| e-texts navigator |
| Wylie |
142a1 པར་བྱའོ། །དེ་ནས་དབྲལ་བར་འདོད་ན་མ་ཧེའི་སྙིང་གར་བསྒྲུབ་བྱ་བསམ་པར་བྱ་སྟེ། བསྒྲུབ་བྱ་གཞན་རྟའི་སྙིང་གར་རྣམ་པར་བསམ་པར་བྱའོ། །རྟ་དང་མ་ཧེ་གཉིས་ཕན་ཚུན་འཐབ་པར་བྱེད་པར
142a2 བསམ་སྟེ། ཇི་སྲིད་དུ་རྟ་དང་མ་ཧེ་གཉིས་ཕྱེ་བར་མ་གྱུར་གྱི་བར་དུའོ། །ཕྱི་ནས་བསྒྲུབ་བྱ་དེ་གཉིས། རབ་ཏུ་མི་མཛའ་བར་བསམ་པར་བྱ་སྟེ། བསམས་པ་ཙམ་གྱིས་ཉི་མ་བདུན་གྱིས་ངེས་པར་འཐབ་པར་འགྱུར་ཏེ།
142a3 གཞན་དུ་མ་ཡིན་ནོ། །དེ་ནས་བསྐྲད་པར་འདོད་ན་དེ་རུ་ཡ~ཾ་ལས་ཡོངས་སུ་གྱུར་པའི་རྔ་མོ་བསམ་པར་བྱ་སྟེ། ཡ~ཾ་དེའི་རྒྱབ་ཏུ་ཡ~ཾ་གི་རྣམ་པ་ལས་གྱུར་པའི་རླུང་གི་དཀྱིལ་འཁོར་ཟླ་བ་ཕྱེད་པའི་རྣམ་པར་བསམ་པར་བྱའོ། །དེའི
142a4 སྟེང་དུ་བསྒྲུབ་བྱ་གཅེར་བུ་སྐྲ་བཤིག་པ་བྲེད་པར་གྱུར་པར་བསམ་པར་བྱ་སྟེ། མ་ཧེའི་གདོང་ཅན་གྱི་སྦྱོར་བ་ལ་གནས་པས་དེའི་རྒྱབ་ཏུ་གཤིན་རྗེའི་གཟུགས་ལག་པ་གཡས་པས་དབྱུག་པ་འཛིན་པ་སྐྲ་བསིལ་བ་རྣམ
142a5 པར་བསམ་པར་བྱ་སྟེ། རྔ་མོ་དེ་ཁ་ལྷོར་བསྟན་ལ་གཏང་ངོ་། །དེའི་མིང་དང་བཅས་པར་གཤིན་རྗེའི་སྔགས་བརྗོད་པས་རྣམ་པར་བསམ་པར་བྱའོ། །རྣལ་འབྱོར་པས་འདི་བསམས་པ་ཙམ་གྱིས་ཞག་བདུན་ན་འདི་ལྟར་རྡོ་རྗེ་འཛིན
142a6 པ་ཡང་བསྐྲོད་པར་འགྱུར་རོ། །གཞན་ཡང་བསམ་གཏན་གྱི་རབ་ཏུ་སྦྱོར་བ་ནི་བྱ་རོག་གམ། བྱ་རྒོད་ཀྱི་རྒྱབ་ཏུ་བསྒྲུབ་བྱ་སྐྲ་གྲོལ་བ་གཅེར་བུ་རྣམ་པར་བསམ་མོ། །དེའི་རྒྱབ་ཏུ་གཤིན་རྗེ་རྣམ་པར་བསམ་པར་བྱ་སྟེ། ལག་པ
142a7 ཐོ་བ་ཐོགས་པ་བསྒྲུབ་བྱའི་སྐྲ་བཟུང་བ་དེ་ལ་མ་ཧེའི་གདོང་ཅན་གྱིས་བཀའ་བསྒོ་སྟེ། ཁ་ལྷོ་རུ་བལྟས་ནས་སོང་བར་བསམ་པར་བྱ་སྟེ། རྩེ་གཅིག་པའི་སྦྱོར་བས་བསམ་པར་བྱས་ན། རྩེ་གཅིག་པའི་སྦྱོར་བ་དེས་ཞག་བདུན
142a8 གྱིས་སྐྲོད་པར་འགྱུར་རོ། །དེ་ནས་འགུགས་པར་བྱེད་པར་འདོད་ན་ཡི་གེ་ཡ~ཾ་ལས་བྱུང་བའི་རླུང་གི་དཀྱིལ་འཁོར། དེའི་སྟེང་དུ་ཨ་ལས་བྱུང་བའི་ཟླ་བའི་དཀྱིལ་འཁོར་དེའི་སྟེང་དུ་གཤིན་རྗེའི་གཟུགས་ལྕགས་ཀྱུ་དང་ཞགས་པ་ལག་ཏུ་ཐོགས
iiif viewer powered by OpenSeadragon
