| e-texts navigator |
| Wylie |
5b1 ཆོ་ག་ཤེས་པས་དབྱུང་བར་བྱ། །རང་གི་གཟུགས་དང་ཐམས་ཅད་དུ། །ལྷ་ལ་སོགས་པ་རྣམ་སྒོམ་བྱེད། །ཁྲུ་གང་ཙམ་ལས་འདས་པར་ནི། །ཉི་མའི་དཀྱིལ་འཁོར་བསྒོམ་པ་ནི། །བགེགས་རྣམས་འཇོམས་པ་ལྟར་བྱས་ནས། །
5b2 འཇིག་རྟེན་ཁམས་སུ་འདི་སྤྲོ་བྱ། །རང་གི་ཕྱག་རྒྱ་སྙིང་ཀ་རུ། །བསམས་ནས་ཉི་མའི་དཀྱིལ་འཁོར་དབུས། །སངས་རྒྱས་རྣམ་པར་ཆོ་ག་ཤེས། །འོད་ཀྱི་དཀྱིལ་འཁོར་བསྒོམ་པར་བྱ། །དེ་དབུས་ཡི་གེ་བྱིན་ནས་ནི། །འཇིག
5b3 རྟེན་ཁམས་ནི་འདི་སྤྲོ་བྱ། །གདུལ་བ་ལ་སོགས་ཅན་བྱས་ནས། །སླར་ཡང་དེ་ཉིད་ལ་སྦྱར་བྱ། །ཁྲུ་གང་ཙམ་ལས་འདས་པར་ནི། །ཟླ་བའི་དཀྱིལ་འཁོར་བསྒོམ་པར་བྱ། །རྡོ་རྗེ་རལ་གྲི་ཡང་དག་བསྐྱེད། །འཇིག་རྟེན་ཁམས
5b4 ནི་ཡོངས་བགྲོད་བྱ། །པད་མ་དཀར་པོའི་འོད་འབར་ཏེ། །བྱང་ཆུབ་སེམས་ཀྱིས་རྣམ་པར་བརྒྱན། །དབུས་སུ་རང་གི་ལྷ་ཡི་གཟུགས། །གཞོགས་སུ་བཙུན་མོ་དགོད་པར་བྱ། །ཆོ་ག་ཤེས་པས་དེ་ལྟར་གཟུང་། །རང་གི་རྡོ་རྗེ
5b5 དེ་ལ་གཞུག་། འཇིག་རྟེན་ཁམས་ནི་ཐམས་ཅད་དུ། །སངས་རྒྱས་དེ་ཉིད་ཀྱིས་མཆོད་བྱ་ཞེས་བཅོམ་ལྡན་འདས་ཀུན་དུ་བཟང་པོས་གསུངས་སོ། །ཇི་སྲིད་ཡང་དག་ཐོབ་སྦྱོར་སྐྱེས། །སྔགས་པས་སླར་ནི་བསྡུ་བར་བྱ། །མཐོ
5b6 གང་ཙམ་ལས་འདས་པར་ནི། །ཉི་མའི་དཀྱིལ་འཁོར་བསྒོམ་པ་ནི། །རང་གཟུགས་ཤིན་དུ་བརྟན་བྱས་ནས། །ལྷ་ལ་སོགས་པ་རྣམ་པར་བསྒོམ། །སྙིང་གར་སྔགས་ཀྱི་ཡིག་བྱིན་ནས། །སངས་རྒྱས་ཀུན་ནི་མཆོད
5b7 པར་བྱ། །མཐོ་བདུན་ཙམ་ལས་འདས་པར་ནི། །དཀྱིལ་འཁོར་བཞི་ནི་སྒོམ་པར་བྱེད། །ལྷ་ཡི་གཟུགས་ཀྱི་དབུས་གནས་པར། །སྙིང་གར་དེ་ལ་བསྒོམ་པར་བྱ་ཞེས་བཅོམ་ལྡན་འདས་རྡོ་རྗེ་དམ་ཚིག་གིས་གསུངས་སོ། །
5b8 རང་གཟུགས་སྤྱན་ཞེས་བྱ་བར་ནི། །བྱས་ནས་སངས་རྒྱས་རྣམ་པར་བསྒོམ། །ཐུགས་ཀ་ཉིད་དང་ཐམས་ཅད་དུ། །མཁས་པས་རང་གཟུགས་བསྒོམ་པར་བྱ། །དེ་རུ་སྙིང་པོའི་ཚུལ་གྱིས་ནི། །སེམས་དཔའི་རྣལ་འབྱོར་རྣམ
iiif viewer powered by OpenSeadragon
