| e-texts navigator |
| Wylie |
44b1 @##། །རྒྱ་གར་སྐད་དུ། ཤྲཱི་སརྦ་ཏ་ཐཱ་ག་ཏ་གུ་ཧྱ་ཏན་ཏྲ་ཡོ་ག་མ་ཧཱ་རཱ་ཛ་ཨ་དྭ་ཡ་ས་མ་ཏཱ་བི་ཛ་ཡ་ནཱ་མ་བཛྲ་ཤྲཱི་ཝ་ར་མ་ཧཱ་ཀལྤ་ཨཱ་དི། བོད་སྐད་དུ། དཔལ་དེ་བཞིན་གཤེགས་པ་ཐམས་ཅད་ཀྱི་གསང
44b2 བ་རྣལ་འབྱོར་ཆེན་པོ་རྣམ་པར་རྒྱལ་བ་ཞེས་བྱ་བ་མཉམ་པ་ཉིད་གཉིས་སུ་མེད་པའི་རྒྱུད་ཀྱི་རྒྱལ་པོ་རྡོ་རྗེ་དཔལ་མཆོག་ཆེན་པོ་བརྟག་པ་དང་པོའོ། ། དེ་བཞིན་གཤེགས་པ་ཐམས་ཅད་ཀྱི་བདག་ཉིད་དཔལ་རྡོ་རྗེ
44b3 སེམས་དཔའ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་ཡི། །དུས་གཅིག་ཚེ་ན་བཅོམ་ལྡན་འདས། །དེ་བཞིན་གཤེགས་པ་ཐམས་ཅད་ཀྱི། །སྐུ་དང་གསུང་དང་ཐུགས་རྡོ་རྗེ། །རྡོ་རྗེ་བཙུན་མོ་རྣམས་ཀྱི་ནི། །བྷ་ག
44b4 ལ་ནི་སྙོམས་པར་ཞུགས། །གསང་བ་ལས་ཀྱང་ཆེས་གསང་བ། །གསང་བ་ཆེན་པོ་འདི་ལྟ་སྟེ། །དེ་ནས་སྟོན་པ་རྡོ་རྗེ་འཛིན། །དེ་བཞིན་གཤེགས་པ་ཀུན་གྱི་བདག་།གསང་བ་པ་རྣམས་མ་ལུས་པའི། །སྐུ་དང་གསུངས
44b5 དང་ཐུགས་རྡོ་རྗེ། །བྱང་ཆུབ་སེམས་ཀྱི་སྙིང་པོ་ཆེ། །ཆོས་ཀུན་མཉམ་པ་ཉིད་དགོངས་པའི། །མཉམ་ཉིད་གཉིས་སུ་མེད་པའི་གནས། །སྤྱོད་པ་མཉམ་པ་ཞེས་བྱ་བའི། །ཏིང་ངེ་འཛིན་ལ་སྙོམས་ཞུགས་ཏེ། །དེ་ཉིད་ངང་ལ
44b6 གནས་པ་ཡིས། །འཁོར་གྱི་དཀྱིལ་འཁོར་དཔག་མེད་ལ། །གཟིགས་ཤིང་མི་ཕྱེད་རྡོ་རྗེ་ལས། །མ་གཡོས་ལྷམ་མེ་ལྷང་ངེར་གནས། །མི་འགྱུར་གསང་བ་འདུས་པའོ། །སངས་རྒྱས་བྱང་ཆུབ་སེམས་དཔའ་དང་། །རིག་པའི
44b7 ལྷ་མོ་རྫུ་འཕྲུལ་ཅན། །སྣ་ཚོགས་འཁོར་རྣམས་འདུས་པ་སྟེ། །རྣལ་འབྱོར་དབང་ཕྱུག་ཚོགས་རྣམས་ལས། །བྱང་ཆུབ་སེམས་དཔའ་སེམས་དཔའ་ཆེ། །ཀུན་དུ་བཟང་པོས་གསོལ་བ་བཏབ། །རང་གི་སྟན་ལས་ལངས
44b8 ནས་ནི། །བླ་གོས་ཕྲག་པར་གཟར་གྱུར་པས། །པུས་མོ་ས་ལ་བཙུགས་ནས་ནི། །ཐལ་མོ་སྦྱར་ཏེ་སྤྱིས་བཏུད་ནས། །གསང་བ་ཞེས་ནི་གང་ལ་བྱ། །ཆེས་གསང་བ་ནི་ཇི་ལྟ་བུ། །གསང་བ་ཆེན་པོ་ཇི་ལྟར་ལགས། །བཅོམ་ལྡན
iiif viewer powered by OpenSeadragon
