| e-texts navigator |
| Wylie |
102a1 ཉམས་པར་འགྱུར་རོ། །དམ་ཚིག་ལས་ཉམས་ན་བདུད་ཀྱིས་གཟུང་བར་འགྱུར་རོ། །སྐྱེས་བུ་ཤི་ནས་དམྱལ་བའི་གནས་མི་བཟོད་པ་ཆེན་པོར་འགྲོ་བར་འགྱུར་རོ། །སེམས་ཅན་རྣམས་ལ་བརྟེན་ཏེ་བྱང་ཆུབ་ཐོབ་པར་འགྱུར་བས་སེམས་ཅན
102a2 ལ་བསླུ་བར་མི་བྱའོ། །ཞེས་ཤེས་པར་བྱས་ནས་དེ་བཞིན་གཤེགས་པའི་ལམ་དེ་ཉིད་ལ་སེམས་ཅན་དེ་དག་སྦྱར་བར་བྱའོ། །གང་ཞིག་འདི་ལ་བརྩོན་པར་མ་བྱས་པ་དེ་དག་གིས་ནི་ལག་པ་དང་རྐང་པ་དང་། མིག་སྦྱིན་པའི་དཀའ་བ་སྤྱད་པ་དང་། དཀའ
102a3 ཐུབ་ཅི་ལྟ་བུས་ཀྱང་སྡིག་པ་གཞོམ་པའམ། བདུད་རྩིའི་རོ་ཐོབ་པར་མི་ནུས་སོ། །རྣལ་འབྱོར་གཅིག་ཁོང་དུ་ཆུད་ནས་དབེན་པར་སོང་སྟེ། བསྒོམ་པ་བྱས་ན་སྡིག་པ་ལས་གྲོལ་ཞིང་ཚེ་འདི་ཉིད་ལ་སངས་རྒྱས་ཀྱི་ཡོན་ཏན་རྣམས་དང་། ཆོས་བདག་མེད་པར
102a4 བསྒོམས་པས་ཐམས་ཅད་མཁྱེན་པའི་རྣལ་འབྱོར་ཁོང་དུ་ཆུད་པར་བྱའོ། །ཤེས་རབ་དང་ཡེ་ཤེས་ཀྱི་འཇོ་ཚུལ་གྱིས་གསང་བ་ལྔའི་བདག་ཉིད་ཀྱི་གཙོ་བོ་ལ་མཆོད་པར་བྱའོ། །དངོས་པོ་ཐམས་ཅད་དངོས་མེད་པར། །བཞི་བཅུའི
102a5 དོན་ནི་རྟོག་པ་དང་། །རྡོ་རྗེ་པད་མས་དབང་བསྐུར་བས། །བདུད་རྩི་ལྔས་ནི་དགའ་བར་བྱེད། །གསང་བར་བྱ་བའི་ཆོས་གསང་བ། །གསང་ཞིང་སྦས་ཏེ་གཞག་པར་བྱ། །འདོད་ཡོན་ལྔ་ཡི་རྣམ་པ་ནི། །གཟུགས་སྒྲ་དྲི་རོ་རེག་བྱ་སོགས། །
102a6 རྣལ་འབྱོར་སེམས་དཔའ་སྤྱད་བྱ་ཞིང་། །དེ་བཞིན་བཟའ་དང་བཏུང་བྱས་ན། །བལྟས་དང་ཁུ་ཚུར་རྣམ་པ་ཡིས། །སེམས་ཅན་ཐམས་ཅད་དབང་དུ་བྱེད། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ལས་ཆོ་ག་ཐམས་ཅད་བསྟན་པ་རིམ་པར
102a7 ཕྱེ་བ་སྟེ་བཅུ་པའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ལྷ་དང་མི་དང་ལྷ་མ་ཡིན་དང་དྲི་ཟ་དང་། ཐམས་ཅད་དང་ལྡན་པའི་འཁོར་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར
102a8 བསྟོད་དོ། །རྒྱུད་ཀྱི་རྒྱལ་པོ་ཆེན་པོ་སྒྱུ་འཕྲུལ་དྲ་བ་ཐེག་པ་ཆེན་པོའི་ཡང་ཐེག་པ་ཆེན་པོའི་ཚུལ་ཟབ་མོ་གསང་བ་བས་ཀྱང་ཆེས་གསང་བ་ཆེན་པོ་རྫོགས་སོ།། །།ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
iiif viewer powered by OpenSeadragon
