| e-texts navigator |
| Wylie |
140b1 ཉི་མ་བདུན་གྱིས་གང་འདོད་པ་ཐེ་ཚོམ་མེད་པར་འགུགས་སོ། །དེ་ནས་སྨྱོ་བར་བྱ་བར་འདོད་ན། བྱ་རྒོད་ཆེན་པོའི་ཚང་དང་། ཤ་ཆེན་བསྲེགས་ན་སྨྱོ་བར་འགྱུར་རོ། །དེ་ཕུབ་མའི་མེ་ལ་བསྲེགས་ན་བདེ་ལེགས་སུ་འགྱུར
140b2 རོ། །དེ་ནས་ནོར་ནོར་མ་ཡིན་པར་བྱ་བར་འདོད་ན། རས་བལ་གྱི་མེ་ལ་དྷ་དུ་རའི་འབྲས་བུ་བཅས་པར་མཚན་མོ་ཡི་གེ་བཅུ་པའི་སྔགས་བརྒྱ་རྩ་བརྒྱད་སྦྱིན་སྲེག་བྱས་ན་ཤིན་དུ་ཆུད་ཟོས་པར་འགྱུར་རོ། ། རུ་ར
140b3 བསྲེགས་ན་སླར་རྫས་དེ་ཉིད་དུ་འགྱུར་རོ། །རྗེ་བཙུན་གྱི་མདུན་དུ་ཤ་ཆེན་ཆང་དང་བཅས་པ་ཟླ་བ་དྲུག་ཏུ་མཚན་མོ་སྦྱིན་སྲེག་བརྒྱ་རྩ་བརྒྱད་བྱས་ན་ཡུལ་ཐམས་ཅད་ཀྱི་བདག་པོར་འགྱུར་རོ། །བ་ལང་གི་ཤ་དང་ཁྲག་ཏུ
140b4 བཅས་པར་གང་གི་མིང་དང་བཅས་པར་སྦྱིན་སྲེག་སྟོང་བྱས་ན་དེ་ཇི་སྲིད་འཚོའི་བར་དུ་བྲན་དུ་གནས་པར་ཐེ་ཚོམ་མེད་དོ། །ཁྱི་ཤ་རྡོ་རྗེའི་ཆུ་དང་བཅས་པར་སྐྱེས་པའི་བདག་ཉིད་ཀྱིས་མཚན་མོ་གང་གི་མིང
140b5 དང་བཅས་པར་སྦྱིན་སྲེག་བརྒྱ་རྩ་བརྒྱད་བྱས་ན་བདག་ཉིད་ཀྱི་ནོར་དང་བཅས་པ་དབང་དུ་འགྱུར་རོ། །རྟའི་ཤ་རྣམ་པར་སྣང་མཛད་དང་བཅས་པ་གཤིན་རྗེའི་གཤེད་ཀྱི་སྔགས་ཀྱིས་སྦྱིན་སྲེག་བརྒྱ་རྩ་བརྒྱད་གནས་གཅིག
140b6 ཏུ་གནས་ལ། མཚན་མོ་རྒྱལ་པོ་ལ་དམིགས་ནས་བྱས་ན་ཞག་བདུན་གྱིས་འཁོར་དང་བཅས་པ་དབང་དུ་འགྱུར་རོ། །གླང་པོའི་ཤ་ཁུ་བ་དང་བཅས་པས་མིའི་འཇིག་རྟེན་ཀུན་ལ་དམིགས་ལ་ཡི་གེ་བཅུ་པའི་སྔགས་ཀྱིས
140b7 མཚན་མོ་སྦྱིན་སྲེག་སྟོང་བྱས་ན་ཞག་བདུན་གྱིས་དབང་དུ་འགྱུར་རོ། །ཉ་དང་ཤ་དང་ཆང་དང་བཅས་པས་འཇིགས་པ་མེད་པར་ཡི་གེ་བཅུ་པའི་སྔགས་ཀྱིས་སྦྱིན་སྲེག་བརྒྱ་རྩ་བརྒྱད་བྱས་ན་བུད་མེད་ཐམས་ཅད་དབང
140b8 དུ་འགྱུར་རོ། །དེ་ནས་བསྐྲད་པར་འདོད་ན། བྱ་རོག་གི་ཤ་མ་འདྲེས་པར་ཡི་གེ་བཅུ་པའི་སྔགས་ཀྱིས་གང་གི་མིང་དང་བཅས་པར་སྦྱིན་སྲེག་སྟོང་བྱས་ན་ཉི་མ་བདུན་གྱིས་རྡོ་རྗེ་འཛིན་པ་ལྟ་བུ་ཡང་རབ་ཏུ་འབྲོས་ན
iiif viewer powered by OpenSeadragon
