| e-texts navigator |
| Wylie |
40a1 ཡོན་ཏན་འབྱུང་བ་ལ། །གཟུགས་ནི་འདོད་ཆགས་རིགས་མཆོག་གི། གཟུགས་ནི་འདོད་མཆོད་རྡོ་རྗེ་ཅན། །ལས་བཞིའི་རབ་ཏུ་དབྱེ་བ་ལས། །སྔགས་ཀྱི་ཡི་གེ་དགོད་བྱས་ནས། །བཅོམ་ལྡན
40a2 འདས་གསང་བའི་སྦྱིན་སྲེག་རྡོ་རྗེ་འཆང་ཆེན་པོས་དེ་སྐད་ཅེས་གསུངས་སོ། །གཉིས་སུ་མེད་པ་མཉམ་པ་ཉིད་རྣམ་པར་རྒྱལ་བའི་རྟོག་པའི་རྒྱལ་པོ་ཆེན་པོར་དེ་བཞིན་གཤེགས་པ་ཐམས་ཅད་ཀྱི་སྔགས་ཡིད
40a3 བཞིན་ནོར་བུའི་ལེའུ་སྟེ་ཉི་ཤུ་པ་རྫོགས་སོ། ། །། དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་སྟོབས་ཀྱི་སྔགས་ཀུན་ལས་བཏུས་པ་ཞེས་བྱ་བའི་སྙིང
40a4 པོའི་ལེའུ་འདི་གསུངས་སོ། །སངས་རྒྱས་རྡོ་རྗེ་ཆོས་ཆེན་པོ། །འདོད་པའི་དམ་ཚིག་དགྱེས་པ་པོ། །སྔགས་རྣམས་ཐམས་ཅད་ཡང་དག་དམིགས། །དེ་ཡི་བསམ་གཏན་རབ་བསྐུལ་བྱ། །དམ་ཚིག་ཡེ
40a5 ཤེས་སངས་རྒྱས་ཀུན། །རིགས་དམིགས་དཀྱིལ་འཁོར་ཚུལ་གྱིས་ནི། །གཟུགས་ནི་སངས་རྒྱས་མཚུངས་པའི་འོད། །ོ~ཾ`་ཡིག་ཡེ་ཤེས་དབྱེ་བ་ཡིས། །འདི་ནི་རྡོ་རྗེའི་ཚུལ་བསྟན་པའོ། །རལ་པའི་ཅོད
40a6 པན་ལོངས་སྤྱོད་པ། །ཁ་དོག་དཀར་པོ་ཤིན་དུ་མཛེས། །ཕྱག་བཞི་པ་ལ་སྤྱན་ཡངས་པ། །མེ་སྟག་འཐིབས་པས་ཀུན་དུ་འཁྲུགས། །རྣལ་འབྱོར་མཆོད་ཕྱིར་ཐོགས་ལ་སོགས། །བརྒྱན་ཅིང་དཀྱིལ་འཁོར
40a7 ལ་སོགས་པ། །ཅོད་པན་དུ་ནི་རྡོ་རྗེ་སེམས། །མཛེས་པའི་གཟུགས་ནི་རྒྱལ་བའི་གཞི། །དབང་པོ་གཉིས་ཀྱི་རབ་སྦྱོར་བས། །འདི་ནི་བསམ་གཏན་ཚུལ་མཆོག་གོ། སྐུ་ཡི་རྡོ་རྗེའི་སོགས་སྦྱོར་གྱིས། །
40a8 མངོན་ཤེས་ལྔ་ཡི་རབ་སྦྱོར་ལས། །རྐང་གཉིས་མཆོག་དེ་ཉིད་ཤེས་པས། །ཐོད་པ་ཅན་གྱི་གཙོ་བོར་བརྗོད། །སངས་རྒྱས་ཀུན་གྱི་འདི་ཡེ་ཤེས། །རིགས་ཞེས་བྱ་བའི་ཏིང་འཛིན་ནོ། །དེ་ནས་བཅོམ་ལྡན
iiif viewer powered by OpenSeadragon
