| e-texts navigator |
| Wylie |
144b1 ཕྲག་ཐུབ་པའི་སྐུ། །ཀུན་ཀྱང་སངས་རྒྱས་གནས་ལས་སྐྱེས། །རང་ལ་ཞུགས་པས་སྐུ་རྫོགས་འགྱུར། །ཞལ་དྲུག་ཁྲོ་གཉེར་རབ་བརྗིད་པ། །མ་ཧེའི་ཞལ་ལྡན་སྟེང་གནས་པ། །འཇམ་དཔལ་ཞལ་ནི་འཛུམ་བཅས་བཞུགས། །ལྷག་མ
144b2 དམར་དང་སེར་དང་སྔོ། །དུ་བའི་མདོག་མཚུངས་གྱེན་སྐྲར་ལྡན། །ཐོད་པ་སྐམ་རློན་རྒྱུ་མ་སྦྲུལ། །རུས་པ་རྡོ་རྗེའི་ཕྲེང་བས་བརྒྱན། །གླང་ཆེན་སྟག་ལྤགས་གྱོན་ནས་ནི། །ཧཱུ~ཾ་ཕཊ་གླུར་ལེན་གད་མོ་ཅན། །ནམ་མཁའི་ལུས་ཅན་ཁྲོ་བོའི
144b3 སྤྲིན། །ཡང་དང་ཡང་དུ་སྤྲོ་བྱེད་པའི། །ཕྱག་དྲུག་རབ་ཏུ་བརྗིད་པ་སྟེ། །དབྱུག་པ་ཐོ་བ་གཏུན་ཤིང་དག་།གཡས་པའི་ཕྱག་གིས་རིམ་བཞིན་འཛིན། །བེ་ཏ་ལི་དང་ལྕགས་ཀྱུ་དང་། །ཞགས་པ་གཡོན་པའི་ཕྱག་གིས་འཛིན། །པད་མ
144b4 ཉི་མ་མ་ཧེ་དང་། །གཤིན་རྗེའི་སྟེང་ན་འགྱིང་བག་ཅན། །ཞབས་དྲུག་གཡས་བརྐྱང་གར་གྱིས་གནས། །འཇིག་རྟེན་བདག་པོ་མཐར་མཛད་པའོ། །དེ་ལྟར་གང་ཞིག་དད་པ་དང་། །བློ་ལྡན་གཡོ་སྒྱུ་རབ་སྤངས་ཤིང་། །ལེགས་པར་དབང་རྣམས
144b5 ཐོབ་བྱས་ནས། །རྡོ་རྗེ་སློབ་དཔོན་མཉེས་བྱེད་པས། །ཡང་ནས་ཡང་དུ་དྲན་བྱེད་ན། །བརྟན་པ་ཆེན་པོ་ཐོབ་པར་འགྱུར། །ལྷ་ཡི་དགེ་འདུན་ང་ལ་ཉོན། །དཔའ་བོ་ཆང་ལ་རབ་དགའ་ཞིང་། །ཤ་ཆེན་རྟག་ཏུ་མུར་བྱེད་ན། །ལས་རྣམས
144b6 དེ་ཡིས་མྱུར་དུ་འགྲུབ། །སྐུ་ནི་དུ་མ་འཕྲོ་བྱེད་ཅིང་། །སྐུ་ལ་སྐུ་རྣམས་ངེས་ཐིམ་བྱེད། །ཐམས་ཅད་སྒྱུ་མ་ཉིད་ཤེས་པས། །འཇིག་རྟེན་རྣམས་སུ་ཡིད་སད་བྱེད། །ཁོང་སྟོང་རྩ་ནི་ཀ་བ་སྟེ། །རྒྱུན་ཏུ་བྱང་ཆུབ་སེམས་འཛག་བྱེད། །ཆུ་སྐྱེས
144b7 དམར་པོ་ཁ་སྦྱར་གཉིས། །ཡན་ལག་གཉིས་ཀྱིས་ལེགས་པར་བཅུན། །ཤེས་པ་འཕེལ་བ་མེ་དང་རླུང་། །ཉི་མ་ཟླ་བ་ཐབས་ལྡན་དང་། །ཤེས་རབ་ལྡན་པར་ཤེས་པར་བྱ། །གཉིས་པོ་དེ་ཉིད་རྣམ་སྤངས་ན། །ཁོང་དུ་ཆུད
144b8 པར་མི་འགྱུར་རོ། །ཆུ་སྐྱེས་ཁ་སྦྱོར་ལ་བརྟེན་ཏེ། །གསུམ་གནས་པ་ཡི་ཏིང་འཛིན་ལ། །རྡོ་རྗེ་ཆོས་ཀྱིས་རྒྱས་བཏབ་པའི། །ཐབས་དང་ཤེས་རབ་གྲོལ་བའི་རྒྱུ། །བློ་ལྡན་འབད་པས་ཤེས་པར་འགྱུར། །དེ་ཕྱིར་དེ་ལ་བརྩོན་པར་བྱ། །
iiif viewer powered by OpenSeadragon
