| e-texts navigator |
| Wylie |
133a1 དབུས་སུ་ལེགས་པར་བཞག་ལ་མེ་ཐབ་ཀྱི་འོག་ཏུ་ཁྲུ་ཕྱེད་བརྐོས་ལ་བཅུག་ནས་མེ་སྦར་ན་རིམས་ནད་ཀྱིས་འཛིན་ནོ། །དེ་ལ་ལེ་ཚེ་བཅུ་དྲུག་པའི་རབ་ཏུ་སྦྱོར་བ་འདི་གསུངས་ཏེ། འོན་ཀྱང་འདིའི་ཁྱད་པར་ནི་ཡི་གེ་སུམ
133a2 བཅུ་རྩ་གཉིས་པའི་སྔགས་དང་ལྡན་པ་ཡི་གེ་བཅུ་པའི་སྔགས་བསྒྲུབ་བྱའི་མིང་དང་ལྷན་ཅིག་ཏུ་ཡི་གེ་དང་སྔགས་སྤེལ་ལོ། །སྔོན་དུ་གསུངས་པའི་རྫས་དང་ལྷན་ཅིག་ཏུ་བྱ་རོག་གིས་བཏོགས་པའི་ལྷག་མ་མི་གཙང་བ་དང་།
133a3 རྣམ་པར་སྣང་མཛད་དང་ལྷན་ཅིག་ཏུ་དུར་ཁྲོད་ཀྱི་རས་ལ་བྱུགས་ཏེ། དེ་ལ་སྔོན་དུ་གསུངས་པའི་ཆོ་གས་འཁོར་ལོ་བྲིས་ཏེ། དུར་ཁྲོད་དུ་སྦས་ན་འཆི་བར་འགྱུར་རོ། །ཤིང་གཅིག་གི་དྲུང་དུ་སྦས་ན་བསྐྲད་པར་འགྱུར་རོ། །མཚན
133a4 མ་གཅིག་པར་སྦས་ན་དབྱེ་བར་འགྱུར་རོ། །ཆུའི་ནང་དུ་སྦས་ན་རེངས་པར་འགྱུར་རོ། །ཁྱིམ་དུ་གཞག་ན་ཞི་བར་འགྱུར་རོ། །ཕྱུང་ནས་ལེགས་པར་བཀྲུས་ན་གྲོལ་བར་འགྱུར་རོ། །གཞན་ཡང་རབ་ཏུ་སྦྱོར་བ་གསུངས་པ་གཤིན
133a5 རྗེའི་འཁོར་ལོ་སྔོན་གྱི་ཆོ་གས་དུར་ཁྲོད་ཀྱི་རས་ལ་བྲིས་ཏེ། དུར་ཁྲོད་དམ། ལམ་བཞི་མདོ་དང་། ཤིང་གཅིག་དང་། གྲོག་མཁར་དང་། ཆུ་འགྲམ་དང་། མཚན་མ་གཅིག་པ་དང་། རྒྱལ་པོའི་སྒོ་དང་། རྣམ་པར་སྣང་མཛད་དང་། རྡོ་རྗེ
133a6 ཆུ་དང་། དུར་ཁྲོད་ཀྱི་སོལ་བས་བསྒྲུབ་བྱའི་གཟུགས་སོར་བརྒྱད་པ་བྱས་ལ་དེའི་སྙིང་གར་འཁོར་ལོའི་སྔགས་བཅུག་སྟེ། མིའི་རུས་པའི་ཕུར་བུས་གནས་ལྔར་གདབ་པར་བྱའོ། །ཚིགས་ཐམས་ཅད་ལ་ཚེར་མ་རྣོན་པོས་དགང་བར
133a7 བྱའོ། །དེ་ཐོད་པ་གཉིས་ཀྱི་དབུས་སུ་བཅུག་སྟེ། དེ་གྲོག་མཁར་དང་གནས་བདུན་གྱི་སས་གཤིན་རྗེའི་གཟུགས་ཁྲུ་གང་ཙམ་ཞལ་གཙིགས་པ། གསུས་པ་ཆེ་བ། ཞལ་གཅིག་པ། ཕྱག་གཉིས་པ། ཕྱག་ན་རལ་གྲི་དང་ཞགས་པ་འཛིན
133a8 པ། གཅེར་བུ་སྐྲ་བསིལ་བ་བྱས་ལ། དེའི་སྙིང་གར་ཐོད་པ་གཉིས་བཅུག་སྟེ། ཉི་མ་ཕྱེད་དམ་ནམ་ཕྱེད་ན་དུར་ཁྲོད་དམ། རོ་བསྲེགས་པའི་སར་སྦས་ཏེ། ཤིན་དུ་རིང་བར་མགོ་ལྷོར་བསྟན་ལ། ཁ་ཐུར་དུ་ཕུབ་ལ་སྦའོ། །ཁྱིམ་དུ་འོང་པ
iiif viewer powered by OpenSeadragon
