| e-texts navigator |
| Wylie |
38b1 དཀྱིལ་འཁོར་དགོད། །ཆོས་ཀྱི་དབང་ཕྱུག་གཟུགས་བསྒོམས་ནས། །ཕྱི་ནས་བྱ་བ་ཡང་དག་བརྩམ། །སྒྲོན་མ་འབྱུང་བ་ཞེས་བྱ་བ་བཅོམ་ལྡན་འདས་འདོད་པའི་མཆོད་པའི་ཏིང་ངེ་འཛིན་རྫོགས་སྷོ།། །།
38b2 ཡང་ན་བརྟུལ་ཞུགས་ཅན་གྱིས་ནི། །བསྡུ་བ་ཡི་སངས་རྒྱས་གཟུགས་བསྒོམ་བྱ། །གཙུག་ཏོར་སྔགས་དང་ཁྲོ་བོ་དང་། །རིག་པའི་རྒྱལ་པོ་རིགས་བཅས་པས། །ལས་རྣམས་ཐམས་ཅད་པ་ཡི་སྔགས། །གོ་རིམས་བཞིན་དུ
38b3 དེ་བཟླས་བྱ། །དབུས་སུ་བདག་པོ་བསྒོམས་ནས་ནི། །ངོས་སུ་ལྷ་རྣམས་དགོད་པར་བྱ། །སྙིང་པོ་སྦྱོར་བ་དེ་རྣམས་སུ། །ཟླ་བའི་དཀྱིལ་འཁོར་བསྒོམ་པར་བྱ། །སྔགས་ཀྱི་ཡི་གེ་མཆོད་བསྒོམས་ནས། །དེ་ཡིས་རྣམ་པ
38b4 རྣམ་བསྒོམས་པ། །ཐམས་ཅད་ཀྱི་ནི་ལག་པར་ནི། །རྡོ་རྗེ་འཁོར་ལོ་པད་མ་བསྒོམ། །མདུང་དང་ཡིད་བཞིན་ནོར་བུ་ཡང་། །བསྒོམས་ནས་མྱུར་དུ་སྒྲུབ་པར་བྱེད། །སྔགས་པས་རང་སྔགས་བཟླས་བྱ་སྟེ། །ཟླ་བའི་དཀྱིལ་འཁོར
38b5 པ་ཡིས། །ངོས་སུ་ཟླ་བ་ཡང་དག་སྦྱོར། །དབུས་སུ་སེར་པོ་རྣམ་བསྒོམ་བྱ། །བསྡུས་ཏེ་གོང་བུའི་ཚུལ་གྱིས་ནི། །རང་གི་ལུས་ལ་དགོད་པར་བྱ། །སངས་རྒྱས་ཐམས་ཅད་རབ་བསྐུལ་བས། །འདི་ནི་རེངས་པར་བྱེད་པའི
38b6 མཆོག་། དུས་རྣམས་ཀུན་དུ་རྣམ་བསྒོམས་ནས། །ངེས་པར་བསྐལ་པར་དེ་གནས་འགྱུར། །ཆོ་ག་ཤེས་པས་མི་བསྐྱོད་སོགས། །ཉི་མའི་དཀྱིལ་འཁོར་ལ་དགོད་བྱ། །རིགས་ཀྱི་དབང་ཕྱུག་རྣམ་བསྒོམས་ནས། །
38b7 ཟླ་བའི་དཀྱིལ་འཁོར་དགོད་པ་ནི། །ཐོག་མ་ཐ་མར་བསམ་གཏན་འདི། །བཞི་ཡི་དབུས་སུ་བསམ་པར་བྱ། །དེ་ཡིས་སངས་རྒྱས་ཉིད་སྒྲུབ་ན། །ཡུན་མི་རིང་བར་སངས་རྒྱས་འགྱུར། །དེ་ཡི་རང་གི་སྔགས་ཀྱི་མཆོག་།
38b8 ཕྱག་རྒྱ་ཤེས་ནས་སྒྲུབ་པ་པོ། །ཆོ་ག་ཤེས་པས་བསྐྱེད་པར་བྱ། །མྱུར་དུ་འགྲུབ་བྱེད་གཞན་དུ་མིན། །ཕྱག་རྒྱ་ཆེན་པོར་རབ་བསྒོམས་ནས། །ནམ་མཁའི་ལམ་གྱི་དབུས་ལས་ནི། །དབུས་སུ་ཉི་མ་དང་མཚུངས་པའི། །དཀྱིལ
iiif viewer powered by OpenSeadragon
