| e-texts navigator |
| Wylie |
138a1 པས་འུག་པ། གསུམ་པས་བྱ་རོག་།བཞི་པས་ནེ་ཙོ། ལྔ་པས་ཁྲ། དྲུག་པས་ཁྱུང་ཆེན་པོ། བདུན་པས་རི་སྐེགས། བརྒྱད་པས་བཞད། ཞབས་གཡོན་པས་འདི་དག་མནན་པའོ། །དཔལ་འཇིགས་བྱེད་ཆེན་པོའི་དང་པོའི
138a2 ཞལ་ནི་རབ་ཏུ་གནག་པ་མ་ཧེའི་རྣམ་པ་ཤིན་དུ་ཁྲོས་པ་ཅན། རྭ་གཡས་ཀྱི་ཞལ་གསུམ་ལ་དང་པོ་སྔོན་པོ། གཉིས་པ་དམར་པོ། གསུམ་པ་སེར་པོ་སྟེ། མངའ་བདག་གི་ཞལ་གསུམ་ཤུན་དུ་ཁྲོས་པ། རྭ་གཡོན་པར་ཞལ་གསུམ
138a3 ལ། དང་པོ་དཀར་པོ། གཉིས་པ་དུད་ཁ། གསུམ་པ་ནག་པོ་རབ་ཏུ་ཁྲོས་པ། གཙིགས་པའི་ཞལ་རབ་ཏུ་བསམ་པར་བྱའོ། །རྭ་གཉིས་ཀྱི་བར་དུ་དབུས་ཀྱི་ཞལ་དམར་པོ་རབ་ཏུ་འཇིགས་པ་ཞལ་ནས་ཁྲག་འཛག་པ་བསམ
138a4 པར་བྱའོ། །སྟེང་དུ་འཇམ་དཔལ་གྱི་ཞལ་ཅུང་ཟད་སེར་བ་ཡུད་ཙམ་ཁྲོ་བ་བྱས་པའི་རྒྱན་གྱིས་བརྒྱན་པ། སྤྱི་བོར་རལ་པ་ལྔ་དང་ལྡན་པ་རྣམ་པར་བསམས་ཏེ། ཞལ་རྣམས་ཐམས་ཅད་སྤྱན་གསུམ་པར་བསྒོམ་སྟེ། འདི་ལྟར
138a5 བདག་ཉིད་རྟག་ཏུ་རྩེ་གཅིག་ཏུ་དམིགས་སོ། །དེ་ཉིད་དཔལ་རྡོ་རྗེ་འཇིགས་བྱེད་ཆེན་པོ་མ་ཧེའི་གདོང་ཅན་དེ་བདག་ཉིད་ཡིན་པར་བསྒོམས་ནས། དཔའ་བོའི་གནས་ལ་གནས་པའི་རྣལ་འབྱོར་པས་དེ་ནས་ཕྱི་ནས་སྔགས་བཟླ་བར་བྱ་སྟེ།
138a6 བཟླས་པའི་དུས་སུ་རང་གི་སྙིང་གར། ཉི་མའི་དཀྱིལ་འཁོར་བསམས་ཏེ། དེའི་སྟེང་དུ་རང་གི་སྔགས་ཀྱི་ཡི་གེ་དགོད་པར་བྱའོ། །འབར་བ་དང་ཕྱི་ནས་མ་ཡེངས་པའི་ཡིད་ཀྱིས་བཟླས་པ་བྱའོ། །སྦྱོར་བ་འདི་ལ་གནས་པའི་སྔགས
138a7 པ་ཡིས། །རྟག་ཏུ་འཇིགས་བྱེད་ལས་ཀུན་བྱ། །དུར་ཁྲོད་གནས་ལ་བསྒོམ་བྱ་ཞིང་། །རྟག་ཏུ་བདུད་རྩི་ལྔ་རྣམས་བཟའ། །དེ་ཡིས་བསྒྲུབ་ལས་བསྒྲུབ་གཞན་མེད། །གཞན་ཡང་མར་མེ་ཆེ་ཟ་ཞིང་། །མཚན་མོ
138a8 རྒྱུ་བའི་རྣལ་འབྱོར་པས། །སུམ་འབུམ་རྩ་བའི་སྔགས་བཟླས་བྱ། །འདི་ཟློས་པ་ཡི་སྔགས་པ་ཡིས། །ཐམས་ཅད་ལས་ནི་བྱེད་པར་འགྱུར། །འདི་ནི་འཇམ་དཔལ་ཞེས་བྱ་བ། དཔལ་རྡོ་རྗེ་འཇིགས་བྱེད་ཆེན་པོའི་རྒྱུད་ལས
iiif viewer powered by OpenSeadragon
