| e-texts navigator |
| Wylie |
145b1 སོ་ཕག་ཕྱེ་མ་ལྡོང་རོས་དང་། །བབ་ལ་མ་ཧེ་ཁྲག་གིས་བརྫིས། །ཟླ་གམ་གཉིས་པའི་གཟུགས་བྱས་ཏེ། །བར་དུ་གང་འདོད་བསྒྲུབ་བྱ་ཡི། །གཟུགས་བརྙན་སོར་བརྒྱད་པ་ཡི་ཚད། །བྱས་ལ་གན་རྐྱལ་དུ་གཞག་ལ། །མ་ཧེ་གདོང
145b2 གི་སྦྱོར་བ་ཡིས། །ཁྲི་ཕྲག་གཅིག་ཏུ་སྔགས་བཟླས་ནས། །དུམ་བུ་དུམ་བུར་གཏུབས་བྱས་ཏེ། །ཆུ་བོའི་གཞུང་དུ་དོར་བྱས་ན། །སྐད་ཅིག་དེ་ལ་དེ་དབང་འགྱུར། །བྱ་རོག་འུག་པའི་གཟུགས་བྱས་ཏེ། །མ་ནུ་མ་ལི་རོ་ཙ་ནས། །
145b3 ཁྱོ་ཤུག་བསྒྲུབ་བྱའི་མིང་བྲིས་ཏེ། །གཤིན་རྗེའི་ཕྱོགས་བལྟས་གསང་སྔགས་གདོན། །རྐང་པ་གཡོན་པས་མནན་ནས་ནི། །མི་ཡི་རྗེ་ངར་ཕུར་པས་གདབ། །སྐད་ཅིག་ཙམ་ལ་དེ་དག་འབྱེ། །དེ་ནས་འདིར་ནི་བསད་པ་ཡི། །
145b4 ཆོ་གའི་རིམ་པ་བཤད་པར་བྱ། །ཞལ་དྲུག་ཕྱག་དྲུག་ཞབས་དྲུག་གམ། །ཡང་ན་ཞལ་གཅིག་ཕྱག་བཞིའམ། །ཞལ་གཅིག་ཕྱག་གཉིས་པ་ཡང་རུང་། །མ་ཧེའི་གདོང་གི་སྦྱོར་བ་ཡིས། །ཁྲག་རྣམས་སྣ་ཚོགས་ཐ་དད་དང་། །བསྒྲུབ
145b5 བྱའི་རྗེས་དང་དུག་གི་རིགས། །རྟ་དང་མ་ཧེ་བོང་བུའི་ཆུས། །སྦྲུས་པའི་བསྒྲུབ་བྱའི་ལིང་ག་བྱ། །ལུས་ལ་ཚེར་མས་གཟུགས་བྱ་ཞིང་། །ཏིལ་མར་གྱིས་ཀྱང་བསྐུ་བར་བྱ། །ཡང་ནི་ཤིང་ལོ་གྲོ་ཁ་འམ། །དུར་ཁྲོད་རས་སམ་ཤུན་པ
145b6 ལ། །རང་ཉིད་གཅེར་བུ་སྐྲ་བཤིག་ནས། །ལུས་ནི་ཐལ་བས་བྱུགས་བྱས་ཏེ། །མངོན་སུམ་ཁྲོས་ནས་ཤ་ཆེན་བཟའ། །རབ་ཏུ་ཞིམ་པའི་ཆང་འཐུང་ཞིང་། །ནག་པོའི་ཚེས་ཀྱི་མཚན་ཕྱེད་དུས། །འཁོར་ལོ་བྲི་བ་བརྩམ་པར་བྱ། །ལེང
145b7 ཚེ་བཅུ་གཉིས་འཁོར་ལོ་ནི། །ཡུངས་ཀར་ཏིལ་དང་སྐགས་ཁུ་དང་། །རྟ་དང་མ་ཧེ་ར་ཁྱི་ཁྲག་།བྱ་རོག་འུག་པའི་སྒྲོ་ཡིས་བྲི། །ཡི་གེ་ཡ་ཡི་ལྟོ་བར་ཡང་མིང་དང་རུས་སུ་ལྡན་པར་བྲི། །ཕྱོགས་བཞིར་ཡི་གེ་བཅུ་པ་ནི། །མིང
145b8 དང་བཅས་པ་བྲི་བར་བྱ། །བརྒྱད་པོ་དག་ལ་རིམ་པ་བཞིན། །ཡི་གེ་འདི་དག་བྲི་བར་བྱ། །ོཾ་མུ་ས་ལེ་ཙུཪྞ་ར་ག་ཙར་ན་ཙུ་ཤ་ན་ཧཱུ~ཾ་ཧཱུ~ཾ་ཧཱུ~ཾ་ཕཊ་ཕཊ་ཕཊ། ཡི་གེ་ཡ་ལ་བསྐོར་ནས་ནི། །བསྒྲུབ་བྱ་གཟུགས་དང་ལྡན་པར་བྲི། །དེ་ཡི
iiif viewer powered by OpenSeadragon
