| e-texts navigator |
| Wylie |
147b1 རྡོ་རྗེ་འཇིགས་བྱེད་བསམ་པར་བྱ། །དམར་པོ་ཞལ་གཅིག་ཕྱག་གཉིས་པ། །ཤེས་རབ་མོ་དང་མཉམ་དུ་སྦྱོར། །དབྱུག་པ་ཐོད་ཁྲག་ཕྱག་ན་འཛིན། །མ་ཧེ་པད་མ་ཉི་མ་ལ། །གཡོན་བརྐྱང་བ་ཡི་ཚུལ་གྱིས་བསྒོམ། །
147b2 ཨོཾ་ཡ་མཱན་ཏ་ཀྲྀ་ཧཱུ~ཾ་ཕཊ། གསང་སྔགས་རྒྱལ་པོ་འདི་བཟླས་ན། །འདོད་པའི་དངོས་གྲུབ་ཐམས་ཅད་འབྱུང་། །ནམ་མཁའི་དབྱིངས་སུ་དབུས་གནས་པར། །ཡ་ཡིག་སྔོན་པོ་ལས་སྐྱེས་པའི། །ཁྲོ་བོ་རྡོ་རྗེ་འཇིགས་བྱེད་ནི། །
147b3 པད་མ་ཉི་མའི་གདན་སྟེང་ན། །སེམས་དཔའི་སྐྱིལ་ཀྲུང་གིས་གནས་པའི། །གྲི་གུག་པི་དྷི་པ་ལ་དང་། །དགྲ་སྟ་དང་ནི་ཐོད་ཁྲག་དང་། །ཕྱག་བཞི་པོ་ནི་རིམ་པས་འཛིན། །མ་ཧེ་ནག་པོ་ཞལ་སྟེང་ན། །འཇམ་དཔལ་ཞལ
147b4 ནི་སེར་ཞིང་འཛུམ། །དཔའ་བོ་ཆེན་པོ་རང་ཉིད་བསྒོམ། །རབ་ཏུ་ཞིམ་པའི་ཆང་བཏུང་ཞིང་། །ཤ་ཆེན་དག་ཀྱང་མུར་བར་བྱ། །མཚན་མོ་དུར་ཁྲོད་རྒྱུ་བྱེད་ཅིང་། །རྟག་པར་གསང་སྔགས་བཟླ་བར་བྱ། །ཐིག་ལེ་འདྲེན་པའི
147b5 རྣལ་འབྱོར་ནི། །བསྒྲུབ་བྱའི་ཕྱོགས་སུ་བསམ་པར་བྱ། །ལས་རྣམས་མྱུར་དུ་འདིས་འགྲུབ་བོ། །ཡང་ན་འདི་ལྟར་ཤེས་བྱ་སྟེ། །མ་ཧེ་གདོང་གི་སྦྱོར་བ་ཡིས། །སྐུ་ཡི་ཁ་དོག་སོ་སོར་ཤེས། །ཁྱད་པར་དུ་ཡང་གསད་པ་ལ། །
147b6 དམར་པོ་མ་ཧེའི་ཞལ་ཅན་ནི། །རྩེ་གསུམ་ལྕགས་ཀྱུ་འཛིན་པ་དེས། །མ་ཧེ་ཤ་སྟེང་བསམ་བྱས་ན། །ཁྲག་འདྲེན་པ་ཡི་མཆོག་ཏུ་གསུངས། །རས་འགའ་སྐུ་ལ་ཁྲོ་བོ་ནི། །ལྕགས་ཀྱུ་འཛིན་པ་གྲངས་མེད་སྤྲོ། །ཟླ་བ་སྤྱང་ཀིས
147b7 ཟིན་དུས་སུ། །བྱི་ལའི་སྡེར་མོ་ར་སྙིང་དང་། །བྱ་ཡི་ཁྲག་དང་མི་རུས་བསྲེས། །གང་ལ་ཕོག་པ་སྨྱོ་བར་འགྱུར། །དཔལ་རྡོ་རྗེ་འཇིགས་བྱེད་ཀྱི་རྟོག་པའི་རྒྱུད་ཀྱི་རྒྱལ་པོ་ལས་སྦྱོར་བའི་ལེའུ་སྟེ་གཉིས་པའོ།། །།
147b8 དེ་ནས་ཡང་དག་བཤད་བྱ་བ། །སྒྲུབ་པར་བྱེད་པའི་རྣལ་འབྱོར་པས། །དུར་ཁྲོད་རས་སམ་དཔའ་བོའི་གོས། །ཡང་ན་མཚན་གྱི་ཁེབ་མ་ལ། །རྣམ་སྣང་མཛད་དང་རྡོ་རྗེ་ཆུས། །དཔའ་བོའི་ཁྲག་དང་ཆང་དང་དུག་།གོ་རོ་ཙ་ནས་རས་ཚོས
iiif viewer powered by OpenSeadragon
