| e-texts navigator |
| Wylie |
149a1 ཕག་རྣམས། །སྟོང་ཕྲག་དྲུག་ཏུ་གང་བསྲེགས་པ། །ལོངས་སྤྱོད་ཐམས་ཅད་རྙེད་པར་འགྱུར། །རྟ་དང་རྔ་མོ་བྱ་རོག་ཤ་། མི་ཤ་རྡོ་རྗེ་ཆུར་བཅས་པ། །གསང་སྔགས་རྣལ་འབྱོར་ལྡན་བྱས་ཏེ། །བརྒྱ་རྩ་བརྒྱད་ཀྱིས
149a2 ངེས་པར་སྐྲོད། །ར་ཤ་ད་ན་ཨུད་པ་ལ། །ཆང་དང་མ་ཧེ་ཆུར་བཅས་པ། །གང་འདོད་བརྒྱ་རྩ་བརྒྱད་ཀྱིས་ལྐུགས། །དུག་དང་ཁྲག་དང་སྒོག་པ་དང་། །ཤ་ཆེན་ཏིལ་མར་རབ་སྦགས་ཏེ། །བརྒྱ་རྩ་བརྒྱད་དུ་བསྲེགས
149a3 བྱས་ན། །ཕ་རོལ་གཞན་གྱི་རིག་སྔགས་གཅོད། །ཙན་དན་དཀར་པོ་འབྲས་དཀར་དང་། །ཏིལ་དཀར་འབྲས་ཆན་ཡུངས་ཀར་དང་། །ུད་པལ་དཀར་དམར་ག་པུར་དག་།ཤར་དུ་བལྟས་ཏེ་བརྒྱ་རྩ་བརྒྱད། །བསྲེགས་ནས
149a4 དུས་རྣམས་ཀུན་དུ་བསྲུང་། །གང་ཞིག་བྱ་བའི་རིམས་སོགས་དང་། །སྔགས་རྣམས་བསམ་གཏན་ངེས་ལྡན་པས། །སྙིང་རྗེའི་ཡིད་ནི་མ་བྲལ་ན། འདོད་པ་ཐམས་ཅད་འདིར་བསྒྲུབ་བྱ། །གཞན་དུ་རྨོངས་པའི་བྱིས་པ
149a5 འགའ། །བློ་གྲོས་མེད་གང་ཤེས་རབ་འཆལ། །སྔགས་དང་དམ་ཚིག་སྨན་གྱུར་ཅིང་། །ཏིང་ངེ་འཛིན་ལ་མངོན་གཡེལ་བ། །བརྩོན་པ་ཆུང་ཞིང་ལྷོད་པ་འགས། །བསྐལ་པ་སྟོང་དུ་བསྒྲུབས་བྱས་ཀྱང་། །འབྲས་བུ
149a6 ཡོད་པ་མ་ཡིན་ཏེ། །ཤ་ཐང་ཆད་པ་ཉིད་དུ་འགྱུར། །དཔེར་ན་བློ་ཞན་བྱིས་པ་རྣམས། །འགའ་ཞིག་འབྲས་འདོད་འཁྲུལ་གྱུར་ནས། །ཕུབ་མ་རྡུང་ཁར་བྱེད་པ་ལ། །འབྲས་ཡོད་ནམ་ཡང་མི་འགྱུར་བཞིན། །ཇི་ལྟར་སྤྲིན
149a7 དང་ཆུ་ཟླ་དང་། །དབང་པོའི་གཞུ་རྣམས་རྟག་མིན་ཏེ། །ཐར་པ་འདོད་པའི་བྱ་བའང་དེ། །སྒྱུ་མ་ཉིད་ལ་སྒྱུ་མ་རོལ། །ཡེ་ཤེས་གཅིག་པུ་རྣམ་གྲོལ་རྒྱུ། །སྟོང་པ་དཔག་པར་བློས་ཅི་ནུས། །དེ་ལ་དཔྱད་ཅིང་གཞལ་བཟོད་ན། །
149a8 བརྟགས་པའི་སྙིང་པོ་དེ་ལ་མེད། །དེ་ལ་དངོས་རྣམས་མ་གྲུབ་ན། །བསྒྲུབ་པའི་རིམ་གཞན་སྨོས་ཅི་དགོས། །བྱ་བ་དང་ནི་བྱེད་པ་དག་།ངེས་པར་དེ་ལ་བརྟག་མི་བཟོད། །ངམ་གྲོག་གཡང་སར་ལྷུང་ཡང་བླའི། །ཆད་པར་རྟོག
iiif viewer powered by OpenSeadragon
