| e-texts navigator |
| Wylie |
146a1 མུ་ཁྱུད་དག་ལ་ནི། །ཡི་གེ་བཅུ་པ་མིང་བཅས་བྲི། །ཕྱོགས་བཞིར་རྩེ་གསུམ་རྡོ་རྗེས་མཚན། །དེ་བཞིན་རྫས་རྣམས་མ་ལུས་པས། །འཁོར་ལོ་ལྟོ་བར་ལྡན་པ་བྲི། །གཤིན་རྗེའི་གཟུགས་ནི་རལ་གྲི་དང་། །
146a2 དབྱུག་པ་འཛིན་པ་བྲིས་ནས་ནི། །དེ་དང་དེ་གཉིས་ལྟོ་སྦྱར་ལ། །མཚན་ངན་ཐོད་པའི་ནང་དུ་གཞུག་།ཚ་གསུམ་སྐེ་ཚེ་དུག་མུ་ཟི། །རོ་ཉེས་བཀང་ནས་དཀྱིལ་འཁོར་ནི། །གྲུ་གསུམ་དབུས་སུ་གཞག་པར་བྱ། །ཡུངས་དང
146a3 བྲ་བོ་སཱ་ལུ་ནག་། ཛ་བྷི་བྲ་བ་སོགས་རྣམས་ལ། །གསང་སྔགས་རྒྱལ་པོ་བརྗོད་བྱས་ཏེ། །དྲོའམ་དུ་བ་འཐུལ་བར་དུ། །རིམས་དང་རིམས་ཀྱི་ཁྲག་རྣམས་ནི། །མ་ལུས་ཟད་པར་འཐུང་བ་ཡིས། །མ་ཡེངས་པར་ནི་བསམ
146a4 གཏན་བྱ། །ཡང་ན་བསྒྲུབ་བྱ་ཟ་བར་མཐོང་། །ཤིང་གཅིག་རྩར་ནི་རེངས་པ་དང་། །མལ་གྱི་འོག་ཏུ་ཞ་ཞིང་ལྐུགས། །ཆུ་མདོར་འབྱེད་ཞིང་རི་རྩེར་བསྐྲད། །གསད་པ་མེ་ཐབ་འོག་ཏུ་སྦ། །དགུག་པ་ལ་ནི་སྒོ་ཁང་འོག་།ལྷ
146a5 འམ་འཁོར་ལོ་སྒྱུར་བའོ། །བདེ་གནས་རྣམས་ཀྱིས་དབང་དུ་འགྱུར། །མར་ཁུ་ཆེན་པོ་ཐོད་པ་ཡི། །ནང་དུ་བླུགས་ནས་བསྐོལ་བྱས་ཏེ། །བཞར་བས་མིག་ལ་བྱུག་བྱེད་ན། །མངོན་ཤེས་དེ་ཉིད་མྱུར་དུ་འཐོབ། །རིགས་ལྡན་རྒྱལ
146a6 པོ་ལས་རྙེད་ཅིང་། །མདོག་ལྡན་ལང་ཚོ་གསེར་བཀུག་ལ། །ཙན་དན་འདེ་གུ་མང་བྱས་ཏེ། །ལས་ཀྱི་སྦྱོར་བས་དེ་ཉིད་བཅིང་། །ཡང་ན་མེ་ལ་གདུང་བས་འགྲུབ། །ོཾ་བཛྲ་ཀྲོ་དྷ་ཡ་མ་རཱ་ཛ་བཛྲ་ཀཱི་ལི་ཀཱི་ལེ། ཧ་ན་ཧ་ན་མ་ར་ཡ
146a7 ཕཊ། ཅེས་བྱའི་གསང་སྔགས་བརྗོད་བྱས་ལ། །རུས་པའི་ཕུར་པས་གདབ་པར་བྱ། །གསལ་ཤིང་ལ་བཙུག་སྐྱེས་བུ་ཡི། །རྫས་ལ་བརྟེན་ཏེ་བསྒྲུབ་པར་བྱ། །ཏིལ་མར་བྱུགས་ལ་ཐོད་པས་གཞར། །མར་མེར་བྱས་པའི
146a8 དུད་པ་ཡིས། །མིག་རྣོན་དག་ནི་འགྲུབ་པར་འགྱུར། །གསང་སྔགས་རྒྱལ་པོ་ཐོགས་མེད་ལ། །བཏེན་པས་ཐོབ་བྱ་མང་མོད་ཀྱང་། །འདིར་ནི་བརྗོད་པ་ཅི་ཞིག་དགོས། །ཡང་ནི་འདི་ལྟར་ཤེས་བྱ་སྟེ། །རང་ཉིད་སྔགས་དང
iiif viewer powered by OpenSeadragon
