| e-texts navigator |
| Wylie |
7a1 དེར་བརྩམ་བྱ། །རང་གཟུགས་པད་མའི་དབུས་གནས་པར། །སྣང་བྱེད་ལ་སོགས་མཉམ་པའི་འོད། །སྙིང་གར་ཡི་གེ་བྱས་ནས་ཀྱང་། །རྡོ་རྗེ་སེམས་དཔའ་རྣམ་བསྒོམ་བྱ། །རྡོ་རྗེ་སེམས་དཔའ་འདུས་པ་ལ། །
7a2 སངས་རྒྱས་གཟུགས་སུ་རྣམ་བསྒོམ་བྱ། །རིག་པའི་ཚུལ་དུ་ཡང་དག་བསྐྱེད། །དངོས་གྲུབ་ཐམས་ཅད་ཀུན་ཐོབ་འགྱུར། །དེ་ཕྱིར་སྔགས་པས་ཁྱད་པར་གྱི། །རིག་པའི་ཚུལ་ནི་མཆོག་ཏུ་འགྱུར། །བཅོམ་ལྡན་འདས་དེ་བཞིན་གཤེགས་པ
7a3 ཐམས་ཅད་ཀྱི་རྡོ་རྗེ་སེམས་དཔས་དེ་སྐད་ཅེས་གསུངས་སོ། །ཐམས་ཅད་དེ་ཉིད་བྱ་བ་ནི། །ཉི་མའི་དཀྱིལ་འཁོར་དབུས་སུ་ནི། །གཟུགས་ནི་རྣམ་སྣང་མཛད་བསམས་ནས། །སྙིང་གར་སྔགས་ནི་རྣམ་བསྒོམ་བྱ། །དེ་ཉིད་སྔགས
7a4 སུ་རྗེས་སུ་དྲན། །རིག་པའི་ཚུལ་གྱི་ཆོ་ག་ལས། །སློབ་དཔོན་ཡིད་ནི་དགའ་བ་རུ། །ཆོ་ག་ཤེས་པས་དབྱུང་བར་བྱ། །སྙིང་ག་རྣམས་དང་ཐམས་ཅད་དུ། །ཟླ་བའི་དཀྱིལ་འཁོར་བསྒོམ་པའོ། །རང་གི་གཟུགས་ནི་ཡང་དག
7a5 བསྐྱེད། །དེ་ལ་རལ་གྲི་ལ་སོགས་བསྒོམ། །ཆོ་ག་ཤེས་པས་ཡང་དག་བསྐྱེད། །འབར་བ་ལྔ་ནི་རྣམ་བསྒོམ་བྱ། །གཟུགས་དང་ཁ་དོག་རྣམ་པར་ཤེས། །འཇིག་རྟེན་ཁམས་སུ་འདི་སྤྲོ་བྱ། །བཅོམ་ལྡན་འདས་དེ་བཞིན་གཤེགས་པ
7a6 ཐམས་ཅད་ཀྱི་སྤྱན་གྱིས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོ་ལས་ཡེ་ཤེས་རིགས་ཀྱི་ཏིང་ངེ་འཛིན་གྱི་ལེའུ་སྟེ་གཉིས་པའོ།། །།
7a7 དེ་ནས་བཅོམ་ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཟླ་བའི་དཀྱིལ་འཁོར་ལ་གནས་ཏེ་རྣམ་པར་སྣང་མཛད་ཀྱི་གཟུགས་སུ་བྱིན་གྱིས་བརླབས་ནས་དེ་རྣམས་ཀྱང་དཀྱིལ་འཁོར་ཆེན་པོ་འདུས་པ་རྣམས་སུ་རང་གི
7a8 གཟུགས་སུ་གཞག་གོ། བསྡུས་པའི་རིགས་ཀྱི་ཏིང་འཛིན་གྱིས། །ལེའུ་བཀའ་རྣམས་སྩལ་བར་མཛད། །འོ་མ་དང་ཞོར་བསམ་ནས་སུ། །འཕགས་པའི་དམ་ཚིག་བཞི་པོ་དང་། །དབུས་སུ་སྔགས་པས་ཨུད་པ་ལ། །བསྒོམ་བྱ་གཞན
iiif viewer powered by OpenSeadragon
