| e-texts navigator |
| Wylie |
5a1 གཞག་བྱ་སྟེ། །རྡོ་རྗེ་སེམས་དཔའ་རྣམ་བསྒོམ་བྱ། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །ཆོ་ག་ཤེས་པས་གཟུགས་བཅུ་དྲུག་།ཁ་དོག་བཞིར་ནི་རྣམ་བསམ་བྱ། །སྙིང་ག་རྣམས་དང
5a2 ཐམས་ཅད་དུ། །ལྷ་རྣམས་དེ་ལ་བསྒོམ་པར་བྱ། །ཞེས་བཅོམ་ལྡན་འདས་རྡོ་རྗེ་འཆང་གིས་གསུངས་སོ། །རང་གི་གཟུགས་ལ་བགེགས་འཇོམས་པར། །སེམས་ལ་བརྟན་པར་བསྒོམ་པར་བྱ། །ཧཱུ~ཾ་ཡིག་དབུགས་ལས
5a3 ཕྱུང་ནས་ནི། །འོད་ཟེར་རྣམ་པར་རབ་ཏུ་གཞུག་ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱིས་གསུངས་སོ། །རང་གཟུགས་ལ་སོགས་མཚུངས་པའི་འོད། །ལྷ་རུ་སྐད་ཅིག་དེ་འགྱུར་རོ། །ཡི་གེ་རྣམས
5a4 ཀྱི་ཚད་ཀྱིས་ནི། །ཝ་ཡི་གཟུགས་ནི་རྣམ་བསྒོམ་བྱ། །སྔགས་པས་དབུས་སུ་ཡི་གེ་ཉིད། །བྱིན་ནས་ལས་ནི་ཀུན་དུ་བརྩམ། །སྔགས་པས་དཔྲལ་བའི་སྟེང་ནས་ནི། །ཇི་སྲིད་ལྟེ་བ་ཞེས་པར་དྲན། །གཉིས་སུ་མེད་པ
5a5 མཉམ་པ་ཉིད་རྣམ་པར་རྒྱལ་བའི་རྟོག་པ་ཆེན་པོ་ལས་རྣམ་པར་འགོད་པའི་ལེའུ་དང་པོ་རྫོགས་སྷོ། ། །། ཤིང་རྟའི་འཁོར་ལོའི་ཚད་དུ་ནི། །པད་མ་ཆེན་པོ་རྣམ་བསྒོམ་བྱ། །ཉི་མའི་དཀྱིལ་འཁོར་དབུས་གནས
5a6 པར། །པད་མའི་ཆུ་བ་དེ་རྣམ་བསྒོམ། །ལས་ཀྱི་རྡོ་རྗེ་ཡང་དག་བསྐྱེད། །རང་གཟུགས་དེ་ལ་བསྒོམ་པར་བྱ། །ལས་ཀྱི་རྡོ་རྗེ་རབ་བསྒོམས་པས། །རྡོ་རྗེ་སེམས་དཔའ་མཉམ་པར་འགྱུར། །ཞེས་བཅོམ་ལྡན་འདས་རྡོ་རྗེ
5a7 སེམས་དཔས་གསུངས་སོ། །འོ་མ་དང་ཞོ་བྱས་ནས་ནི། །དབུས་སུ་པད་མ་རྣམ་པར་བསྒོམ། །རང་གཟུགས་སངས་རྒྱས་ལྟར་བྱས་ནས། །མཁས་པས་རང་གཟུགས་རྣམ་བསྒོམ་བྱ། །ནམ་མཁའི་ཁམས་ནི་ཀུན་བཀང་སྟེ། །
5a8 སླར་ཡང་དེ་ཉིད་སྦྱར་བྱ་སྟེ། །འོ་མ་དང་ཞོ་མཉམ་བྱས་ནས། །སྣ་ཚོགས་ཁ་དོག་མཉམ་པའི་འོད། །ཟླ་བའི་དཀྱིལ་འཁོར་ཚུལ་གྱིས་ནི། །ཉི་མའི་དཀྱིལ་འཁོར་བསྒོམ་པ་ནི། །རང་གཟུགས་སངས་རྒྱས་མཚུངས་པ་ནི། །
iiif viewer powered by OpenSeadragon
