| e-texts navigator |
| Wylie |
135a1 སྨྱོ་བར་འགྱུར་ཞིང་ཞག་བདུན་གྱིས་འཆིའོ། །དེ་ནས་གཞན་ཡང་རབ་ཏུ་སྦྱོར་བ་གསུངས་པ། གཤིན་རྗེའི་སྔགས་དུར་ཁྲོད་ཀྱི་རས་ལ་དུག་ལ་སོགས་པའི་རྫས་ཀྱིས་བྲིས་ཏེ། མར་མེ་ཆེན་པོ་དང་རྣམ་པར་སྣང་མཛད་ཀྱི
135a2 གཟུགས་བརྙན་བྱས་ལ། དེའི་སྙིང་གར་འཁོར་ལོ་བཅུག་ནས་ཕའི་གནས་སུ་སོང་ལ་རོ་བསྲེགས་པའི་མེ་ལ་མཚོན་རྣོན་པོས་གཏུབས་ནས་རྣམ་པར་བརྩེགས་པའི་སྦྱོར་བས་རྣལ་འབྱོར་པ་གནས་པས། རྣམ་པར་སྣང་མཛད
135a3 ཀྱིས་ལུས་བྱུགས་ཏེ། ཁ་ལྷོར་བལྟས་ནས་བསྲེགས་ན་དེ་མྱུར་དུ་འཆིའོ། །དེ་ནས་དཔྲལ་བའི་རབ་ཏུ་སྦྱོར་བ་འབྱུང་བ་ནི་བྱ་རོག་དང་། འུག་པའི་རུས་པ་བླངས་ལ་དེ་གཉིས་ལ་ལྕགས་ཀྱི་ཚེར་མས་བསྒྲུབ་བྱའི་མིང་དང་ལྷན་ཅིག་ཏུ
135a4 ཡི་གེ་བཅུ་པའི་སྔགས་བྲིས་ལ། གཅིག་པུ་གནས་སུ་གནས་ཏེ། གང་གི་མིང་དང་བཅས་པར་བཟླས་ཤིང་། དེ་གཅིག་ལ་གཅིག་བྲུད་ན་འབྲལ་བར་འགྱུར་རོ། །དེ་ནས་གཤིན་རྗེའི་འཁོར་ལོ་གྲོ་གའི་འདབ་མ་ལ་བུད་མེད་དང
135a5 སྐྱེས་པའི་མིང་བྲིས་ནས་སྦལ་པའི་གསུས་པར་བཅུག་ནས། གང་གི་མིང་དང་བཅས་པ་ཐེམ་པའི་འོག་ཏུ་སྦས་ན། དེའི་ཡན་ལག་མཚོན་གྱིས་འབུགས་པར་འགྱུར་རོ། །དེ་ནས་བུ་མོ་རེངས་པའི་རབ་ཏུ་སྦྱོར་བ་འདི།
135a6 གཤིན་རྗེའི་སྔགས་དུར་ཁྲོད་ཀྱི་རས་ལ་དུག་ལ་སོགས་པས་བྲིས་ལ། རོ་བསྲེགས་པའི་སོལ་བས་གཟུགས་བརྙན་མཐོ་གང་ཙམ་གྱི་ཚད་བརྩིགས་ལ། དེའི་སྙིང་གར་འཁོར་ལོ་བཅུག་ནས་རྐང་པ་གཡོན་པས་མནན་ལ། མ་ཧེའི
135a7 སྦྱོར་བས་ཆེ་གེ་མོའི་བུ་མོ་མྱུར་བར་རེངས་པར་གྱུར་ཅིག་ཅེས་ཡི་གེ་བཅུ་པའི་སྔགས་བཟླས་ན་རེངས་པར་འགྱུར་རོ། །འདིའི་ལས་རྣམས་ནི་གཞན་སུ་ལ་ཡང་སྨྲ་བར་མི་བྱའོ། །གལ་ཏེ་སྔགས་པ་རྨོངས་པའི་བདག
135a8 ཉིད་ཅན་གྱིས་བྱེད་ན་དམྱལ་བར་ངེས་པར་ལྟུང་ངོ་། །དཀོན་མཆོག་གསུམ་ལ་གནོད་པར་བྱེད་པ་དང་། བླ་མ་ལ་བརྙས་པར་བྱེད་པ་དང་། དམ་ཚིག་དང་བྲལ་བ་དང་། སྔགས་དང་བྲལ་བ་དང་། སྔགས་དང་རྒྱུད་ལ་འཕྱ་བར
iiif viewer powered by OpenSeadragon
