| e-texts navigator |
| Wylie |
137a1 གཤེགས་པ་རྣམས་དང་བྱང་ཆུབ་སེམས་དཔའ་དང་རིག་པའི་ལྷ་མོ་དང་ཁྲོ་བོ་ལ་སོགས་པ་ཤིན་དུ་བསྐུལ་ཏེ། ཡང་འོངས་ནས་ཉི་མའི་དཀྱིལ་འཁོར་ལ་བཞུགས་པར་བསམ་མོ། །དེ་ནས་ཡང་འཇམ
137a2 དཔལ་དང་དེ་བཞིན་གཤེགས་པ་ལ་སོགས་པ་དེ་རྣམས་གཅིག་ཏུ་གྱུར་ནས། ཉི་མའི་དཀྱིལ་འཁོར་དུ་བསམ་པར་བྱའོ། །འོད་ཟེར་འབར་བའི་རྣམ་པས་དཔག་ཚད་སྟོང་ཕྲག་བརྒྱར་ཁྱབ་པར་གསལ་བར་བྱའོ། །དེའི
137a3 སྟེང་དུ་ཧཱུ~ཾ་མདོག་ནག་པོ་འོད་ཟེར་ལྔ་དང་ཡང་དག་པར་ལྡན་པར་བསམ་སྟེ། ཧཱུ~ཾ་དེ་ལས་འོད་ཟེར་གྱི་རྣམ་པར་འཕྲོས་པས། སྔོན་དུ་གསུངས་པ་བཞིན་དུ་ཡང་ཞུགས་ཏེ། ཡི་གེ་དེ་ལས་རྡོ་རྗེ་ཆེན་པོ་རྣམ་པར་གདེངས་པ་ཁ་དོག་ནག
137a4 པོ་འོད་ཟེར་ལྔ་དང་ལྡན་པ་རྣམ་པར་དམིགས་པར་བྱ་སྟེ། རྡོ་རྗེ་དེ་ལས་ཕྲ་མོའི་རྣམ་པ་སངས་རྒྱས་དང་བྱང་ཆུབ་སེམས་དཔའ་དང་ཁྲོ་བོ་དང་རིག་པའི་ལྷ་མོས་ནམ་མཁའ་ཏིལ་གྱི་གང་བུ་ལྟར་གང་བ་ཉི་མ་ལ་གནས་པ་རྣམ་པར
137a5 བསམ་པར་བྱའོ། །དེ་སངས་རྒྱས་ལ་སོགས་པ་རྣམས་ཀྱིས་ནི་སེམས་ཅན་ཡོངས་སུ་སྨིན་པར་བཏུལ་ནས་བྱང་ཆུབ་ལ་རབ་ཏུ་བཀོད་དེ། ཡང་དེ་ཉིད་ལྷན་ཅིག་ཏུ་བསྡུས་ནས་རྡོ་རྗེའི་གཟུགས་བརྙན་ལ་རབ་ཏུ་ཞུགས་པར་བསམ
137a6 མོ། །རྡོ་རྗེའི་གཟུགས་དེ་ཉིད་ཞལ་དགུ་པ། མ་ཧེའི་གདོང་ཅན་འཇིག་པའི་དུས་ཀྱི་མེ་ལྟར་འབར་བའི་རྡོ་རྗེ་འཇིགས་བྱེད་ཆེན་པོ་ཁམས་གསུམ་ཟ་བར་ནུས་པ། ཞལ་གཙིགས་པ། ཧ་ཧ་ཞེས་ལྗགས་འདྲིལ་བ།
137a7 རྣམ་པར་གཙིགས་པའི་ཁྲོ་གཉེར་འཇིགས་པ། ཁྲོ་གཉེར་གྱི་འགྲམ་ནས་སྨིན་མ་དང་སྤྱན་འཇིགས་པ་ཆེན་པོའི་དུས་ལྟར་ཁྲོ་བ་སྒྲ་སྒྲོགས་པ། མིའི་ཁྲག་དང་ཚིལ་དང་ཞག་དང་རྐང་ཟ་བ། འཇིག་རྟེན་དང་འཇིག་རྟེན་ལས
137a8 འདས་པའི་ལྷ་ལ་སོགས་པ་ལ་བསྡིགས་མཛུབ་བྱེད་པ། བརྒྱ་བྱིན་དང་ཚངས་པ་དང་དབང་ཕྱུག་ཆེན་པོ་དང་ཁྱབ་འཇུག་དང་གནོད་སྦྱིན་ལ་སོགས་པ་ཟ་བ། ཐོད་པ་གཙིགས་པའི་རྩེ་མོ་འཇིགས་སུ་རུང་བའི་ཐོད་པས་ཐོད་བྱས་པ།
iiif viewer powered by OpenSeadragon
