| e-texts navigator |
| Wylie |
145a1 ཆོས་རྣམས་ཆོས་ཉིད་དབྱེར་མེད་པས། །སྟོང་པ་ཉིད་ཀྱི་ཡེ་ཤེས་ཆེ། །མི་ཤིགས་རྟོག་བྲལ་མཚན་མ་མེད། །བདེ་ཆེན་ཡེ་ཤེས་རྡོ་རྗེའི་སྐུར། །ཡེ་ཤེས་མི་རྟོག་རྟོག་པ་བྲལ། །རྟོག་པའི་མཚན་མ་ཐམས་ཅད
145a2 བསྲེག་། སྤྲོས་པའི་མཚན་མ་མཐའ་དག་ནི། །ཇི་སྙེད་སྒྱུ་མའི་རྣམ་པ་ཤེས། །དེ་ཉིད་ཤེས་ནས་གྲོལ་བའོ། །མ་ཤེས་པས་ནི་ཕྱིར་ཞིང་འཁོར། །འཇིག་རྟེན་སྐྱེ་བོ་བློ་ལྡན་འགས། །ངེས་པར་རྟོག་པ་ཐབས་ཀྱི་མཆོག་།སྡུག་བསྔལ
145a3 ཆེན་པོ་རབ་འཇིགས་ནས། །བདེ་བ་འདོད་པས་ནན་ཏན་བྱ། །དཔལ་རྡོ་རྗེ་འཇིགས་བྱེད་ཀྱི་རྟོག་པའི་རྒྱུད་ཀྱི་རྒྱལ་པོ་ལས། ཐབས་དང་ཤེས་རབ་ཀྱི་བསམ་གཏན་བསྟན་པའི་ལེའུ་སྟེ་དང་པོའོ།། །། དེ་ནས་ཡང་དག་བཤད་བྱ་བ། །
145a4 སྔགས་གྲུབ་པ་ལས་བྱུང་བ་ཡི། །ལས་རྣམས་འདིར་ནི་ཤེས་བྱ་སྟེ། །དེར་ནི་ལྷ་ཡི་སྐུ་ཡང་སྦྱར། །ཞི་སོགས་བཟླས་པའི་རིམ་པ་ལ། །རྡོ་རྗེའི་དབུས་སུ་རྡོ་རྗེ་ནི། །ཉི་ཟླ་ལ་བརྟེན་ཡི་གེ་ཡི། །ཕྲེང་བ་ཁ་དོག་ལྔར་ཤེས་པ། །སྐྱེན
145a5 བུལ་སྤངས་ནས་བཀླག་པ་ནི། །མཁས་པའི་བཟླས་པའི་རིམ་པའོ། །དྲག་པོའི་ལས་རྣམས་སྒྲུབ་པ་ལ། །ཉོན་མོངས་གཅོད་པའི་འཁོར་ལོ་ནི། །སེར་པོ་རྩེ་རྩིབས་བཅུ་པ་ལ། །འོད་ཟེར་སྣ་ཚོགས་འཕྲོ་བ་བསམ། །ཞི་བར་འདོད
145a6 པའི་སྐྱེས་བུ་དེས། །སེམས་ནི་ཡང་དག་མཉམ་གཞག་ནས། །སྔགས་ཀྱི་འོད་ཀྱང་འགྲོ་གཞན་ལ། །ཕན་པའི་ཡིད་དང་ལྡན་པར་བྱ། །གྲོ་ཁ་རས་དང་ཤིང་ཤུན་ལ། །གུར་གུམ་གི་ཧང་དྲི་རྣམས་ཀྱིས། །མཆོད་རྟེན་རིམ་པ
145a7 ལྔར་ལྡན་ཞིང་། །གདུགས་དང་འཁོར་ལོ་ལྡན་པར་བྱ། །སྒྲུབ་པ་པོ་ཡི་མིང་དང་རུས། །དེ་ཡི་བུམ་པའི་ནང་དུ་བྲི། །ཡེ་དྷརྨཱ་ལ་སོགས་པ་ཡི། སྔགས་ཀྱིས་གཡས་ནས་བསྐོར་བར་བྲི། །རབ་ཏུ་གནས་པར་བྱས་ནས་ཀྱང་། །
145a8 ལུས་སམ་མགུལ་ལམ་གང་བདེར་གཞག་།དེས་ནི་གདོན་དང་བྱད་སྟེམ་དང་། །རིམས་དང་ཡམས་རྣམས་སེལ་བར་བྱེད། །གང་ཞིག་ཡུལ་རྣམས་གཞོམ་འདོད་ན། །ཧཱུ~ཾ་གི་ས་བོན་དང་ལྡན་པར། །མིང་ཡིག་ཙམ་པོ་བྲི་བར་བྱ། །
iiif viewer powered by OpenSeadragon
