| e-texts navigator |
| Wylie |
146b1 ཏིང་འཛིན་ལྡན། །བརྩོན་ཆེན་གཞན་དུ་མ་ཡེངས་པས། །གང་དུ་བརྩམས་པ་དེ་འགྲུབ་འགྱུར། །སྨད་འཚོང་རང་བྱུང་ཉིད་ཀྱིས་ནི། །སྔོན་བསྟན་ཙཀྲ་ལེགས་བྲིས་ཏེ། །ལིང་གའི་སྙིང་གར་བཅུག་བྱས་ལ། །རང་མདུན་ཁྲག་གི
146b2 ཟླ་གམ་སྟེང་། །ཁྲག་གིས་བྱུགས་པའི་སྟེང་དུ་གཞག་།མི་འམ་རྒྱལ་པོའི་བུ་མོ་དག་།དགུག་དང་དབང་གི་ཡི་གེ་ཡིས། །དེ་ཉིད་དུ་ནི་ངེས་པར་འགྱུར། །ཉལ་སའི་འོག་ཏུ་མནན་པར་བྱ། །མི་གླང་ར་ཁྱི་བསེ་ཕག་ཁྲག་།
146b3 འཁོར་ལོ་བྲིས་ནས་ལིང་ག་ཡི། །མགྲིན་པར་བཅུག་ནས་བྱ་རོག་གི། །ཁྲག་གིས་ཁྲག་སྐྱུག་སྔགས་བྲིས་ནས། །ཡི་གེ་དེ་ལྡན་ཐོད་པ་རུ། །བཅུག་ནས་གསང་སྔགས་མང་བཟླས་ཏེ། །དུར་ཁྲོད་མེ་ཐབ་འོག་གཞག་ན། །
146b4 ཁྲག་སྐྱུག་པ་ལ་ཐེ་ཚོམ་མེད། །བསྲོས་ན་ཚ་བའི་ནད་ཀྱིས་འཆི། །སྦལ་ཁྲག་ཕ་ཝང་གླད་པ་ཡིས། །འཁོར་ལོ་དེ་ཉིད་ལེགས་བྲིས་ནས། །ལིང་གའི་མཆན་ཁུང་གཡོན་བཅུག་ལ། །གཡས་གཡོན་གླང་ཁྲག
146b5 སྦལ་ཁྲག་བྱུག་། ལིང་གའི་ཕྱོགས་སུ་རང་ཉིད་ཀྱི། །རྐང་པ་གཡོན་པའི་མཐེ་བོས་མནན། །དེ་ཚེ་བཟླས་པ་མང་བྱས་ནས། །རྒྱ་གྲམ་ལམ་དུ་མནན་ལ་གཞག་།དེ་ལས་ཟློག་པ་བྲིས་ནས་ནི། །ཤིང་གཅིག་ཁོང་པར
146b6 སྦས་ན་རེངས། །རྔ་མོ་བྱ་རོག་རྒན་པོའི་ཁྲག་།འཁོར་ལོ་བྲིས་ནས་ལིང་ག་ཡི། །རྐང་གཉིས་བར་བཅུག་རང་མདུན་དུ། །ཁྲག་གིས་རྔ་མོ་གཟུགས་བྲིས་ཏེ། །དེ་ཡི་སྟེང་གཞག་རང་ཉིད་ཀྱིས། །རླུང་གི་བསམ
146b7 གཏན་ངེས་ལྡན་ན། །བསྐྲད་པ་ཉིད་དུ་ཐེ་ཚོམ་མེད། །རི་བོའི་རྩེ་ལ་འཛེགས་ཏེ་སྦ། །ནེའུ་ལེ་སྦྲུལ་རྟ་མ་ཧེ་དང་། །བྱ་རོག་འུག་པའི་ཁྲག་གིས་ནི། །ཁྱོ་ཤུག་རྐང་ཡའི་རྗེས་སྦྲུས་པའི། །ལིང་ག་སོར་བརྒྱད་པར་བྱས་ཏེ། །
146b8 ཁྲག་དེས་བྲིས་པའི་འཁོར་ལོ་དག་།སྙིང་གར་བཅུག་པ་གཉིས་བྱས་ཏེ། །ནེའུ་ལེ་གཟུགས་བྱས་སྟེང་དུ་གཞག་།ལག་གཉིས་རྟ་དང་མ་ཧེ་ཡི། །རུས་པས་བརྡུང་ཞིང་གསང་སྔགས་ཟློས། །རྩེ་འདྲུད་ཤིང་རྩར་སྦས་ན་འབྱེར། །
iiif viewer powered by OpenSeadragon
