| e-texts navigator |
| Wylie |
4b1 འདི་ནི་དེ་ཉིད་ཚུལ་དག་པའོ། །ཉི་མའི་དཀྱིལ་འཁོར་མཆོག་གྱུར་པ། །ཁྲུ་ནི་སྟོང་ཕྲག་བསམ་པར་བྱ། །ཟླ་བའི་དཀྱིལ་འཁོར་དབུས་གནས་པར། །ཝ་ཡིག་དེ་ལ་བསྒོམ་པར་བྱ། །ཀུན་ནས་ཡོངས་སུ་ཟླུམ་པོར་ནི། །མཐེ་ཆུང
4b2 མཐོ་ཙམ་བསམ་པར་བྱ། །འབར་བ་དེ་ལ་ཆོ་ག་ཤེས། །སྣ་ཚོགས་ཁ་དོག་རྣམ་པར་བསྒོམ། །དེར་ནི་འབར་བ་ཡང་དག་སྐྱེས། །སངས་རྒྱས་གཟུགས་ནི་རྣམ་བསྒོམ་བྱ། །ཕྱོགས་རྣམས་ཀུན་ཏུ་ཨོཾ་ཡིག་ནི། །ཁ་དོག་སྣ་ཚོགས
4b3 རྣམ་བསམ་བྱ། །རྣམ་སྣང་ལ་སོགས་རྣམ་བསྒོམ་པས། །ཆོ་ག་ཤེས་པས་བསྐྱེད་པར་བྱ། །ཉི་མའི་དཀྱིལ་འཁོར་དབུས་གནས་པར། །ཟླ་བའི་དཀྱིལ་འཁོར་བསྒོམ་པའོ། །བདག་ཉིད་དེ་ལ་བསམ་པ་ནི། །དགའ་བ་བསྐྱེད་པའི་ཆོ་ག་ལས། །སྙིང་གི་དབུས་སོན་ཕྲ
4b4 མོ་ནི། །དྲི་མེད་ཟླ་བའི་དཀྱིལ་འཁོར་ལ། །སྔགས་ཡིག་ཕྲ་མོའི་གཟུགས་རྣམས་ཀྱིས། །དེ་དེ་སེམས་ལ་བསམ་པར་བྱ། །ོཾ་ཡིག་འོད་ཟེར་ཡང་དག་སྦྱོར། །འབར་བའི་ཕྲེང་བ་མཉམ་པའི་འོད། །སངས་རྒྱས་གཟུགས་སོགས
4b5 མཚན་ཉིད་ཀྱིས། །ཆོ་ག་ཤེས་པས་དབྱུང་བར་བྱ། །སངས་རྒྱས་གཟུགས་རྣམས་ཐམས་ཅད་དུ། །ཟླ་བའི་དཀྱིལ་འཁོར་སྒོམ་པ་ནི། །སངས་རྒྱས་བསྐྱེད་པའི་ཆོ་ག་ལས། །རང་གི་གཟུགས་སུ་དེ་ལ་བྱའོ། །རྡོ་རྗེ་ཐུགས་སུ
4b6 ཆོ་ག་ལས། །ཉི་མ་ལྔ་ནི་དགོད་བྱ་བ། །སྔགས་པས་ཟླ་བའི་དཀྱིལ་འཁོར་ཅན། །དཔྲལ་བ་རུ་ནི་རྣམ་པར་བསྒོམ། །འོད་ཟེར་འབར་བ་མཉམ་པའི་འོད། །སངས་རྒྱས་གཟུགས་སུ་རྣམ་པར་བསྒོམ། །འཇིག་རྟེན་ཁམས
4b7 རྣམས་རིམ་པར་འདས། །སླར་ཡང་དེ་ལ་རབ་གཞུག་བྱ། །ཁྲུ་ཡི་ཚད་ལས་འདས་པ་ཡིས། །ཟླ་བའི་དཀྱིལ་འཁོར་བསྒོམ་པ་ནི། །རྡོ་རྗེ་སེམས་དཔའ་ཡང་དག་བསྐྱེད། །རང་གི་གཟུགས་ཉིད་བསྒོམ་པར་བྱ། །བཅོམ
4b8 ལྡན་འདས་ཀུན་དུ་བཟང་པོས་དེ་སྐད་ཅེས་གསུངས་སོ། །ཡེ་ཤེས་ཀྱི་རིགས་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ནོ། །ཉི་མའི་དཀྱིལ་འཁོར་དབུས་གནས་པར། །རང་གི་གཟུགས་ནི་བསྒོམ་བྱ་དགེ། །ཟུར་དུ་རྣམ་སྣང
iiif viewer powered by OpenSeadragon
