ་པ་དུ་མ་ཡང་། །འཇིག་རྟེན་རྟོག་པ་ཐ་དད་པས། །དེ་དག་དྲང་བར་བྱ་ཕྱིར་བཤད། །བཅོམ་ལྡན་ལྷ་ཡི་ལྷ་མདུན་དུ། །ཤ་ཆེན་པོ་ཡི་ཞལ་ཟས་དང་། །ཆང་དང་ཏིལ་མར
149b3 མ་ཧེ་ཁྲག་། རབ་ཏུ་ཞིམ་པའི་ཟས་མཆོག་རྣམས། །དུས་རྣམས་རྟག་ཏུ་དབུལ་བར་བྱ། །གསང་སྔགས་རྒྱལ་པོ་ཡི་གེ་བཅུ། །བདག་གིས་རྒྱུན་དུ་གདོན་བྱ་ཞིང་། །བསམ་གཏན་རྟག་ཏུ་བརྩོན་པར་བྱ། །
149b4 དེ་ལྟར་ཤེས་ཤིང་སྒྲུབ་བྱེད་པའི། །སྐྱེས་བུ་བློ་ལྡན་དེ་ཡིས་ནི། །སངས་རྒྱས་ཉིད་ཀྱང་མྱུར་འགྲུབ་འགྱུར། །ཞི་སོགས་ལས་རྣམས་སྨོས་ཅི་དགོས། །གྲོང་ཁྱེར་དཀྲུག་ན་སྔགས་པ་དེས། །ཁྱི་ཤ་སྦལ
149b5 ཤ་རུས་སྦལ་ཤ་། རྔ་མོ་བྱི་ལའི་ཤ་རྣམས་ལ། །སྟོང་རྩ་བརྒྱད་དུ་བསྲེག་པར་བྱ། །རྟ་ཤ་དྲི་ཆེན་རབ་སྦྱར་བས། །རི་ལུ་བྱས་ཏེ་བདག་མདུན་དུ། །གསང་སྔགས་རྒྱལ་པོ་བཟླས་བྱས་ནས། །བརྒྱ་རྩ་བརྒྱད་དུ
149b6 བསྲེགས་པས་ནི། །རྒྱལ་པོ་དབང་དུ་བྱེད་པར་འགྱུར། །བུད་མེད་དབང་དུ་བྱེད་འདོད་ན། །ཤ་ཆེན་གླང་པོ་ཤ་དང་བཅས། །བྱང་ཆུབ་སེམས་དང་བསྲེས་བྱས་ཏེ། །སྟོང་ཕྲག་བརྒྱད་དུ་སྲེག་པར་བྱ། །དགུག
149b7 པ་དུས་རྣམས་ཐམས་ཅད་དུ། །ཁྱི་ཤ་ཉ་ཤ་བདུད་རྩི་ལྔ། །ཆ་མཉམ་རི་ལུ་བྱས་ནས་ནི། །བརྒྱ་རྩ་བརྒྱད་དུ་བསྲེགས་ན་འགུགས། །སྦྱིན་སྲེག་ལས་རྣམས་ཐམས་ཅད་ཀྱང་། །མ་ཧེ་ཞལ་གྱི་སྦྱོར
149b8 བས་ནི། །གསང་སྔགས་རྒྱལ་པོས་འདོད་པ་སྦྱར། །མ་ཡེངས་རྩེ་གཅིག་སེམས་ཀྱིས་བྱ། །གསུངས་དང་མ་གསུངས་མཐའ་དག་ཀྱང་། །ཇི་ལྟ་བ་ཡི་རིམ་པ་ཡིས། །རྒྱུད་ཀྱི་རྒྱལ་པོ་ཉིད
iiif viewer powered by OpenSeadragon
