| e-texts navigator |
| Wylie |
6b1 མཉམ་པའི་འོད། །སྤྱན་ཞེས་བྱ་བ་ཡིད་དགའ་བ། །ཆོ་ག་ཤེས་པས་དབྱུང་བར་བྱ། །ཟླ་བའི་དཀྱིལ་འཁོར་དབུས་གནས་པར། །སྤྱན་ནི་སྙིང་གར་རྣམ་པར་དགོད། །ཆོ་ག་ཤེས་པས་འོད་རྣམ་པར། །རྡོ་རྗེ་སེམས་དཔའ་རབ་གཞུག་བྱ། །
6b2 ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རང་གཟུགས་མྱུར་བའི་དཀྱིལ་འཁོར་དུ། །རྡོ་རྗེ་སེམས་དཔའ་ཡང་དག་བསྐྱེད། །ལྷ་ཡི་རྣམ་པར་ཡང་དག་སྦྱོར། །བསྒོམ་བྱ་བརྩོན་པ་གཞན་མིན་ནོ། །ཉི་མའི་དཀྱིལ
6b3 འཁོར་དབུས་སུ་ནི། །རྡོ་རྗེ་སེམས་དཔར་ཡང་དག་བསྐྱེད། །ལྕགས་ཀྱུའི་རྣམ་པ་ཞགས་པ་སོགས། །བྱས་ནས་སློབ་མ་རབ་གཞུག་བྱ། །རྡོ་རྗེ་སེམས་དཔར་ཡང་དག་བསྐྱེད། །རང་གཟུགས་སྙིང་གར་རྣམ་དགོད་བྱ། །དགོད་པ་བྱས
6b4 ནས་ལག་སོགས་ཀྱིས། །དེ་ནས་གྲངས་ནི་ཡང་དག་བརྩམ། །བཟླས་པ་སོགས་སམ་བཏུང་བྱ་བ། །བློ་ལྡན་དེས་ནི་དེ་བྱའོ། །སྒྲུབ་པོ་རྣམས་ཀྱི་རྣམ་བཟླས་བྱ། །གཞན་དུ་ཡང་དག་གྲུབ་མིན་ཉིད། །བཅོམ་ལྡན་འདས་དེ་བཞིན་གཤེགས
6b5 པ་ཐམས་ཅད་ཀྱི་དམ་ཚིག་གིས་དེ་སྐད་ཅེས་གསུངས་སོ། །རང་གི་གཟུགས་ནི་ཡང་དག་བསྐྱེད། །དབུས་སུ་རང་གི་རིགས་སྒོམ་མོ། །མཐར་ཡང་དགྲ་དང་བགེགས་འཇོམས་པར། །སྙིང་པོ་དེ་རུ་བསྒོམ་པར་བྱ། །འདི་རྣམས་ཀྱི
6b6 ནི་ཆོ་ག་ཡིས། །སྒོམ་པ་ལ་སོགས་ཆོ་གའི་རིམ། །ཉི་མའི་དཀྱིལ་འཁོར་ཚུལ་གྱིས་ནི། །རིག་པའི་རྒྱལ་པོ་རྣམ་བསྒོམ་བྱ། །འབར་བའི་ཕྲེང་བ་འཁྲུགས་འབར་བའི། །ཁྲོ་བོའི་གཟུགས་སུ་བསྒོམ་པར་བྱ། །ཁ་དོག་གང་དེ་ཁོ་ནར
6b7 བརྗོད། །དེ་ཉིད་མཐར་ཐུག་དེ་ཉིད་བརྗོད། །དེ་ཉིད་དེ་ཡིས་བསམ་པར་བྱ། །གཞན་དུ་གྲུབ་པ་མིན་པ་ཉིད། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་ཀུན་དུ་བཟང་པོས་དེ་སྐད་ཅེས་གསུངས་སོ། །རང
6b8 གཟུགས་དཀྱིལ་འཁོར་བྱས་ནས་ནི། །དབུས་སུ་འབར་བ་མཉམ་པའི་འོད། །འཇིག་རྟེན་ཁམས་རྣམས་ཐམས་ཅད་དུ། །དེ་ཉིད་ཤེས་པས་སྙིང་གར་དགོད། །དེ་ལ་བདག་ཉིད་ཡང་དག་བསྐྱེད། །དེ་ཡི་རང་བཞིན
iiif viewer powered by OpenSeadragon
