| e-texts navigator |
| Wylie |
148b1 མཉམ་གཞག་ལྷ་ཡི་དགེ་འདུན་དེས། །དུས་གསུམ་རྒྱུན་དུ་མཆོད་བྱེད་ན། །རྡོ་རྗེ་འཛིན་པ་མྱུར་དུ་འཐོབ། །སྐུ་ནི་རབ་ཏུ་སྦ་ཞིང་གསང་། །ཕན་ཡོན་དམ་པ་འདི་ལས་འབྱུང་། །དཔལ་རྡོ་རྗེ་འཇིགས་བྱེད་ཀྱི་རྟོག་པའི་རྒྱུད་ཀྱི་རྒྱལ
148b2 པོ་ལས། བྲིས་སྐུའི་ལེའུ་སྟེ་གསུམ་པའོ།། །། དེ་ནས་ཡང་དག་བཤད་བྱ་བ། །རྟོག་པ་མ་ལུས་ཟད་བྱེད་ཅིང་། །ལས་རྣམས་ཐམས་ཅད་གྲུབ་འདོད་པས། །བློ་ལྡན་སེར་སྣ་རྣམ་སྤངས་ཏེ། །རྟུལ་ཕོད་གཡེང་བ་རྣམ་སྤངས་ནས། །
148b3 སྦྱིན་སྲེག་ལས་ལ་རབ་བརྩོན་བྱ། །མཚལ་དང་བབ་བླ་ལྡོང་རོས་དང་། །ཤན་པའི་གོ་ཐབ་དུར་ཁྲོད་ས། །མི་དང་མ་ཧེ་ཁྲག་གིས་བརྫི། །ཁྲུ་དོ་པ་ལ་ཁྲུ་ཕྱེད་བརྩིག་།གྲུ་བཞིའི་སྟེང་དུ་ཟླུམ་པོ་ནི། །རྡོ་རྗེ་རྒྱ་གྲམ
148b4 ལྡན་བྱས་ལ། །དེ་སྟེང་འཁོར་ལོ་རྩིབས་དྲུག་ལ། །མཚན་མ་དྲུག་ནི་དགོད་པར་བྱ། །ལྟེ་བར་མེ་ཡི་དཀྱིལ་འཁོར་ནི། །མཐོ་གང་ཚད་དུ་བྱས་པ་ལ། །མ་ཧེའི་ཁྲག་གིས་ལེགས་པར་བྱུག་།བདག་ཉིད་ལྷོ་ཡི་ཕྱོགས
148b5 བལྟས་ཏེ། །མ་ཧེ་ཞལ་གྱི་སྦྱོར་བ་ཡིས། །ཐབ་ཀྱི་ནང་གི་ཕྱོགས་མཚམས་སུ། །མེ་ཡི་ས་བོན་མངོན་བལྟས་ལ། །བསྐལ་པའི་མེ་ཆེན་ལྟ་བུར་བསྒོམ། །དེར་ནི་མེ་ལྷའང་བསྒོམ་བྱ་སྟེ། །ཞལ་གསུམ་ཕྱག་བཞི
148b6 གནག་ལ་རྩུབ། །གཡས་པའི་ཕྱག་གིས་འགྲོ་རྣམས་ལ། །སྐྱབས་སྦྱིན་མཛད་ཅིང་བགྲང་ཕྲེང་འཛིན། །གཡོན་པས་རིལ་བ་མཆོག་སྩོལ་བརྩོན། །ཞལ་ནས་མེ་རྣམས་རབ་འཕྲོ་ཞིང་། །འོད་རྣམས་སྣ་ཚོགས་ཀྱིས
148b7 བརྒྱན་པ། །དེ་ལྟར་ཤེས་ནས་རབ་བསྲེགས་ན། །འདོད་པའི་དོན་རྣམས་རབ་ཏུ་འབྱུང་། །དགྲ་བོའི་གཟུགས་དང་ཤ་ཆེན་དང་། །ཆང་དང་མ་ཧེའི་ཁྲག་བཅས་པ། །སྟོང་ཕྲག་གསུམ་དུ་བསྲེགས་བྱས་ན། །བསྒྲུབ་བྱ
148b8 ཁྲག་ཏུ་སྐྱུགས་ནས་འཆི། །གླང་པོ་རྟ་བོང་ཁྱི་ཤ་ལ། །སྟོང་ཕྲག་གསུམ་གྱིས་དབང་དུ་བྱེད། །བྱ་རོག་འུག་པ་ཁྱི་ཤ་ཆུ། །བསྲེགས་ན་མི་རྟ་འབྱེར་བར་ངེས། །ཏིལ་དང་ནས་དང་གྲོ་སཱ་ལི། །ཡུང་བ་གི་ཧང་སོ
iiif viewer powered by OpenSeadragon
